मोदीको भेसमा अमेरिका पुगेका गजुरेललाई लाग्यो मुर्दावादको नारा
मनोजले समुदायलाई फुटेर होइन जुटेर अघि बढ्न अनुरोध समेत गर्दै भने- ‘एउटा नेपाली भए कवि बन्छ, दुई नेपाली भेट भए अनलाइन चलाउँछ, तीन नेपाली भेट भए संस्था खोल्छन्, चार जना भए त्यो संस्था फुटाएर दुईटा बनाउँछन् !’
नेपालमा लगाएको नाकाबन्दीको विरोधमा अमेरिका बासी नेपालीले मोदीकै भेसमा आएका हाँस्यकलाकार मनोज गजुरेललाई देख्ने वित्तिकै मुर्दावादको नारा लगाएका थिए।
विभिन्न चर्चित व्यक्तिको हाउभाउलाई सर्लक्क टिपेर प्रस्तुती दिन खप्पिस मनोजले टेक्सासको ड्यालसमा झण्डै ४५ मिनेट मोदीलाई कटाक्ष गरेर व्यंग गर्दा दर्शकहरु तालि बजाई उत्साह थपिरहेका थिए। नयाँ संविधान आफ्नो अनुकुल नभएको भन्दै भारतले नेपालमाथि अघोषित नाकावन्दी लगाईरहेको छ। यो नाकावन्दीले काठमाडौं लगायत देशका विभिन्न सहरमा ग्याँस तेल औषधि लगायत अत्यावश्यक समाग्रीको अभाव छ।
मोदी अवतारमा मञ्चमा आएका मनोजले मोदीकै शैलीमा केही समय प्रचवन दिएका थिए। उनको मोदी प्रहसनमा पत्रकारका रूपमा प्रश्न सोधी कालाकार शंकर वाग्लेले साथ दिएका थिए। उनको पहिलो प्रश्न थियो, ‘मोदीज्यु आप अमेरिकामा आएर एउटा कुरा गर्ते हे नेपालमा पुगेर दुसरा दोसरा कुरा दर्तेहे, इन्डियामा पुगेर फाल्तु फाल्तु कुरा करते हे, आपका जिव्रो कति हे?’
यो नाका बन्दी होइन चाकाबन्दी हो भन्दै यहीबाट मनोजले मोदीमाथि व्यंग शुरु गरेका थिए । यसले सहभागी दर्शकलाई निकै हसाएको थियो।
कार्यक्रमका बिच विचमा लोक गायक भीम थापा लगाएत स्थानीय कलाकारहरुले गीत र नृत्य प्रस्तुत गरेका थिए। दोस्रो भागमा मनोजले नेपाल र विश्वका चर्चित राजनीतिक नेताको हाउभाउमा व्यग्य प्रस्तुत गरेका थिए। यस क्रममा उनले नेपाली समुदायसँग जोडिएको केही समाजिक विषयमा समेत व्यंग्य गरेर दर्शकलाई हसाएका थिए।
कार्यक्रममा हाउस फुल दर्शक उपस्थित थिए। मनोजले समुदायलाई फुटेर होइन जुटेर अघि बढ्न अनुरोध समेत गर्दै भने- ‘एउटा नेपाली भए कवि बन्छ, दुई नेपाली भेट भए अनलाइन चलाउँछ, तीन नेपाली भेट भए संस्था खोल्छन्, चार जना भए त्यो संस्था फुटाएर दुईटा बनाउँछन् !’
शुक्रबार साँझ इर्विंगको रमाइलो रेण्टुरेण्ड गरेको उक्त कार्यक्रम टेक्सास नेपाल परोपकारी समिति ड्यालसले आयोजना तथा नेपाली समाजको सहयोगमा कार्यक्रमको संचालन समाजसेबी कृष्ण लामिछानेले गरेका थिए।.setopati.com
0 comments
Write Down Your Responses