04/23/15 ~ E Dainik Nepali Khabar

११ बैशाख, काठमाडौ ।

सरकारले वैदेशिक रोजगारीमा घरेलु कामदार पठाउन खुला गरेको छ । मन्त्रिपरिषदको सामाजिक समितिले वैदेशिक रोजगारीमा घरेलु कामदार पठाउनेसम्बन्धी निर्देशिका २०७२ गत मंगलबार स्वीकृत गरेपछि सरकारलाई आफ्ना नागरिक विदेशमा घरेलु कामदारका रुपमा पठाउने बाटो खुला भएको हो ।
यसअघि गएकाहरु समस्यामा परेपछि दुई वर्षअघि सरकराले घरेलु कामदार पठाउन रोक्का गरेको थियो ।
विगतमा ब्यक्तिगत तवरबाट घरेलु कामदार पठाउने गरिएकामा अव ब्यक्तिले पठाउन पाउने छैनन् । अबदेखि म्यानपावर कम्पनीले मात्र घरेलु कामदार पठाउन पाउने भएका छन ।

ब्यक्तिगत रुपमा पठाउँदा समस्यामा परेमा जिम्मेवारी लिने कोही नहुने भएकाले त्यसरी पठाउन रोकिएको श्रम तथा रोजगार मन्त्रालयले जनाकारी दिएको छ । घरेलु कामदार पठाउने म्यापावरलाई वैदेशिक रोजगार विभागमार्फत छुट्टै सूचीकृत गरिनेछ ।

हाल सञ्चालनमा रहेका म्यानपावर कम्पनीले नै तोकिएका मापदण्ड पूरा गरी घरेलु कामदार पठाउन पुनः सूचीकृत गर्नुपर्ने ब्यवस्था निर्देशिकाले गरेको छ । आजको अन्नपूर्ण पोष्टमा खबर छ ।

(एजेन्सी)– राती नसुतेको भन्दै दिनमा सुत्ने मानिसहरु सावधान हुनुहोस् । एक तथ्यका आधारमा दिउँसो सुत्ने वयस्क र पाको मानिसहरुको चाँडै मृत्यु हुने सम्भावना हुन्छ । विशेष रुपमा, दिउँसोको निन्द्राले स्वासप्रश्वाससम्बन्धि रोगहरु बढाउने गर्दछ ।

४० देखि ६५ वर्षका उमेरसमूूहरुका मानिसहरु जो दिउँसो एक घण्टा वा त्योभन्दा बढि सुत्ने गर्दछन् उनीहरुको मृत्यु हुने सम्भावना दिउँसो नसुत्ने मानिसहरुको तुलनामा दोब्बर हुन्छ, युनिभर्सिटी अफ क्याब्रिजका अनुसन्धानकर्ताहरुले बताए । दिउँसो धेरै सुत्नाले स्वास्थ्यमा नकारात्मक असर पुर्याउने गर्दछ विशेष गरि श्वासप्रश्वाससम्बन्धि रोगहरु, क्याम्ब्रिजका महामारीविद् यू लेंगले बताए । उक्त अनुसन्धानमा १६ हजार मानिस सामेल गराइएको थियो । सन् १९९८ देखि २००० सम्मको अन्तरालमा उनीहरुको सुत्ने बानीको बारेमा जानकारी लिइयो र उनीहरुलाई १३ वर्षसम्म पिछा गरियो ।

काठमाडौं । ‘तीतो सत्य’मा दीपकराज गिरीकी श्रीमतीको भूमिकामा देखिने चर्चित कलाकार दीपाश्री निरौलालाई सधैंजसो एउटै प्रश्नले पछ्याउन छाडेको छैन- विवाह कहिले गर्ने ?
रेडियो नेपालकी चर्चित धनियाँदेखि चलचित्रकी नायिकासम्म बनिसक्दा दीपाको पछिल्लो पहिचान थपिएको छ – फिल्म निर्माता । उनको लगानीमा बनेको ‘छ एकान छ’ ले दर्शकको माया र व्यवसायिक सफलता हात पारिसकेको छ । यद्यपि उनलाई विवाहको प्रश्नले लखेट्न छाडेको छैन । दीपाले आफ्नो सफलता, व्यवसाय र विवाहका बारेमा मनको रहस्य यसरी खोलिन् :

प्रेम र विवाह
मेरो जीवनमा धेरै युवा आए । तर, कोहीसँग पनि मेरो विवाह हुन सकेन । अहिले पनि रगतले कोरिएका प्रेमपत्रहरु आउँछन् ।
मेरो प्रेमलाई संख्यामा लैजान चाहन्न । जुनबेला मेरो जीवनमा मानिसहरु आए, म कलाको आशक्ति थिएँ । यो क्षेत्र नै छोड्नुपर्छ भन्नेहरु पनि धेरै आए, जसलाई मैले अपनाउन सकिँन ।
म एउटा घरमा गएपछि कसैकी बुहारी, कसैकी आमा बन्छु । मैले श्रीमानको मात्र होइन, सासू ससुरा सबैको दायरालाई काट्न मिल्दैन । मैले बिहेपछि कलामा दिएको आशक्ति पाउनै सक्दिँन ।
कुनै केटाको घर सम्हाल्न जानुछ भने मैले पनि सोच्नुपर्छ नि त्यो परिवारको विषयमा ।
जीवनमा एसएलसी दिने समयमा म पहिलोपटक प्रेममा चुर्लुम्म डुबेकी थिएँ । करिब ९ वर्ष हामी प्रेममा डुब्यांै । त्यतिबेला कसैले हेर्दा पनि माया गरेको आभाष हुन्थ्यो ।
म एसएलसीको तयारीका लागि घर नजिकै एक विद्धानसँग पढ्न जान्थें । एकदिन उहाँले मेरो कपीमा प्रेमपत्र छाडिदिनुभएछ । घरमा आमाले भेट्टाएर खुबै पिट्नुभयो । पछि आमालाई देखाउनैका लागि हामी ‘डेट’मा रमायौं ।
छठमा घुम्न जाने, प्रेममा मस्त हुने भइयो । हामीले बिहे नै गर्ने योजना पनि बनाएका थियांै, तर खै, भाग्यले दिएन । भगवानले साइत नजुराएपछि यस्तै हुँदो रहेछ ।
मलाई अहिले कुरा गर्दै जाँदा मेरो पहिलो प्रेमको याद आइरहेको छ । त्यही व्यक्तिको तस्वीर झल्झली याद आउँछ ।
म अहिले पनि एकजना व्यक्तिको प्रेममा छु । धेरै वर्ष भयो, हामीले एक अर्कालाई माया गर्न थालेको । एक अर्कालाई हामी धेरै नै केयर र माया गछौर्ं । विवाह गर्ने कुरा पनि खुबै आउँछन् । तर, खै साइत नजुरेपछि यस्तै हुँदोरहेछ ।
मेरो जीवनमा बिहे नलेखेको हो कि जस्तो पनि लाग्छ । फेरि म विवाहलाई महत्व दिने मानिस पनि होइन ।
मैले कहिले भनें ‘भर्जिन छु’ ?
जहाँसम्म मैले भर्जिन भनेको कुरा छ, मलाई थाहा छैन, मैले त्यो कहिले भनें । फेरि भनेकै रहेंछु भने पनि त्यो मेरो नितान्त व्यक्तिगत कुरा हो ।
पहिला-पहिला नायिकाहरुलाई निक्कै उत्ताउला प्रश्न सोध्ने चलन थियो । तर, अहिले यो कम भएको छ । यदि मिडियामा त्यस्तो जवाफ मैले दिएको हो भनेर आएको छ भने मैले हेर्नुपर्छ । म ‘सेक्स’को विषयलाई नितान्त व्यक्तिगत रुपमा राख्न चाहन्छु ।
स्रोत साभार/हाम्रो संदेश डट कम बाट : http://www.hamrosandesh.

Home