काठमाडौँ, १४ कात्तिक । आज बिहान ९ बजेर २८ मिनेट जाँदा रसुवा केन्द्रबिन्दु भएर ४.३ रेक्टर स्केलको परकम्प गएको छ ।
गत वैशाखमा गएको भूकम्पपछि योसहित चार रेक्टर स्केलभन्दा माथिका ४०५ परकम्प गइसकेको राष्ट्रिय भूकम्पमापन केन्द्रका प्रमुख लोकविजय अधिकारीले जानकारी दिनुभयो ।
भूकम्पको धक्काले अन्नपूर्ण प्रथम हिमाल आरोहणमा गएका एक अस्ट्रेलियन नागरिकको मृत्यु भएको छ । मुस्ताङ र म्याग्दीमा पर्ने अन्नपूर्ण प्रथमको आरोहणका लागि गएका ती आरोहीको छ हजार मिटरको उचाइबाट खसेर मृत्यु भएको सीमा प्रहरी चौकी भुरुङ तातोपानीले जनाएको छ । रासस
dainiknepal.com

भारत अधिनस्थ काश्मिरमा सुरक्षाबलले जारी राखेको कारबाहीको क्रममा बिहीबार मारिएका कमाण्डर पाकिस्तानी मूलका रहेको भारतीय सुरक्षा निकायले जनाएको छ ।
मारिएका ती कमाण्डर लस्कार ए तोइबा (एलइटी) का वरिष्ठ कमाण्डर मारिएको समाचारमा जनाइएको थियो । सो समाचारको क्षेत्रीय प्रहरी प्रमुखले पुष्टि गरेका छन् । मारिएका ती कमाण्डर पाकिस्तानी मूलका रहेको सुरक्षाअधिकारीले जनाएका छन् ।
भारत अधिनस्थ काश्मिरको ज्रमुख सहर श्रीनगरबाट ८९ किलोमिटर दक्षिणमा पर्ने कुल्गामको बाहिरी इलाकामा सुरक्षाकर्मीसँग भएको गोलावाबारीमा अबदुल रेहमान अर्थात अबु कसिमको नामबाट परिचित ती कमाण्डरको मारिएका थिए ।
पकिस्तानी मूलका अर्थात पाकिस्तानको सहर बहावालपुरका कसिमले गत पाँच वर्षयतादेखि भारत अधिनस्थ काश्मिरमा भारतीय सुरक्षाबल विरुद्ध आक्रमण गर्दै आएको बताइएको छ ।
कसिम भारतीय सुरक्षाबल विरुद्धको लडाईमा लस्कर ए तोएबा र अन्य आतङ्ककारी समूहको संयोजकको रुपमा रहेको जाइएको छ ।
सन् २००८ को मुम्बई आक्रमणको पनि यही आतङ्ककारी समूहले नै गराएको दावी गर्दै आएका थिए । सो आक्रमणमा १६६ जनाको मृत्यु भएको थियो । रासस/एएफपी
dainiknepal.com

१४ कात्तिक, काठमाडौं ।
एमाओवादीले एमालेका केही नेताले चाहे जसरी उपराष्ट्रपतिमा नन्दबहादुर पुन ‘पासाङ’ को सट्टा अर्को उम्मेदवार दिन नसक्ने बरु पुन पराजित भएमा सरकार नै छाड्ने निष्कर्ष निकालेको छ।

एमालेका वरिष्ठ नेता माधवकुमार नेपाललगायतले उपराष्ट्रपतिमा पुनको सट्टा साना दलका तर्फबाट मधेसी वा थारूको प्रतिनिधित्व हुनेगरी उम्मेदवारी दिनुपर्ने धारणा राखेपछि एमाओवादी स्थायी समितिले यस्तो अडान राखेको हो।शुक्रबार बिहान बसेको स्थायी समिति बैठकले यस्तो निष्कर्ष निकालेपछि बसेको उच्चस्तरीय राजनीतिक समितिको बैठकमा एमाओवादी अध्यक्ष पुष्पकमल दाहालले आफ्नो पार्टीले उपराष्ट्रपतिमा पुनको विकल्प दिन नसक्ने जानकारी गराएका थिए।

शनिबार बिहान ११ बजेदेखि २ बजेसम्म हुने उपराष्ट्रपति निर्वाचनमा सत्ता गठबन्धनका तर्फबाट पुन र प्रतिपक्षी दल कांग्रेसका तर्फबाट अमियकुमार यादव प्रतिस्पर्धी छन्।एमालेका वरिष्ठ नेता माधवकुमार नेपालले बिहीबार र शुक्रबार बिहान बसेको उच्चस्तरीय संयन्त्रको बैठकमा समेत पुनको सट्टा अर्को उम्मेदवार दिनुपर्ने धारणा राखेको स्रोतले बतायो।

आज बिहान ९ बजेर २८ मिनेट जाँदा रसुवा केन्द्रबिन्दु भएर ४.३ रेक्टर स्केलको परकम्प गएको छ ।

गत वैशाखमा गएको भूकम्पपछि योसहित चार रेक्टर स्केलभन्दा माथिका ४०५ परकम्प गइसकेको राष्ट्रिय भूकम्पमापन केन्द्रका प्रमुख लोकविजय अधिकारीले जानकारी दिए।

 कार्तिक १४, २०७२- मध्यरातिदेखि ग्यास डिपो र पेट्रोल पम्पमा उपभोक्ताको लाम लाग्छ। तैपनि नपाउँदा स्थानीय आक्रोशित देखिन्छन्। औषधि पसलहरू खुला छ तर औषधि अभाव छ।
एउटा औषधि खोज्न चार वटा पसल धाउनुपर्छ। बजारमा खाद्य सामग्री पाइरहे पनि ढुवानी खर्चले गर्दा महँगिएको छ। फाटफुट पसल खुले पनि आवागमन न्यून छ। बिनापोसाकमा विद्यालय चले पनि स्कुल बस सञ्चालन नहुँदा अभिभावक एवं बालबालिकाले हैरानी बेहोरिरहेका छन्। अघिल्तिर र पछिल्तिर दुई प्रहरी भ्यानको एस्कर्टिङमा गुड्ने रात्रिकालीन बसमा जोखिम मोलेर यात्रु चढिरहेका छन्। आन्दोलनकारीको ढुंगा प्रहारमा काठमाडौं–विराटनगर ओहोरदोहोर गर्ने अधिकांश बसको अघिल्तिरको सिसा फुटेकाले त्यो भागलाई प्लास्टिक वा तारजालीले टालेको देखिन्छ।  झन्डै अढाइ महिनादेखिको बन्दले मुलुककै पुरानो सहर विराटनगरको अवस्थासमेत दयनीय बन्दै गएको छ। छिमेकी विहारको जोगबनी नजिकै भए पनि यो सहरको जनजीवन बन्द र नाकाबन्दीले संकटमा छ। वरिपरिको अन्य नगर, सहर र गाउँको अवस्था त्यसै पनि बेहालै छ। सहज रूपले सवारी साधनको आवागमन नहुँदा यहाँको कोसी अञ्चल अस्पतालमा डायलोसिस र प्रयोगशालामा प्रयोग हुने सामग्री, स्लाइन र एक्सरे प्लेटको अभाव भएको छ। अस्पतालका मेडिकल सुपरिन्टेन्डेन्ट डा. रोशन पोखरेलले साताभन्दा बढी समयसम्म धान्न सक्ने अवस्था नरहेको बताए। गाडी नचल्नाले रोगीको चाप पनि निकै घटेको छ। यस सरकारी अस्पतालको ओपीडीमा दैनिक ७ सय बिरामी आउने गरे पनि हाल यो ३ सयदेखि ३ सय ५० जनामा सीमित भएको छ। ‘बिरामीको चाप कम हुँदै गएकाले दिउँसो साढे १२ बजेसम्म अस्पताल सुनसान हुन्छ,’ डा. पोखरेलले भने, ‘यस्तै अवस्था रहेमा अस्पताल बन्द हुन सक्छ।’ यहाँका हस्पिटल चोकमा औषधि पसलहरू खुला रहे पनि खोजेको औषधिहरू भेटिन्न। नाकाबन्दीले भारतीय औषधि पाइन्न। यातायात नचल्दा स्वदेशभित्रका औषधिहरू पनि बजारमा पुग्न सकिरहेको छैन। ‘र्‍याक खाली भइसकेको छ, कहिलेसम्म यसरी व्यापार चल्ला? थाहा छैन,’ अस्पतालको ठीक अघिल्तिरको रामकृष्ण फार्मेसीका सञ्चालक आनन्द सारडाले भने। एकअर्कासँग भएको औषधि मगाएर व्यवसायीहरूले उपभोक्ताको माग पूरा गरिरहेका छन्। ‘मसँग नभएको औषधि, अर्को पसलबाट मगाएर दिन्छु, आफूसँग नभएको अरूले मसँग लान्छ,’ उनले भने। दसैंपछिको मधेस आन्दोलनको यहाँ चर्को प्रभाव परेको छ। एकदमै कम संख्यामा स्टेसनरी, किराना, कपडा पसल र होटेलहरू खुलेका छन्। यहाँको कलेज रोडका किराना व्यवसायी ४० वर्षे मिलन बरालले जोखिम मोलेर पसल खोले पनि व्यवसाय धान्न कठिन भएको बताए। नजिकैको सीमावर्ती जोगवनी नाकाबाट सामान आए पनि ढुवानी खर्चले गर्दा कार्टुनमै २ सय २ सय ५० रुपैयाँसम्म बढी पर्न जाने उनले बताए। ‘हामीलाई थोकबाट ल्याउन र ग्राहकलाई किन्न गाह्रो छ,’ उनले भने। लामो बन्दीका कारणले व्यापार नहुँदा ऋण लिएर सटर भाडा तिरेको उनले बताए। ‘यस्तै रहेमा मुस्किलले थप एक महिना पसल चल्छ, त्यसपछि बन्द नै गर्नुपर्छ,’ १० वर्षदेखि व्यवसाय गर्दै आएका बरालले भने। ‘लुकिछिपी भित्री सहरको गल्ली र छेउछेउतिर चलाइरहेको छु,’ सफारी चालक विनोद मण्डलले भने। गाडी नचल्दा स्थानीय नागरिक र विराटनगर किनमेल गर्न आउने वरिपरिका गाउँका बासिन्दा घरबाट निस्कन छाडेका छन्। काठमाडौंबाट दसैं मान्न यहाँ आएका र यहाँबाट बाहिर गएकालाई आ–आफ्नो थलोमा फर्कन कठिन भइरहेको छ। ‘टीकाअघि रात्रिबसमा आएको थिएँ,’ काठमाडौंबाट आएकी तुलसी राउतले भनिन्, ‘यति धेरै गाडीलाई अगाडि र पछाडिबाट प्रहरीको दुइटा भ्यानले के पो एस्कर्टिङ गर्ला र, ज्यानलाई जोखिममा राखेर फर्किरहेको छु।’  काठमाडौं हात्तीवनबाट सपरिवार विराटनगरको मधुमारास्थित आफन्तकोमा टीका लाउन आएका श्यामकुमार श्रेष्ठ र इलामकी सुनिता श्रेष्ठको परिवारलाई घर फर्कन हम्मे पर्‍यो। आफन्तको स्कुटी र मोटरसाइकलको सहयोगले उनीहरूले इनरुवा एवं दुहबीमा रहेका परिवारजनकोमा टीका लगाए। त्यसपछि जसोतसो सार्वजनिक सवारी सञ्चालनमा रहेको सुनसरीको इटहरीसम्म पुगी उनीहरू आ–आफ्नो गन्तव्यतिर लागे।

kantipur.ekantipur.com

म्याग्दी  –म्याग्दीको बेनी नगरपालिका–३ ज्यामरुककोटमा अवैध हतियारको प्रयोग गरी वन्यजन्तुको सिकार गर्ने गरिएको छ ।

ज्यामरुककोटको पारपट्टी रहेको उजेलीपाखा सामुदायिक वनमा ज्यामरुककोटकै बासिन्दाले रातको समयमा अवैध हतियारको प्रयोग गरी वन्यजन्तुको सिकार गर्ने गरेका स्थानीयले बताएका छन् ।

रातको समयमा बन्दुक पड्केको आवाज सुनिने गरेको स्थानीय हीराबहादुर थापाले जानकारी दिए । “कसले बन्दुक राखेको छ र सिकार कसले गर्छ भन्ने कुरा त थाहा भएन तर, जिल्ला प्रहरी कार्यालयले भरुवा बन्दुकलगायतका हतियार प्रहरी कार्यालयमा बुझाउन पटकपटक आग्रह गरे पनि गाउँका सबैले नबुझाएका र तिनी हतियारको प्रयोग गरी रातको समयमा वन्यजन्तुको सिकार गर्ने गरिएको छ” थापाले भने ।

उजेलीपाखा सामुदायिक वनमा कालिज, मृग, नाउर, चितुवा, बादरलगायतका वन्यजन्तुको सिकार हुने गरेको स्थानीयले बताएका छन् ।

जिल्ला प्रहरी कार्यालया अनुसार प्रहरीलाई त्यसका बारेमा कुनै जानकारी प्राप्त भएको छैन । त्यसो भएको पाइएमा हातहतियार तथा खरखजाना ऐनअनुसार मुद्दा चलाई कारबाही गरिने छ ।

www.ratopati.com

काठमाडौं उपत्यकामा शनिबारका लागि ८० हजार सिलिन्डरमा आधा परिमाण (७.१ किलो) भर्न पुग्ने ग्यास आएको छ । यो सामान्य अवस्थाको दैनिक खपतको तुलनामा दोब्बर परिमाण हो । उद्योगीका अनुसार उपत्यकामा सामान्य अवस्थामा दैनिक पूरै भरिएका ४० हजार सिलिन्डर (१४.२ किलो) ग्यास खपत हुने गरेको छ । ग्यास उद्योग संघका अनुसार सामान्य अवस्थामा दैनिक मुलुकभर ६६ बुलेट ग्यास खपत हुने गरेको छ । यसबाट ८२ हजार ५ सय सिलिन्डरमा पूरा ग्यास भर्न पुग्छ । आधा मात्रै ग्यास राख्ने हो ६६ बुलेटबाट १ लाख ६५ हजार सिलिन्डर भर्न सकिन्छ । उपत्यकामा सरदर दैनिक ३० बुलेट ग्यास खपत हुने गर्छ । ३० बुलेटबाट ४१ हजार २ सय ५० सिलिन्डरमा पूरा ग्यास भर्न पुग्छ । संघका अनुसार शुक्रबार साँझ र शनिबार रातिसम्म उपत्यकाका लागि ३२ बुलेट ग्यास आइपुग्नेछन् । भैरहवा नाकाबाट शुक्रबार दिउँसो २४ बुलेट ग्यास काठमाडौंका लागि हिँडेका छन् । ‘ती बुलेट साँझसम्म उपत्यका भित्रिसक्छन्,’ संघ अध्यक्ष शिवप्रसाद घिमिरेले भने, ‘थप ८ बुलेट ग्यास पनि साँझ विभिन्न भन्सार नाका पार गरी काठमाडौंका लागि आउँछन् । ती बुलेट रातिसम्म उद्योगमा आइपुग्छन्    newspati.com

१४ कात्तिक, काठमाडौं ।

भारतले लगाएको नाकाबन्दी एक महिनासम्म जारी रहेपछि बुधबार नेपालले चीनबाट इन्धन ल्याउने समझदारी पत्र (एमओयु) मा हस्ताक्षर गरेको छ । भौगोलिक बिकटताका कारण चीनबाट इन्धन ल्याउन भारत भन्दा कठिन रहेको भए पनि सडक मार्गलाई छोडेर पाइपलाइन विछ्याउने हो भने चीनबाट इन्धन ल्याउन झन् सहज हुनेछ ।

चीनतर्फको भौगोलिक बनावटलाई नै रचनात्मक प्रयोग गरेर नेपाल र चीनबीच पेट्रोलियम पाइपलाइन बनाउने हो भने भारतबाट भन्दा सहज रुपमै तेल ल्याउन सकिन्छ । भारतको रक्सौलबाट बाराको अमलेखगञ्जसम्म पेट्रोलियम पाइपलाइन बनाउने सहमति भइसकेको छ । रक्सौलदेखि अमलेखगञ्जसम्मको ४१ किलोमिटर पाइपलाइन निर्माण कार्य ३० महिनामा सम्पन्न गर्ने लक्ष्य राखिएको छ ।



पाइपलाइनको ३९ किलोमिटर भाग नेपालमा पर्छ भने २ किलोमिटर भारतमा पर्छ । पाइपलाइन विस्तार र अमलेखगञ्ज डिपो सुधारका लागि ४ अर्ब ४० करोड रुपैयाँ लाग्ने अनुमान छ । जसमध्ये भारत सरकारले २ अर्ब भारु अर्थात् ३ अर्ब २० करोड रुपैयाँ अनुदान सहयोग गर्ने छ भने बाँकी १ अर्ब २० करोड रुपैयाँ नेपालले खर्च गर्नेछ ।

तर, पाइपलाइनमै तेल ल्याउने हो भने भारत भन्दा चीनबाट सहजै तेल र ग्यास ल्याउन सकिने देखिएको छ । अहिले चीनले अनुदानको तेल केरुङबाट दिँदैछ । तर, केरुङसम्म चीनको पेट्रोलियम पाइपलाइन छैन । चीनले ल्हासासम्मको पेट्रोलियम पाइपलाइन सिगात्सेसम्म ल्याउने योजना बनाएको छ । तिब्बतको प्रशासनिक राजधानी लासा काठमाण्डौबाट ६ सय किलोमिटर दुरीमा रहेको छ भने सिगात्से पाँच सय ४० किलोमिटर । अहिले ल्हासासम्म पाइपलाइनमा आएको तेल रेल र ट्यांकर मार्फत ढुवानी गरी चिनियाको स्वशासित क्षेत्र तिब्बतमा वितरण गर्ने गरिएको छ । यदि नेपालले चीनलाई निश्चित प्रतिशत तेल र ग्यासको बजार दिने ग्यारेन्टी गरेमा चीनले सिगात्सेसम्म पेट्रोलियम पाइपलाइन तीव्ररुपमा विकास गर्न सक्नेछ । व्यवसायिक रुपमा तेल कारोबार गर्ने सम्झौता भए सिगात्सेबाट चीनले तेल केरुङसम्म ल्याएर बिक्री गर्ने योजना बनाउनेछ ।

यहीअनुरुप नेपालले केरुङबाट बेत्रावतीसम्म पाइपलाइन विकास गर्ने हो भने भौगोलिक कारण कुनै पनि किसिमको अप्ठेरो नपर्ने भुर्गभविद बताउछन् । चीनको केरुङ भौगोलिकरुपमा नेपाली भूगाग भन्दा उच्च स्थानमा छ । केरुङ समुन्द्री सतहबाट १८ सय २० मिटरको उचाइमा छ । यदि केरुङमा चीनले तेल डिपो खडा गरेर त्यहाँबाट पाइपलाइन बनाउने हो भने स्याफ्रुबेसी हुँदैै बेत्रावतीसम्म सहजै इन्धन आइपुग्नेछ । खोलाको किनारै किनार पाइपलाइन ल्याएमा बाह्य उर्जा बिना नै गुरुत्वबलकै भरमा तेल बेत्रावतीसम्म आइपुग्छ । रसुवाको स्याफ्रुबेसी समुन्द्री सतहबाट १४ सय ९० मिटरको उचाइमा छ भने बेत्रावती ७ सय ६० मिटरमा छ । चीनको केरुङबाट बेत्रावतीसम्मको जमिनको सतह लगातार ओरालो छ । केरुङबाट खोला र खोल्सा हुँदै बेत्रावतिसम्म पाइपलाई बिछ्याउने हो भने कुनै पम्पिङको आवश्यक्ता नहुने देखिन्छ ।

केरुङबाट स्याफ्रुबेसी १४ किलोमिटरको दुरीमा छ भने स्याफ्रुबाट बेत्रावती २९ किलोटिरको दुरी छ । यसरी झण्डै ४५ किलोमिटर पाइपलाइन बनाउने हो भने चीनको तेल नेपाल सहजै आउन सक्छ । अहिले बनाउने भनिएको भारतसँगको पाइपलाइन पनि ४१ किलोमिटर लामो हुनेछ । रक्सौलबाट अमलेखगञ्जमा पाइपलाइन बिछ्याउँदा पम्पिङ सेट अनिवार्य हुन्छ । किनभने रक्सौल सुमुन्द्र सतहबाट ८० मिटरको उचाइमा छ भने अमलेखगञ्ज झण्डै १ सय ५० मिटरमा अवस्थित छ । यसरी पनि चीनसँगको पाइपलाइन भारतको भन्दा सस्तो र सहज हुने देखिएको छ । यदि बेत्रावतीमा डिपो बनेमा ८० किलोमिटरको सडकमार्गबाट काठमाडौंमा इन्धन भित्रिने छ । जनकि अमलेखगञ्जबाट त्यही तेल काठमाण्डौ ल्याउन त्यो भन्दा तीन गुणा यात्रा तय गर्नुपर्छ ।

१४ कात्तिक, जनकपुर।

सरकारसँग निर्णायक बार्ता हुनु अघिल्लो दिन आज जनकपुरमा संयुक्त लोकतान्त्रिक मधेशी मोर्चाको आन्तरिक बैठक बसिरहेको छ । सरकारसँग गर्ने बार्ताको बिषयबस्तु तयार गर्न तथा आन्दोलनका स्वरुप परिवर्तन गर्नेबारे छलफल गर्न बार्ता भएको हो ।

यसैबीच, तमलोपाका अध्यक्ष महन्थ ठाकुरले कात्तिक १५ गते हुने वार्ता अन्तिम वार्ता हुने बताएको छ । महोत्तरीमा ३५ दिनदेखि जारि धर्नामा सहभागि हुन पुगेका तमलोपा अध्यक्ष ठाकुरले भोली मधेसी मोर्चा र सरकारबीच हुने वार्ता अन्तिम हुने बताएका हुन् ।



यस अघि सरकारी वार्ता टोलिले आफुहरुसंग सार्थक वार्ता गर्नका लागि पुर्ण विवरण लिएर आउन कार्तिक १२ गतेसम्मको समय लिएका थिए । तर खाका विना नै उनीहरु वार्ता गर्न आएपछि मोर्चा र सरकारीबार्ता टोलीबीच भएको वार्ता निश्कर्ष विहिन भएको ठाकुरले दावी गरे ।

१५ गतेको वार्ता सार्थक नभए देश दुर्घटनामा फस्ने चेतावनी दिँदै अध्यक्ष ठाकुरले त्यसपछि वार्ताको कुनै औचित्य नरहने स्पष्ट पारे ।

मुस्ताङ, १४ कात्तिक । अन्नपूर्ण प्रथम हिमाल आरोहणमा गएका एक अस्ट्रेलियन नागरिकको मृत्युभएको छ ।
मुस्ताङ र म्याग्दीमा पर्ने अन्नपूर्ण प्रथमको आरोहणका लागि गएका ती आरोहीको छ हजार मिटरको उचाइबाट खसेर मृत्यु भएको सीमा प्रहरी चौकी भुरुङ तातोपानीले जनाएको छ ।
मृत्यु हुने आरोहीको पहिचान हुन सकेको छैन । हिमाल आरोहणका लागि एकदमै सहज मानिने अन्नपूर्ण प्रथममा चार जनाको टोली चार दिनअघि त्यसतर्फ गएका थिए ।
सहकर्मी खसेर मृत्यु भएपछि उनका सहकर्मी आधा बाटोबाटै फर्किएको अन्नपूर्ण संरक्षण क्षेत्र आयोजना (एक्याप) व्यवस्थापन समिति नारच्याङका अध्यक्ष तेज गुरुङले जानकारी दिनुभयो । “सीमा प्रहरी चौकीमा हामीले खबर गरेका छौँ, अप्ठ्यारो ठाउँमा रहेका कारण शव निकाल्न सक्ने अवस्था छैन–”उहाँले भन्नुभयो ।
आधार शिविरसम्म पुग्नका लागि हेलिकप्टर अथवा मुस्ताङको कुञ्जो हुँदै घुमाउरो बाटो जानुपर्ने हुन्छ । पैदल जाँदा दुईदिन लाग्ने भएकाले अधिकांश आरोही हेलिकप्टरमार्फत सिधै त्यहाँ पुग्ने गर्दछन् । मृतक आरोहीको पहिचान र शव ल्याउने प्रयास भइरहेको सीमा प्रहरी चौकीले जनाएको छ ।
dainiknepal.com

काठमाडौं, १४ कार्तिक । संयुक्त लोकतान्त्रिक मधेसी मोर्चाको अवरोध सीमा नाकाबाट हटाउन सरकारले सेना परिचानल गर्ने तयारी गरेको छ । झण्डै साढे २ महिनादेखिको मधेसी मोर्चाको आन्दोलनले देशभरको जनजिवन प्रभावित हुँदै गएपछि सरकारले सीमानाकामा सेना परिचालन गर्ने तयारी गरेको हो ।
प्रधानमन्त्री केपी शर्मा ओली र गृहमन्त्री शक्तिबहादुर बस्नेतले सीमानाकाको अवरोध हटाउन सेना परिचालन गर्ने तयारी गरेका छन् । भारतले सीमानाकाको अवरोधले नेपालमा इन्धन भित्रिन नसकेको वताउन थालेपछि सुरक्षार्थ नेपाली सेना खटाउने निस्कर्षमा सरकार पुगेको छ ।
शुक्रबार नै  भारतीय विदेश मन्त्रालयले पत्रकार सम्मेलन गरी नेपालमा आफुहरुले नाकाबन्दी नगरेको तर नेपालमा भएको आन्दोलनले आफ्ना सवारी साधन जान नमानेको बताएको छ । सुरक्षा ब्यवस्था नभएका कारण सवारी साधनहरु नेपाल जान नसकेको बताउँदै भारतीय विदेश मन्त्रालयले भारतबाट नाकाबन्दी नभएको बताए ।
सरकारले सुख्खा बन्दरगाहबाट आउन सामानको सुरक्षाका लागि सेना परिचालनको तयारी गरिएको उद्योगमन्त्री सोमनाथ पाण्डे र आपूर्तिमन्त्री गणेशमान पुनले औपचारिकरुपमा जानकारी समेत गराई सकेका छन् ।yeskathmandu भिडियो हेर्न तलको बाकस थिच्नुहोस

काठमाडौं – एमाओवादीले एमालेका केही नेताले चाहे जसरी उपराष्ट्रपतिमा नन्दबहादुर पुन ‘पासाङ’ को सट्टा अर्को उम्मेदवार दिन नसक्ने बरु पुन पराजित भएमा सरकार नै छाड्ने निष्कर्ष निकालेको छ ।

एमालेका वरिष्ठ नेता माधवकुमार नेपाललगायतले उपराष्ट्रपतिमा पुनको सट्टा साना दलका तर्फबाट मधेसी वा थारुको प्रतिनिधित्व हुनेगरी उम्मेदवारी दिनुपर्ने धारणा राखेपछि एमाओवादी स्थायी समितिले यस्तो अडान राखेको हो । शुक्रबार बिहान बसेको स्थायी समिति बैठकले यस्तो निष्कर्ष निकालेपछि बसेको उच्चस्तरीय राजनीतिक समितिको बैठकमा एमाओवादी अध्यक्ष प्रचण्डले आफ्नो पार्टीको उपराष्ट्रपतिमा पुनको विकल्प दिन नसक्ने जानकारी गराएका थिए । शनिबार बिहान ११ बजेदेखि २ बजेसम्म हुने उपराष्ट्रपति निर्वाचनमा सत्ता गठबन्धनका तर्फबाट पुन र प्रतिपक्षी दल कांग्रेसका तर्फबाट अमियकुमार यादव प्रतिस्पर्धी छन् ।

एमालेका वरिष्ठ नेता माधवकुमार नेपालले बिहीबार र शुक्रबार बिहान बसेको उच्चस्तरीय संयन्त्रको बैठकमा समेत पुनको सट्टा अर्को उम्मेदवार दिनुपर्ने धारणा राखेको स्रोतले बतायो । एमाले नेतृत्व उपराष्ट्रपति मधेसी जनअधिकार फोरम लोकतान्त्रिक, नेकपा संयुक्तलगायत साना पार्टीलाई दिनुपर्ने पक्षमा छ ।
एमाओवादी स्थायी समिति सदस्य एवं सार्वजनिक लेखा समितिको सभापति जनार्दन शर्माले उपराष्ट्रपति थारु वा मधेसी हुनु राम्रो भएको तर त्यसको प्रारम्भ राष्ट्रपति उम्मेदवार चयनबाटै हुनुपर्ने बताए । उनले भने,‘उपराष्ट्रपति पदमा पासा निर्वाचित नभएमा पार्टीका तर्फबाट मन्त्री भएका आठै जनाबाट एकसाथ सत्ता परित्याग हुनेछ ।’ आजको अन्नपूर्ण पोस्ट दैनिकमा खबर छ । भिडियो हेर्न तलको बाकस थिच्नुहोस

iकाठमाडौं, १४ कात्तिक । मागभन्दा निक्कै थोरै ग्यास राजधानीमा वितरण सुरु गरेपछि सरकारलाई थोगिनसक्नुको समस्या आइपरेको छ ।
आज (शनिबार) बिहानबाट ग्यास बिक्री बितरण हुने समाचार सुनेका र पढेका उपभोक्ताहरू तीन दिनदेखि लाइनमा बसेका छन् ।
तर उपभोक्ताको मागभन्दा निक्कै कम ग्यास वितरणको तयारी भएपछि ग्यास उद्योगहरूले भरिएका सिलिण्डर बाहिर निकाल्न सकेका छैनन् ।
नेपाल ग्यास उद्योग संघका अध्यक्ष शिवप्रसाद घिमिरेले मागभन्दा निक्कै कम ग्यास बिक्री वितरण हुन थालेकाले सबै उपभोक्ताको माग धान्न नसकिने बताउनुभएको छ ।
अध्यक्ष घिमिरेका अनुसार राजधानीमा आज एभरेष्ट र नेपाल ग्यासले मात्रै बिक्री वितरण गर्ने छन् । दुबै कम्पनीको गरेर करिव ४४ हजार सिलिण्डर ग्यास बिक्री वितरण हुने उहाँले बताउनुभयो । उपभोक्ताले आधा भरिएको सिलिन्डर सात सय रुपियाँमा पाउने छन् ।
‘आधा भरिएको सिलिण्डर दुई वटा कम्पनीले उपभोक्तालाई दिने तयारी भएको छ’, अध्यक्ष घिमिरेले भन्नुभयो, ‘भरिएका ग्यासका सिलिण्डर उद्योगबाट बाहिर निकाल्न सकिएको छैन । हज्जारौँ सर्वसाधारण उद्योग बाहिर मुल गेटमा लाइन बस्नु भएको छ ।’
ग्यास वितरणमा समस्या देखिएपछि ग्यास उद्योग कम्पनीहरूले प्रहरी प्रशासनको सहयोग माग गरेका छन् । प्रहरी सुरक्षामा ग्यास वितरण हुनेछ ।
एभरेष्ट ग्यास उद्योग र नेपाल ग्यास उद्योगले तीन÷तीन वटा बुलेट पाएका थिए । उनीहरूले ती बुलेटबाट ट्रन्सफर गरी सिलिन्डरहरूमा भरेका छन् । तर उपभोक्ताको लामो लाइन रहेकाले उद्योगबाट बाहिर निकाल्न सकेका छैनन् ।
एभरेष्ट ग्यासको उद्योग काठमाडौंको चाल्नाखेलमा चार दिनदेखि उपभोक्ताको लामो लाइन रहेको अध्यक्ष घिमिरेले बताउनुभयो । त्यस्तै अवस्था बालाजुमा उद्योग रहेको नेपाल ग्यासको पनि छ ।
उता, साल्ट टे«डिङको एसटिसी ग्यासका सिलिण्डिर अझै राजधानी भित्रिएका छैनन् । चार वटा बुलेट पाएको साल्ट ट्रेडिङले सोमबारसम्म आफ्ना सिलिन्डर राजधानी भित्राउने अध्यक्ष घिमिरेले बताउनुभयो ।
dainiknepal.com

अशिक्षा र अज्ञानता
संखुवासभा: १८ वर्षीया किशोरी निमछिकी शेर्पा तीन सन्तानकी आमा बनेकी छिन्। अशिक्षा र अज्ञानताले गर्दा उनले १४ वर्षमै बिहे गरिन् र लगातार तीन बच्चा जन्माइन्।


स्याबुन-५ देउराली चित्रेका फुर्तेम्बा शेर्पासँग २०६८ सालमा विवाह गरेकी उनका तीन वर्षीया जेठी छोरी निमलमु, दुई वर्षीय छोरा तेन्जी र एक महिनाका छोरा लाक्पा शेर्पा छन्। २०५३ चैत २० गते जन्मिएकी उनी आमा बनेकोमा आफैं छक्क मान्छिन्।

तीन सन्तानकी आमा भए पनि उनी छोराछोरीसँगै खेल्ने गर्छिन्।उनमा बच्चालाई स्तनपान गराउने तरिका, पोषकतत्व र सरसफाइबारे कुनै ज्ञान छैन। उनी आफैं सानो उमेरकी भएकीले आफ्ना सन्तानलाई कसरी पालनपोषण गर्ने र हुर्काउने भन्ने ज्ञान पनि छैन।

कसरी हुर्काउँछौ यी सन्तान भन्ने जिज्ञासामा उनले 'आफैं हुर्किन्छन्' भन्ने जबाफ दिइन्।गाउँमा दुई वर्षमुनिका बालबालिकालाई खुवाउनुपर्ने खानेकुराका विषयमा अभिभावक नै जानकार हुँदैनन्। त्यस कारण बालबालिका कुपोषित हुने गर्छन्।

किशोरी आमाहरू भने स्वास्थ्यसम्बन्धी ज्ञान नहुँदा अकालमै मृत्यु हुने जोखिममा रहेका हुन्छन्।निमछिकीका पति ६ महिनाअघि खाडी मुलुकमा रोजगारका लागि गएका छन्। सासूससुरासँग छुट्टिएर बसेकी उनी सामान्य काम गरेर गुजारा चलाउँदै आएकी छिन्।

नुम-४ की १६ वर्षीया सीता विक र १६ वर्षीया सविता गुरुङ (विक) पनि काखे बच्चा हुर्काउन व्यस्त छन्। सोही गाउँकी १५ वर्षीया विमला तामाङले १२ वर्षकै उमेरमा बिहे गरी १४ वर्षमा बच्चा जन्माएकी थिइन्।

उनीहरू कोही पनि कखरा चिन्दैनन्। सानैमा गाउँमा भागी विवाह भएकाले पढ्न नपाएको उनीहरूले बताए।वरुण बहुमुखी क्याम्पसका प्रमुख टीकाराम गुरुङ किशोरकिशोरी चाँडै निर्णय लिन तत्पर हुने तर परिपक्व नहुने भएकाले यस्ता समस्या आउने गरेको बताउँछन्।

अभिभावक नै यसमा प्रमुख जिम्मेवार हुनुपर्ने उनले बताए।जिल्ला स्वास्थ्य कार्यालयका प्रमुख सागर प्रसाईंले किशोरी अवस्थामा विवाह नगर्न र बच्चा नजन्माउन कार्यालयले सचेतना फैलाउने काम गरिरहेको बताए।

उनले स्वास्थ्य संस्थामा गर्भवती जाँच गर्न आउने आमाहरूलाई अवस्था हेरेर थप सचेतना पनि दिने गरेको बताए। कार्यालयले दुर्गम क्षेत्रमा देखिएका समस्या समाधान गर्न थप कार्यक्रम सञ्चालन गर्ने लक्ष राखेको पनि उनले जानकारी दिए।

दुर्गम गाउँका किशोरी १४ वर्षदेखि नै आमा बन्ने गरेका प्रसस्त उदाहरण भेटिन्छन्। गैरसरकारी संस्था महासंघका अध्यक्ष मनबहादुर लिम्बू यस्ता किशोरी आमा बन्ने क्रम नरोकिएकाले स्वास्थ्य शिक्षा थप प्रभावकारी बनाउन आवश्यक रहेको बताउँछन्।
www.annapurnapost.com

शनिबार, १४ कार्तिक
काठमाडौं । एमाओवादीले एमालेका केही नेताले चाहे जसरी उपराष्ट्रपतिमा नन्दबहादुर पुन ’पासाङ’ को सट्टा अर्को उम्मेदवार दिन नसक्ने बरु पुन पराजित भएमा सरकार नै छाड्ने निष्कर्ष निकालेको छ।
एमालेका वरिष्ठ नेता माधवकुमार नेपाललगायतले उपराष्ट्रपतिमा पुनको सट्टा साना दलका तर्फबाट मधेसी वा थारूको प्रतिनिधित्व हुनेगरी उम्मेदवारी दिनुपर्ने धारणा राखेपछि एमाओवादी स्थायी समितिले यस्तो अडान राखेको हो।
शुक्रबार बिहान बसेको स्थायी समिति बैठकले यस्तो निष्कर्ष निकालेपछि बसेको उच्चस्तरीय राजनीतिक समितिको बैठकमा एमाओवादी अध्यक्ष पुष्पकमल दाहालले आफ्नो पार्टीले उपराष्ट्रपतिमा पुनको विकल्प दिन नसक्ने जानकारी गराएका थिए। आजको अन्नपुर्णमा समाचार छ ।
www.nepalsandesh.com

शनिबार, १४ कार्तिक
काठमाठौ । काठमाडौ उपत्यकामा आजका लागि ८० हजार सिलिन्डरमा आधा ग्यास भर्न पुग्ने ग्यास आएको छ ।
यो ग्यास आजदेखि उपत्यकाका बिभिन्न स्थानमा वितरण गरिने नेपाल आयल निगमले जनाएको छ र
सो सामान्य अबस्थामा दैनिक खपतको तुलानामा झण्डै दोब्बर हो । उद्योगीको अनुसार दैनिक पुरा भएिको ४० हजार सिलिन्डिर खपत हुने गरेको छ । सामान्य अवस्था दैनिक ६६ बुलेट गयास खपट हुन्छ ।
संघका अनुसार शुक्रबार देखि शनिबार साझ सम्म काठमाडौमा ३२ बुलेट ग्यास आइसेका छन् । आजको नयाँ पत्रिमकामा समाचार छ ।
www.nepalsandesh.com

पटकशनिबार, १४ कार्तिक
काठमाडौ । बन्द र नाकाबन्दीलाई बहाना बनाएर विराटनगरमा खाने तेलको कालोबजारी सुरु भएको छ।
दुई सातायता सूर्यमुखी र तोरी तेलको मूल्य प्रतिलिटर कम्तीमा ५० रुपैयाँसम्म बढेको छ ।यस्तो तेलमा प्रतिकार्टुन सात सयदेखि आठ सय रुपैयाँसम्म मूल्य बढाइएको छ।
खाने तेलको खपत बढ्ने पर्व तिहार नजिकिँदै गएकाले चर्को मूल्य तिरेर भए पनि उपभोक्ता खरिद गर्न बाध्य भएका छन्। विराटनगरमा प्रतिलिटर एक सय २५ रुपैयाँमा पाइने सूर्यमुखी तेल अहिले एक सय ९० रुपैयाँमा बेच्ने गरिएको छ।
उद्योगीहरूले भने तेल उद्योग नै सञ्चालन गर्न नसकिएको दाबी गर्दै बजारमा पहिल्यै गएको तेल खुद्रा व्यापारीले मूल्य बढाएको हुनसक्ने भनेर आफ्नो बचाउन गरेका छन्। आजको अन्नपुर्णमा समाचार छ  ।
www.nepalsandesh.com

मेष - चु, चे, चो, ला, लि, लु, ले, लो, अ (Aries)
परिश्रमअनुसार उपलब्धि पनि राम्रै पाइएला। रोकिएका काम पुनः सुरु हुन सक्छन्। नयाँ काम सुरु गर्ने समय छ। व्यापारमा मनग्य धनलाभ हुनेछ। कृषिक्षेत्रमा भने अलि बढी परिश्रम र लगानी गर्नुपर्ला। साथीभाइले राम्रै सहयोग जुटाउनेछन्। विशेषगरी नयाँ उद्योग वा रचनात्मक काममा जुट्ने समय छ। परिवारजनका आकांक्षा पूरा गर्न सकिनेछ।

...
बृष - इ, उ, ए, ओ, बा, बि, बु, बे, बो (Taurus)
विभिन्न अवसरले पट्याृनेछन्। तर, समयमा काम सम्पादन नहुनाले अवसर गुम्ने सम्भावना देखिन्छ। सहयोगी वा हितैसी जनले तपाईंको कमजोरीप्रति टिप्पणी वा गुनासो गर्न सक्छन्, सचेत रहनुहोस्। पढाइलेखाइमा ध्यान दिन नसकिएला। द्विविधामा परिने र निर्णायक क्षमतामा कमी आउने योग छ। धैर्यसाथ निरन्तरको प्रयत्नले मात्र फाइदा हुनेछ।

...
मिथुन - का, कि, कु, घ, ङ, छ, के, को, ह (Gemini)
हिम्मतले काम लिन नसक्दा केही पछि परिनेछ। योजनाअनुसार अघि बढ्न नसकिए पनि नियमित काम भने सम्पादन हुनेछन्। खानपानको अनियमितताले स्वास्थ्यमा समस्या देखिएला। सहयोगीहरू कमै भेटिनेछन् भने फुर्सदिलाहरूले अलमल्याउन सक्छन्। परिस्थितिअनुसार चल्न नसक्दा केही मौका गुमाउनुपर्ला। टाढिएका आफन्तको यादले पिरोल्नेछ।

...
कर्कट - हि, हु, हे, हो, डा, डि, डु, डे, डो (Cancer)
अवसरको खोजीमा केही दौडधूप गर्नुपर्ला। फाइदाका पछि लाग्दा साथीभाइसँग असमझदारी बढ्न सक्छ। खर्च बढ्नुका साथै आर्थिक अभाव देखा पर्न सक्छ। आक्षेप लगाउनेहरू सक्रिय हुनेछन् भने सहयोग गर्नेहरू कमै भेटिनेछन्। धेरै लगानीपछि कममात्र फाइदा हुनेछ। सानो कमजोरीले अवसर गुम्न सक्छ, होसियारीसाथ काममा जुट्नुहोला।

...
सिंह - मा, मि, मु, मे, मो, टा, टि, टु, टे (Leo)
धेरै लगानीपछि कम प्रतिफल पाइने र अरूको भरण–पोषणमा खर्च हुने समय छ। उठ्नुपर्ने रकम हातलागी भए पनि तत्काल खर्चनुपर्ला। कृषि, पशुपालनमा आदिमा पनि सामान्य फाइदाकै समय छ। श्रमको मूल्यांकन भए पनि प्रतिफल तत्कालै नपाइएला। भएको आम्दानी र सञ्चित रकम समेत खर्चनुपर्ला। आम्दानी सामान्य भए पनि ठूलो खाँचो टर्नेछ।

...
कन्या - टो, प, पि, पु, ष, ण, ठ, पे, पो (Virgo)
आफ्नो क्षेत्रमा प्रभुत्व जमाउन सकिनेछ। दाम, इनाम र प्रतिष्ठा कमाउने बेला छ। सामाजिक कामको दायित्व बढ्नेछ। भूमि, वाहन र पैत्रिक सम्पत्तिबाट लाभ मिल्ने योग छ। व्यापारमा प्रशस्त फाइदा हुनेछ। आँटेका काममा प्रतिष्ठित व्यक्तित्वको सहयोग समेत जुट्न सक्छ। प्रतिष्ठित काम गर्ने मौका छ। अरूलाई प्रभावित पारेर काम बनाउने समय छ।

...
तुला - र, रि, रु, रे, रो, ता, ति, तु, ते (Libra)
आँटेको काम समयमा गर्न नसकिएला। अरूका काममा समय बित्न सक्छ। तापनि, प्रयत्न गर्दा केही काम बन्नेछन्। सहयोगीहरूले साथ दिनेछन् र आंशिक सफलता मिल्नेछ। आस मारेको काम बन्नाले उत्साह जाग्नेछ। धेरैलाई फाइदा हुने काम सम्पादन गर्न सकिनेछ। अस्वस्थताका बाबजुद जिम्मेवारी भने थपिनेछन्। व्यावसायमा खर्च बढ्नेछ।

...
बृश्चिक - तो, ना, नि, नु, ने, नो, या, यि, यु (Scorpio)
काममा केही चुनौती देखिए पनि प्रयत्न गर्दा सकारात्मक संकेत प्राप्त हुनेछ। सहयोगीहरूले अप्ठ्यारो समयमा साथ दिनाले चुनौतीहरूलाई पार लगाउन सकिनेछ। गोप्य रहस्य पत्ता लाग्नेछन् भने नसोचेको धन लाभ हुन सक्छ। तापनि, सानातिना समस्याले अप्ठ्यारो परिस्थिति सिर्जना हुने देखिन्छ। स्वास्थ्यमा पनि अलि कमजोरी अनुभूति हुन सक्छ।

...
धनु - ये, यो, भ, भि, भु, ध, फा, ढ, भे (Sagittarius)
सुखदुःखमा साथ दिनेहरू प्रशस्तै भेटिनेछन् भने परिवारजनको साथले नयाँ आशा पलाउनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। विभिन्न सहयोग र उपहार पाइनेछ। आयआर्जन पनि राम्रै हुनेछ। अतिथिका रूपमा सम्मान प्राप्त हुन सक्छ। रमाइलो यात्रा गर्ने अवसर जुट्नेछ। कामको चापबाट पनि फुर्सद पाइनेछ।

...
मकर - भो, ज, जि, खि, खु, खे, खो, गा, गि (Capricorn)
रोकिएका काम बन्नाले उत्साह जाग्नेछ। संघर्ष गरेरै अधिकार स्थापित गर्न सकिनेछ। शत्रुहरू किनारा लाग्नेछन्। प्रतिस्पर्धामा पनि विजयी भइनेछ। व्यापारलगायत आर्थिक लाभ हुने काममा धेरै समय बित्नेछ। ईर्ष्या गर्नेहरूले काममा अवरोध पुर्याउन सक्छन्। आफ्ना योजना गोप्य राखेर अघि बढ्दा फाइदा हुनेछ। चुनौती चिर्दै काम बनाउन सकिनेछ।

...
कुम्भ - गु, गे, गो, सा, सि, सु, से, सो, द (Aquarius)
प्रतिष्ठित काममा जुट्ने अवसर पाइनेछ। तर, अप्रिय समाचारले मन खिन्न रहनेछ। पढाइलेखाइमा पनि ध्यान दिन नसकिएला। व्यापार–व्यवसायमा समेत त्यत्ति फाइदा नहुन सक्छ। धैर्यले काम लिनुपर्ला। पशुपालन तथा कृषि क्षेत्रबाट भने सामान्य लाभ मिल्ने योग छ। बौद्धिक प्रतिस्पर्धामा विजयी भइनेछ। सन्तान वा अनुयायीले पनि प्रसन्नता दिलाउनेछन्।

...
मीन - दि, दु, थ, झ, ञ, दे, दो, च, चि (Pisces)
परिवारजनको सहयोगले फाइदा लिन सकिनेछ। तर अनावश्यक शंका जाग्ने र शंकाकै कारण आत्मीय सम्बन्धमा कमी आउने योग छ। मान्यजनको सुझाव अप्रिय लाग्नेछ। उच्च महत्वाकांक्षा र विगतका गलत निर्णयले पनि काममा चुनौती आउने देखिन्छ। मातृधन तथा परिवारजनको सहकार्यबाट लाभ उठाउन सकिनेछ। पशुधन र जमिनबाट पनि फाइदा होला।

...
मेष - चु, चे, चो, ला, लि, लु, ले, लो, अ (Aries)
सुरुमा आकस्मिक खर्च बढ्नाले समस्या उत्पन्न हुन सक्छ। अवसरको खोजीमा केही दौडधूप गर्नुपर्ला। रोकिएका काममा दोहोर्याएर प्रयास गर्दा फाइदा हुनेछ। विदेशभ्रमणको प्रयत्न सफल हुन सक्छ। मंगलबारदेखि विशिष्ट व्यक्तित्वसँग भेटघाट गर्ने अवसर जुट्ला। मनपर्ने वस्त्र, अलंकार आदि लाभ हुने समय छ। स्वास्थ्यका लागि खानपानमा भने सजग रहनुहोला। बोलीको प्रभावले विवाद हु“दा मानसम्मानमा आघात पुग्न सक्छ। तापनि, सहयोगीहरू जुट्नेछन्। अतिथिका रूपमा सम्मानित भइएला। काममा पनि उत्साह थपिनेछ।

...
बृष - इ, उ, ए, ओ, बा, बि, बु, बे, बो (Taurus)
कामको राम्रो मूल्यांकन हुनाले उचित प्रतिफल पाइनेछ। दिगो फाइदा हुने काम प्रारम्भ गर्ने अवसर जुट्नेछ। खर्च भए पनि लामो यात्रा गर्ने अवसर जुर्न सक्छ। टाढाका साथीभाइसँग सम्बन्ध बढ्नेछ। समय रमाइलो रहला। मंगलबार र बुधबार केही काम बिग्रनाले मन खिन्न रहन सक्छ। तापनि, विभिन्न अवसर आइरहनेछन्। बिहीबारदेखि स्थितिमा सुधार आउनुका साथै आरोग्य एवं स्फूर्ति बढ्नेछ। सुन्दर पहिरनमा ठाँटिएर धेरैको मन लोभ्याउन सकिनेछ । भेटघाटले प्रसन्नता मिल्नेछ। वादविवादबाट टाढै रहने प्रयत्न गर्नुहोला।

...
मिथुन - का, कि, कु, घ, ङ, छ, के, को, ह (Gemini)
अवसर आए पनि नयाँ काममा हात हाल्नुअघि राम्ररी विचार पुर्याउनुहोला। ईर्ष्या गर्नेहरू सक्रिय रहनेछन् भने अवसरवादीहरूले फसाउने चेष्टा गर्नेछन्। विशेष योजना गोप्य राख्नुहोला। मंगलबारदेखि नयाँ काम गर्ने मौका छ। अरूलाई प्रभावित पारेर काम बनाउने समय छ। व्यवसायबाट सोचेको लाभ मिल्नेछ। दाम, इनाम र प्रतिष्ठा कमाउने बेला छ। आम्दानी प्रशस्तै बढ्नेछ। बिहीबारपछि भने भने खर्च बढ्ने र काम रोकिने सम्भावना छ। तापनि, सप्ताहान्त उत्साहवर्द्धक नै रहला। रमाइलो भेटघाट हुने देखिन्छ।

...
कर्कट - हि, हु, हे, हो, डा, डि, डु, डे, डो (Cancer)
नयाँ काम र जिम्मेवारी मिल्ने समय छ। धार्मिक, सामाजिक तथा परोपकारजन्य क्रियाकलापमा मन जाला। राजनीति र नोकरीमा उन्नति होला। व्यवसायबाट सोचेको लाभ मिल्नेछ। विद्यामा प्रगति हुनेछ। मंगलबार र बुधबार अरूको विश्वास जिते पनि आफन्तबाट धोका हुन सक्छ। तापनि, दाम, इनाम र प्रतिष्ठा कमाउने बेला छ। प्रतिनिधिमूलक यात्रा सम्भावना छ। पुराना साथीभाइसँग भेटघाट गर्ने मौका छ। साताको अन्त्यमा खर्च बढ्नेछ। तत्काललाई केही नोक्सानी देखिए पनि दीर्घकालीन काममा लगानी गरिनेछ।

...
सिंह - मा, मि, मु, मे, मो, टा, टि, टु, टे (Leo)
सुरुमा केही समस्या आउलान्। चोटपटक लाग्ने वा अस्वस्थताको योग छ। कामको बोझ पनि थपिनेछ। मंगलबारदेखि स्थितिमा केही सुधार आउला। नयाँ जिम्मेवारी पाइनेछ। धार्मिक क्रियाकलापमा रुचि जाग्नेछ। मान–सम्मान बढ्नेछ, प्रशंसा पाइएला। रमाइलो भ्रमण सम्भावना छ। नयाँ काम गर्ने मौका छ। आफ्नो क्षेत्रको नेतृत्व गर्दै यात्रा गर्ने मौका आउला। आयआर्जनमा सुधार आउनेछ। कीर्तिमानी कामले अरूको मन जित्न सकिनेछ। प्रशंसकहरूले पनि चर्चा गर्नेछन्। सप्ताहान्तमा भने अनावश्यक खर्च बढ्न सक्छ।

...
कन्या - टो, प, पि, पु, ष, ण, ठ, पे, पो (Virgo)
यात्रा गर्ने अवसर जुट्नुका साथै आतिथ्यपूर्ण सम्मान पाइने समय छ। प्रियजनसँग भेटघाट गर्ने साइत पनि जुर्न सक्छ। मंगलबार र बुधबार परिस्थिति अलि प्रतिकूल रहन सक्छ। अस्वस्थता र व्यावहारिक झमेलामा अलमलिनुपर्ने देखिन्छ। बिहीबारदेखि स्थितिमा सुधार आउनेछ। सहयोगीहरू जुट्नाले रोकिएका काम बन्न थाल्नेछन्। समाजसेवा, परोपकार जस्ता प्रतिष्ठा बढ्ने काम सम्पादन गर्दै फाइदा हुने कामको जिम्मेवारी हात पार्न सकिनेछ। आफ्नो अधिकार र प्रतिष्ठा जोगाउन गोपनीयतामा ध्यान पुर्याउनुहोला।

...
तुला - र, रि, रु, रे, रो, ता, ति, तु, ते (Libra)
केही चुनौती देखिए पनि रोकिएका काम बन्नाले उत्साह जाग्नेछ। प्रयत्न गर्दा प्रतिस्पर्धीलाई पछि पार्न सकिनेछ। कामको सन्दर्भमा शक्तिशाली व्यक्तिहरूसँग प्रतिस्पर्धामा उत्रनुपर्ने स्थिति आउन सक्छ। यात्रा अलि खर्चिलो हुने सम्भावना छ। लाञ्छना आइलाग्ने समय देखिएकाले जोगिने प्रयत्न गनुहोला। अप्ठ्यारो परिस्थितिमा गरिएको पुरुषार्थले कीर्ति राख्ने अवसर दिलाउन सक्छ। सप्ताहान्तमा बुद्धिको उपयोगले समस्या सुल्झाउँदै नयाँ जिम्मेवारी हात पार्न सकिनेछ। दोषी ठान्नेहरूले पुनः प्रशंसा गर्न थाल्नेछन्।

...
बृश्चिक - तो, ना, नि, नु, ने, नो, या, यि, यु (Scorpio)
प्रारम्भमा केही अप्ठ्यारा परिस्थितिसँग सम्झौता गर्नुपरे पनि धेरैको भलाइ हुने काम सम्पादन गर्न सकिनेछ। इतिहास एवं धर्म–संस्कृतिको जगेर्नामा अभिरुचि जाग्नेछ। बिहीबारदेखि सुखदुःखमा साथ दिनेहरू प्रशस्तै भेटिनेछन्। विशिष्ट व्यक्तित्वसँग भेटघाट गर्ने अवसर जुट्नेछ। लगनशीलताले दाम, इनाम एवं प्रतिष्ठा दिलाउनेछ। अप्ठ्यारा चुनौतीहरूलाई समेत पन्छाउन सकिनेछ। प्रेम र मित्रताको बन्धन कसिनेछ। व्यवसायमूलक भ्रमण गर्ने समय छ। सप्ताहान्तमा भने अस्वस्थता, हानि र चोटपटकको योग छ, सचेत रहनुहोला।

...
धनु - ये, यो, भ, भि, भु, ध, फा, ढ, भे (Sagittarius)
प्रारम्भमा नजिकको ठानिएकाले विश्वासमा पारेर धोका दिन सक्छन्। महत्वाकांक्षी योजना गोप्य राख्नुमै बुद्धिमानी हुनेछ। मेहनतले जीवनशैलीमा परिवर्तन ल्याउन सक्छ। व्यापार–व्यवसायमा राम्रो फाइदा उठाउन सकिनेछ। गुरुजनको साथ मिल्नुका साथै पढाइलेखाइमा प्रगति हुनेछ। विभिन्न भौतिक साधन जुट्नेछन्। बिहीबार र शुक्रबार अवसरको खोजीमा दौडधूप गर्नुपर्ला। प्रतिद्वन्द्वीहरूको चलखेल बढ्नाले अप्ठ्यारोमा परिने सम्भावना छ। सप्ताहान्तमा रमाइलो यात्राको योग छ। आर्थिक पक्ष पनि सबल बन्दै जानेछ।

...
मकर - भो, ज, जि, खि, खु, खे, खो, गा, गि (Capricorn)
प्रारम्भमा काममा केही चुनौती देखिएलान्। पुरानो समस्याले पनि झमेला निम्त्याउन सक्छ। कृषि तथा पशुपालनमा खर्च बढ्नेछ। मंगलबारपछि नयाँ काममा हात हाल्न सकिनेछ। प्रतिस्पर्धाबाट लाभ मिल्नेछ भने मेहनत गर्दा प्रशस्त धन आर्जन हुन सक्छ। टाढिएका आफन्तहरू नजिकिनेछन्। रोकिएका काम बन्न थाल्नेछन्। पढाइलेखाइमा पनि उन्नति हुनेछ। प्रतिभा देखाएरै अवसर हात पार्न सकिनेछ। व्यवसायबाट प्रशस्त लाभ होला। समुदायको हक हित संरक्षण गर्दै धेरैको भलाइ हुने काम गर्न पनि सकिनेछ।

...
कुम्भ - गु, गे, गो, सा, सि, सु, से, सो, द (Aquarius)
प्रारम्भमा मानसम्मान बढ्नेछ। बोलीकै प्रभावले महत्वपूर्ण काम सम्पादन हुने समय छ। वैचारिक क्षमता बढ्नेछ। तपाईंको अभिव्यक्तिबाट धेरैलाई प्रभाव पर्नेछ। काममा आत्मबल बढ्नेछ। व्यवसायबाट प्रशस्त लाभ मिल्नेछ। आँटेका काममा सहयोगीहरूले साथ दिनेछन् र थप हौसला मिल्नेछ। प्रतिस्पर्धीहरूले हार खालान्। मित्रहरूको सञ्जाल फराकिलो हुनुका साथै प्रेमको गाँठो समेत कसिनेछ। मंगलबार र बुधबार अरूको भरपर्दा काम बिग्रन सक्छ। सप्ताहान्तमा भने स्थिति अनुकूल बन्नेछ। रमाइला क्षणको सहयात्री बन्न सकिनेछ।

...
मीन - दि, दु, थ, झ, ञ, दे, दो, च, चि (Pisces)
सुरुमा कामबाट विश्राम लिने मौका छ। प्रियजनसँग भेटघाट र प्रसन्नताको समय छ। विभिन्न उपहार समेत पाइएला। पार्टी, पिकनिक वा खानपान समारोहमा सहभागी भइएला। अवसरको खोजीमा दौडधूप गर्नुपर्ला। मंगलबार र बुधबार प्रतिद्वन्द्वीहरूको चलखेल बढ्नाले अप्ठ्यारोमा परिने सम्भावना छ। बिहीबारदेखि सहयोगीहरूबाट साथ पाइनेछ। कर्मयोगमा अभिवृद्धि हुनेछ। प्रेम र मित्रताको गाँठो कसिनेछ। परिवारजनको भावनालाई बेवास्ता गर्दा समस्या देखापर्नेछ। गल्ती सच्याउने प्रयत्नले गुमेको प्रतिष्ठा दिलाउन सक्छ।

...
मेष - चु, चे, चो, ला, लि, लु, ले, लो, अ (Aries)
आँटेका काममा केही व्यवधान भए पनि आस मारेको कामले उत्साह जगाउनेछ। गुरुजनको साथ मिल्नेछ भने अध्ययनमा प्रगति हुनेछ। पारिवारिक असमझदारीले खिन्नता बढाउनेछ। जीवनसाथीको स्वास्थ्यमा कमजोरी देखापर्न सक्छ। स्वास्थ्यमा बाधा र रोगको निदानमा कठिनाइ हुने समय छ। महिनाको उत्तरार्द्धमा स्थिति अनुकूल बन्नेछ। व्यावसायिक काममा लाभ मिल्नेछ भने आर्थिक पक्ष पनि सबल बन्नेछ। टाढाको यात्रा गर्ने अवसर प्राप्त हुनेछ। रोकिएका काम बन्नेछन् र नयाँ काम सुरु गर्न सकिनेछ। प्रेम र मित्रताको बन्धन कसिनुका साथै नयाँ सम्बन्ध स्थापित हुन सक्छ।

...
बृष - इ, उ, ए, ओ, बा, बि, बु, बे, बो (Taurus)
रोकिएका काम बन्नाले उत्साह जाग्नेछ। लगनशीलताले जीवनशैलीमा परिवर्तन ल्याउन सक्छ। वर्गीय हक हितका लागि गरिएको प्रयत्नले दिगो फाइदा दिलाउन सक्छ। घरेलु समस्याले राजनीतिक तथा सामाजिक प्रभाव कमजोर बनाउनेछ। आफन्तसँग वादविवाद हुन सक्छ। प्रतिस्पर्धीहरूले केही काममा हस्तक्षेप गर्न सक्छन्, सचेत रहनुहोला। अनुसन्धानात्मक अध्ययनमा लाग्नेहरूलाई फाइदा हुने समय छ। परिवारजनले राम्रै साथ दिनेछन्। सुरुमा मन्दी वा अभाव देखिए पनि महिनाको दोस्रो साताबाट आर्थिक समस्या समाधान हुनेछ। विभिन्न भौतिक साधनहरू पनि जुटाउन सकिनेछ।

...
मिथुन - का, कि, कु, घ, ङ, छ, के, को, ह (Gemini)
केही चुनौती देखिए पनि महिनाको सुरुवात लाभदायक रहनेछ। भौतिक साधन जुट्नाले काममा फाइदै हुनेछ। हिम्मतले काम लिन सकिनेछ। साझेदारी तथा सगोलको सम्पत्तिमा भने विवाद आउन सक्छ। पेटको गडबडीले स्वास्थ्यमा पनि कमजोरी देखा पर्नेछ। आत्मीय सम्बन्ध फटाउनेहरू सक्रिय हुनेछन्। बुद्धिको उपयोगले अघि बढ्नेहरूलाई भने फाइदा हुनेछ। व्यवसायमा अलि मन्दी आउने देखिन्छ। परिवारजनमा असमझदारी बढ्न सक्छ। सन्तानको बारेमा केही चिन्ता बढ्ने ग्रहयोग छ। महिनाको उत्तरार्द्धमा आफन्तबाट टाढिने परिस्थिति आउला। व्यवसायमा लगानी बढाउन सकिनेछ।

...
कर्कट - हि, हु, हे, हो, डा, डि, डु, डे, डो (Cancer)
स्थायी सम्पत्तिको विवादले मन खिन्न हुनेछ। फसेको धन उठाउन कडारूपमा प्रस्तुत हुनुपर्नेछ। आमाको स्वास्थ्य बिग्रनाले चिन्ता बढ्नेछ। कृषि तथा पशुपालनमा पनि त्यति फाइदा नमिल्न सक्छ। मनको डरले पनि अलि पिरोल्न सक्छ। अरूको समस्या सुल्झाउन खोज्दा आफैं समस्यामा परिने सम्भावना छ। प्रयत्न गर्दा साथीभाइले साथ दिनेछन्। एकसाथ अनेक कार्यको थालनी हुन सक्छ। महिनाको उत्तरार्द्धमा कृषि र व्यवसाय बढी फलदायी हुनेछ। समाजमा कीर्ति बढ्ने काम सम्पादन गर्न सकिनेछ। प्रतिस्पर्धीलाई पछि पार्न सकिनेछ भने उद्योग र व्यापारमा पनि फाइदा मिल्नेछ।

...
सिंह - मा, मि, मु, मे, मो, टा, टि, टु, टे (Leo)
अवसर खोज्नेहरूका लागि यो महिना निकै लाभदायक रहनेछ। टाउको दुख्ने र मौसमी रुघाखोकीले भने सताउन सक्छ। लगनशीलताले विभिन्न अवसर दिलाउन सक्छ। प्रतिस्पर्धीहरूले हार खानेछन् भने मानसम्मान समेत प्राप्त हुने समय छ। काम देखाएरै अरूलाई प्रभावित पार्न सकिनेछ। परिवारजनको निष्क्रियताले अलि खिन्न भइनेछ। काममा ढिलासुस्ती र सरकारी निकायबाट कडिकडाउको सिकार भइएला। व्यापार–व्यवसायमा भने राम्रै फाइदा हुनेछ। पठनपाठनमा राम्रो उन्नति हुनेछ। सन्तान वा अनुयायीले पनि प्रसन्नता दिलाउनेछन्। प्रेम र मित्रताको बन्धन कसिने समय छ।

...
कन्या - टो, प, पि, पु, ष, ण, ठ, पे, पो (Virgo)
केही वादविवादमा परिने सम्भावना छ। घर–परिवारमा केही असमझदारी बढ्न सक्छ। चोटपटक वा ज्वरो जस्ता समस्याले यदाकदा सताउने देखिन्छ। आँखाको समस्याले पनि अलि सताउनेछ। आमाको स्वास्थ्यप्रति चिन्ता बढ्न सक्छ। घर–जग्गा लगायत स्थायी सम्पत्तिमा विवाद आउने योग छ। तापनि, महिनाको उत्तरार्द्धमा प्रतिष्ठित व्यक्तितवसँग मित्रता बढ्नेछ। भूमिबाट प्रशस्त फाइदा मिल्नेछ। साथीभाइ र बन्धुबान्धवको सहयोग जुट्नाले अप्ठ्यारा काम पनि सहजै सम्पादन हुनेछन्। समाजमा कीर्ति बढ्ने काम पनि सम्पादन होला। प्रयत्न गर्दा कृषि र व्यापार–व्यवसायमा पनि राम्रै फाइदा उठाउन सकिनेछ।

...
तुला - र, रि, रु, रे, रो, ता, ति, तु, ते (Libra)
आम्दानी प्रशस्तै भए पनि गलत विचारले पछि पार्न सक्छ। टाउको दुखाइ वा आँखाको कमजोरीले सताउने समय छ। आफ्ना कमजोरीप्रति शुभचिन्तकहरूको गुनासो बढ्न सक्छ। परिस्थितिलाई बेवास्ता गर्नाले पछि परिनेछ। बुद्धिको उपयोगले मात्र सफलताको सूत्र पत्ता लगाउन सकिनेछ। प्रारम्भमा मनग्य धनलाभ हुनेछ भने महिनाको अन्त्यतिर अनावश्यक खर्च हुने सम्भावना छ। दीर्घकालसम्म फाइदा उठाउन नसकिएला। मन मिल्ने साथीभाइ टाढिनेछन् भने परिवारजनसँग पनि असमझदारी बढ्न सक्छ। खराब आचरण भएकाहरूसँग नजिकिने योग देखिन्छ। अनावश्यक दौडधुपमा धन खर्च हनेछ।

...
बृश्चिक - तो, ना, नि, नु, ने, नो, या, यि, यु (Scorpio)
महिनाको सुरुमा शुभचिन्तकहरूले साथ दिनेछन्। तर, समयमा होश नपुग्नाले जरिवानामा परिने सम्भावना छ। व्यवसायमा केही मन्दी र आयआर्जनमा कमी आउन सक्छ। सञ्चित रकम खर्च हुने योग छ। काममा गरिएको प्रयत्न व्यर्थ हुन सक्छ। अनावश्यक दौडधुपमा समय बित्नेछ। ठूलो आशा देखाएर ठगी गर्नेहरूले पनि सताउन सक्छन्। वादविवाद र झैझगडाबाट टाढै बस्ने चेष्टा गर्नुहोला। राजनीतिक व्यक्तिहरूले ठगी गर्न सक्छन्। तापनि, व्यवसाय र उद्योगधन्दामा राम्रो फाइदा मिल्नेछ। संगीत, कला आदि प्रतिभाको उचित कदर हुनेछ। लगनशीलताले सामाजिक प्रतिष्ठा दिलाउनेछ।

...
धनु - ये, यो, भ, भि, भु, ध, फा, ढ, भे (Sagittarius)
आकस्मिक लाभ हुने समय छ। उत्साहवर्द्धक समाचार सुन्न पाइनेछ। मानसम्मान पाउनुका साथै प्रशस्तै आम्दानी बढ्नेछ। आयआर्जनका स्रोतसमेत बढ्नेछन्। जीवनसाथीको सहयोगले थप लाभ र आनन्द मिल्नेछ। परिवारजनमा आत्मीय भाव र विलासिता बढ्नेछ। प्रेम र मित्रताको बन्धन कसिने बेला छ। प्रतिस्पर्धीलाई परास्त गर्न सकिनेछ। नोकरीमा पदोन्नति र पढाइलेखाइमा पनि प्रगतिको समय छ। गरेका कामहरूको धेरैले प्रशंसा गर्नेछन्। कृषि, पशुधनबाट पनि थथेष्ट लाभ मिल्नेछ। भोगविलासमा मन रमाउनेछ। उच्च महत्वाकांक्षाले केही हानि समेत हुन सक्छ, सचेत रहनुहोला।

...
मकर - भो, ज, जि, खि, खु, खे, खो, गा, गि (Capricorn)
विभिन्न व्यवधानका बीच कीर्तिमानी काम सम्पादन हुन सक्छ। लगनशीलताले धेरैको मन जित्न सकिनेछ। राष्ट्रियस्तरको मानसम्मान पाइने समय छ। प्रतिष्ठित व्यक्तित्वसँग भेटघाट हुनेछ। नोकरीमा पदोन्नति र राजनीतिमा लाग्नेहरूलाई विशेष फाइदाको समय छ। घरमा मंगलमय कार्यहरू सम्पादन हुनेछन्। प्रशस्त धनलाभ हुनेछ। बहुमूल्य रत्नहरू संग्रह गर्न सकिनेछ। व्यापार तथा उद्योगतर्फ लगानी बढाउने समय छ। कृषिउपज र पशुधनबाट पनि राम्रै फाइदा हुनेछ। आफन्त तथा परिवारजनमा आत्मीयभाव बढ्नेछ। आफ्नो वर्गको नेतृत्व गर्दै रमाइलो यात्रा गर्ने अवसर पनि मिल्नेछ।

...
कुम्भ - गु, गे, गो, सा, सि, सु, से, सो, द (Aquarius)
परिस्थितिलाई ख्याल गर्न नसक्दा हातमा आएका केही अवसर गुम्न सक्छन्। अरूका काममा महत्वपूर्ण समय बित्न सक्छ। विपरीत लिंगीहरूप्रति आकर्षण बढ्नुका साथै प्रेम र मित्रताको बन्धन कसिने समय छ। स्थायी सम्पत्तिमा केही विवाद आउने सम्भावना छ। आफन्तजनसँग असमझदारी बढ्न सक्छ। गुरु तथा मान्यजनबाट पनि टाढिनुपर्ला। शारीरिक अस्वस्थताका बाबजुद कामको दायित्व बढ्नेछ। धार्मिक काममा अलि बाधा होला। तथापि, परिवारजनको सहयोगले विशेष कामहरू बन्नेछन्। व्यवसायमा फाइदा हुनेछ। दाम्पत्य सम्बन्ध सुमधुर बन्नेछ। अन्धविश्वासको भरमा काम गर्दा दुःख पाइनेछ।

...
मीन - दि, दु, थ, झ, ञ, दे, दो, च, चि (Pisces)
आफ्ना विषयवस्तुमाथि अरूले अधिकार जमाउन सक्छन्। राजनीतिक तथा सामाजिक प्रभाव कमजोर बन्नेछ। प्रतिद्वन्द्वीहरूको चलखेल बढ्न सक्छ। काममा अनायासै बाधा वा हस्तक्षेप हुने देखिन्छ, सचेत रहनुहोला। केही जरिवाना पनि सम्भावना छ। स्वास्थ्यमा कब्जियत र ढाड–कम्मर सम्बन्धी समस्याले सताउन सक्छ। चोटपटकको योग देखिएकाले सवारीसाधन वा हातहतियारको उपयोग गर्दा निकै सावधानी अपनाउनुहोला। आफ्ना कमजोरीले परिवारजनलाई समेत पीडाबोध हुनेछ। अध्ययनमा लाग्नेहरूलाई सामान्य फाइदा हुनेछ। व्यवसायमा सोचेको प्रगति नहोला। आर्थिक अभावले पनि सताउन सक्छ।

...
मेष - चु, चे, चो, ला, लि, लु, ले, लो, अ (Aries)
वर्षको सुरुमा बन्धुबान्धव वा इष्टमित्रसँग असमझदारी बढ्न सक्छ। धेरै परिश्रमबाट थोरै लाभ मिल्ने योग छ। घरखर्च पनि बढ्नेछ। ठूलो लगानीबाट कममात्र फाइदा हुनेछ। साझेदारीमा पनि सम्बन्ध बिग्रनाले यदाकदा अप्ठ्यारोमा परिनेछ। असार २५ पछि बृहस्पतिको अनुकूलताले स्थितिमा सुधार आउनेछ। परिश्रमबाटै घर–जग्गा वा स्थिर सम्पत्ति जोड्ने समय छ। तर, आर्थिक अभावले भने अलि सताउनेछ। व्यवसायमा केही उतारचढाव आए पनि अन्ततः फाइदै हुनेछ। साथीभाइले साथ दिनेछन्। पढाइमा अनुकूल समय छ। तर्कशक्ति बढ्नुका साथै बौद्धिक क्षमता प्रदर्शन गर्ने मौका आउला। प्रयत्न गर्दा विशेष छात्रवृत्ति र अध्ययनका लागि विदेशयात्रा सम्भावना छ। सन्तानबाट फाइदा र सुख मिल्ने योग छ। रोकिएका काम सुरु हुनेछन्। र, आर्थिक उपार्जनमा सुधार आउनेछ। कष्टस्थानमा शनिको उपस्थितिले नसा, जोर्नी वा गुप्ताङ्गसम्बन्धी समस्या आउन सक्छ। खर्च र ऋणभार समेत बढ्ने देखिन्छ। पुस र माघ महिनामा शत्रुहरूले पनि सताउन सक्छन्, सचेत रहनुहोला। यो वर्ष घरमा मंगलमय कार्य सम्पादन हुनेछन्। धर्मकर्म र समाजसेवामा विशेष लगाव बढ्नेछ। कृषि र पशुपालनमा सामान्य र उद्योग तथा व्यापारमा राम्रै लाभ मिल्ने देखिन्छ। वर्षभरि शनिबार पीपलमा जल चढाउनाले र गणेश, बगलामुखी र काली भगवतीको पूजा–उपासना गर्नाले फाइदा पुग्नेछ। असार, असोज, माघ र फागुन महिनामा बढी फाइदा हुनेछ। वैशाख, साउन, मंसिर र चैत महिना भने अलि प्रतिकूल रहनेछन्।

...
बृष - इ, उ, ए, ओ, बा, बि, बु, बे, बो (Taurus)
वर्षको सुरुमा आम्दानीका विभिन्न माध्यम फेला पर्नेछन्। मांगलिक कर्म र परोपकारजन्य कार्यहरू सम्पादन हुनेछन्। स्थायी सम्पत्ति जोड्ने समय छ। नयाँ नोकरी, पदोन्नति वा अनुकूल स्थानान्तरण सम्भावित छ। उद्योगधन्दा र रोजगारीका लागि विभिन्न अवसर आउनेछन्। धार्मिक तथा सामाजिक काममा रुचि जाग्नेछ। असार २५ पछि बृहस्पतिको स्थानान्तरणले केही समस्या आउन सक्छन्। बुद्धि–विवेकको उपयोग गर्न नसकिएला। विद्यार्थीहरूमा पढाइलेखाइको स्तर खस्कनेछ। पारिवारिक समस्याहरू देखा पर्नेछन्। साझेदारीमा विवाद र पतिपत्नीमा असमझदारी बढ्नेछ। पैत्रिक सम्पत्तिमा विवाद आउनुका साथै दाजुभाइमा भागबन्डाको समय छ। व्यवसाय र कृषितर्फ लगनशीलताले ठूलो काम बन्न सक्छ। साना व्यक्तिको सहयोगले ठूलो फाइदा उठाउन सकिनेछ। कृषिमा लागत बढे पनि उत्पादनमा वृद्धि हुनेछ। पेटको समस्याले वर्षभरि नै सताउन सक्छ, यो वर्ष चरित्रमा दाग लाग्न सक्छ, सचेत रहनुपर्नेछ। लामो समय पत्नी र सन्तानलाई तथा वर्षको अन्त्यमा आमालाई पीडा हुने देखिन्छ। समस्याबाट मुक्तिका लागि सभक्ति बृहस्पति, र राहुको मन्त्रजप तथा बगलामुखी, काली र बटुक भैरवको पूजा–उपासना गर्नुपर्दछ। साउन, कात्तिक, फागुन र चैत महिनामा विशेष फाइदा हुनेछ। वैशाख, भदौ र मंसिर महिना प्रतिकूल रहनेछन्।

...
मिथुन - का, कि, कु, घ, ङ, छ, के, को, ह (Gemini)
वर्षको सुरुमा बृहस्पतिको अनुकूलताले शिक्षामा राम्रो प्रगति हुनेछ। बौद्धिक प्रभाव बढ्नुका साथै विभिन्न अवसर पाइने समय छ। कुटुम्ब वा आफन्तजनको सहयोगले विशेष फाइदा उठाउन सकिनेछ। मांगलिक कर्म र परोपकारजन्य कार्यहरू सम्पादन हुनेछन्। शनिदेवको अनुकूलताले शत्रु र प्रतिस्पर्धीहरूलाई पछि पार्न सकिनेछ। नयाँ नोकरी प्राप्ति वा पदोन्नति सम्भावना छ। व्यापार–व्यवसाय विस्तार हुनेछ। कृषिकर्म र चौपायाबाट प्रशस्त लाभ हुनेछ। तर, असार २५ पछि परिस्थिति कमजोर बन्नेछ। माघ २ गतेसम्म गुहसुखमा रहने राहुले पारिवारिक असमझदारी, मातालाई पीडा, जग्गाजमिनमा विवाद, पशुधन हानि, आत्मीयजनसँग बिछोड, मित्रजनस“ग मनमोटाव जस्ता समस्या आउन सक्छन्। विश्वासमा पारेर धोका दिनेहरूले सताइरहनेछन्। पेट र छातीसम्बन्धी समस्याले पनि सताउन सक्छ। विद्यार्थीहरूका लागि अनुकूल समय छ। प्रयत्न गर्दा विशेष छात्रवृत्ति र अध्ययनका लागि विदेशयात्रा सम्भावना छ। विधिपूर्वक छिन्नमस्ता भगवती र बटुक भैरवको पूजा–उपासना गर्नाले, राहुको मन्त्रजप, अनुष्ठान गर्नाले र आफ्ना इष्टदेवको समेत आराधना गर्नाले फाइदा हुनेछ। वैशाख, भदौ, मंसिर र चैत महिनामा बढी फाइदा हुनेछ। जेठ, असोज र माघ महिना अलि कष्टदायक रहनेछन्।

...
कर्कट - हि, हु, हे, हो, डा, डि, डु, डे, डो (Cancer)
बृहस्पतिको अनुकूल प्रभावले प्रगति र भाग्योदय हुने देखिन्छ। धेरै रोकिएका काम बन्नेछन्। घरमा ऐश्वर्य सम्पन्नता, धनधान्य लाभ, कृषिकर्म तथा पशु व्यवसायबाट प्रशस्त फाइदा हुने देखिन्छ। मङ्गलमय कृत्यहरू सम्पादन हुनेछन्। शैक्षिक क्षेत्रमा राम्रो उपलब्धि मिल्नेछ। विशेष अध्ययनका लागि विदेशयात्रा सम्मको योग छ। यस्तै नोकरीमा पदोन्नति, अनुकूल स्थानप्राप्ति वा नयाँ रोजगारको अवसर मिल्नेछ। मानसम्मान समेत पाइने वर्ष छ। व्यापार–व्यवसायमा उन्नति हुनेछ। आयआर्जनका नया“ स्रोतहरू थपिनेछन्। कामको दायित्व बढ्नेछ। स्थायी सम्पत्तिको बेचबिखनबाट प्रशस्त लाभ मिल्नेछ। राहुको अनुकूलताले नया“ उद्योग–धन्दा थालनी गर्न सकिनेछ। काम गर्ने हिम्मत बढ्नेछ। तर, दाजुभाइमा असमझदारी बढ्न सक्छ। माघ २ देखि राहु र केतुको स्थानान्तरणले चल–अचल सम्पत्तिमा विवाद, मानहानि एवं दाँत, आँखा र मलद्वारमा कमजोरी निम्त्याउने देखिन्छ। पेटमा शनिदेवको उपस्थितिले यदाकदा पेटको समस्या र पढाइलेखाइमा आलस्य हुने योग छ। सन्तानका बारेमा पनि चिन्ता बढ्नेछ। काली भगवती, छिन्नमस्ता र वटुक भैरवको उपासना गर्नाले फाइदा होला। वैशाख, जेठ, असोज, पुस महिनामा बढी फाइदा हुनेछ। असार, कात्तिक र फागुन महिना अलि कष्टदायी रहनेछन्।

...
सिंह - मा, मि, मु, मे, मो, टा, टि, टु, टे (Leo)
वर्षको सुरुमा बृहस्पतिको प्रभावले टाढाको यात्रा, धर्मकर्म वा मंगलमय कृत्यका लागि धन खर्च गरिनेछ। तर, साथसाथै पढाइलेखाइ अवरुद्ध बन्ने, व्यवसायमा हानि, रोजगारीमा बाधा प्रतिकूल स्थाना न्तरण जस्ता समस्या आइपर्ने देखिन्छ। शनिको प्रभावले अन्यायमा परिने योग छ। विश्वासमा पारेर फसाउनेहरूले सताउनेछन्। अरूको फाइदाका लागि उपयोग भइनेछ। साथीभाइले धोका दिने र परिवारजनले समेत साथ नदिने समय छ। एक्लोपनाको अनुभूति हुनेछ। राहुको प्रभावले विवाद, धनहानि, लाञ्छना जस्ता समस्या आउन सक्छन्। सानो त्रुटिले वर्षभरि दुःख पाइने योग छ। परिस्थिति प्रतिकूल बन्ने समय भएकाले संयमित भएर व्यवहार गर्नुहोला। जन्मकुण्डलीमा राहु र शनि प्रतिकूल हुनेहरूलाई थप बाधा हुन सक्छ। तर, दुवै अनुकूल हुनेहरूलाई फाइदै हुनेछ। विधिपूर्वक बगलामुखी, काली र छिन्नमस्ता भगवती तथा बटुक भैरवको पूजा–उपासना गर्नाले, बृहस्पति–शनि–राहुको मन्त्रजप गर्नाले र आफ्ना इष्टदेवको समेत आराधना गर्नाले फाइदा हुनेछ। शनिबार पीपलमा जल चढाई विष्णुको पूजा गर्नाले पनि समस्याबाट मुक्त रहन सकिनेछ। कात्तिक, माघ, जेठ, असार महिनामा बढी फाइदा हुनेछ। साउन, मंसिर र चैत महिना प्रतिकूल रहनेछन्।

...
कन्या - टो, प, पि, पु, ष, ण, ठ, पे, पो (Virgo)
वर्षको सुरुआत फाइदाजनक रहनेछ। बृहस्पतिको अनुकूल प्रभावले प्रगति र भाग्योदय हुने देखिन्छ। स्थायी सम्पत्ति आर्जन गर्ने समय छ। सामाजिक प्रतिष्ठा बढ्नेछ र मानसम्मान पाइनेछ। घरमा माङ्गलिक कार्य सम्पादन होलान्। प्रयत्न गर्दा नयाँ नोकरी प्राप्त हुनेछ। नोकरीतर्पm हुनेहरूका लागि अनुकूल स्थानान्तरण र पदोन्नतिको समय छ। व्यापार व्यवसायमा प्रगति हुनेछ। नया“ उद्योग–धन्दाको थालनी गर्न सकिनेछ। समाजसेवा र परोपकारका कार्य गरिनेछ। असार २५ पछि बृहस्पतिको प्रभावले काम रोकिने, पढाइमा बाधा, सञ्चित धन खर्च हुने र कर्जा बढ्ने देखिन्छ। जन्मराशिमा रहेका राहुले शिरमा पीडा, उच्च रक्तचाप, मस्तिष्क र गुप्ताङ्गमा समस्या, अधैर्यपना र विवेकहीनता बढाउने सम्भावना छ। बिनाकारण अनेक चुनौती सामना गर्नुपर्ला। पति÷पत्नीबीच असमझदारी बढ्नेछ। आयआर्जनको कमीले ठूलो प्रगतिमा बाधा पुग्नेछ। तापनि, शनिदेवको अनुकूलताले वर्षभरि सहयोगीहरूले साथ दिनेछन्। स्थापित व्यवसाय, कृषिकर्म र उद्योगधन्दालाई निरन्तरता दिन सकिनेछ। शिवपूजा, वटुक भैरव, छिन्नमस्ता र बगलामुखीको पूजा–आराधना तथा राहु, केतु र बृहस्पतिको मन्त्रजप गर्नाले शुभ हुनेछ। असार, साउन, मंसिर, फागुन महिनामा बढी फाइदा हुनेछ। वैशाख, भदौ र पुस महिना प्रतिकूल रहनेछन्।

...
तुला - र, रि, रु, रे, रो, ता, ति, तु, ते (Libra)
यो वर्षको सुरुमा ग्रहहरू प्रतिकूल भएकाले बाध्यात्मक परिस्थितिमा अल्झनुपर्नेछ। स्वास्थ्यमा बाधा, काममा झमेला र आफन्तबीच असमझदारी बढ्ने देखिन्छ। झुटा आरोप आइलाग्नेछन् र विश्वासपात्रले धोका दिनेछन्। धनस्थानका शनि र खर्चका राहु चुनौतीका कारक बन्नेछन्। बोलीको गलत अर्थ लाग्ने, विवादमा परिने र आर्थिक संकटले सताउने योग छ। शक्तिमा अंकुश लाग्नेछ। पिताको बारेमा चिन्ता बढ्नेछ। लगनशील विद्यार्थीका लागि मात्र यो वर्ष फलदायी रहनेछ। असार २५ पछि बृहस्पतिको अनुकूलताले रोकिएका काम बन्नेछन् र गुमेको स्थान मिल्नेछ। बौद्धिक पक्ष सबल बन्नुका साथै मानसम्मान पनि पाइनेछ। आयआर्जनका स्रोत बढ्नेछन्। र, टाढिएका आफन्तहरू पनि नजिकिनेछन्। वर्षभरि शनिको अन्त्य साढेसाती चल्नेछ। जन्मकुण्डलीमा अनुकूल शनि हुनेहरूलाई राम्रो फाइदा हुनेछ। र, प्रतिकूल हुनेहरूलाई विभिन्न विघ्नबाधा आइपर्नेछन्। माघ २ गतेसम्म राहुको कारणले अनियन्त्रित खर्च भइरहनेछ। पाउमा पीडा र यात्रामा हानि हुनेछ। विधिपूर्वक शनि र राहुको मन्त्रजप, काली र बटुक भैरवको आराधना तथा शनिबार पीपलमा जल चढाउनाले राम्रो हुनेछ। तुलनात्मक रूपमा साउन, भदौ, पुस र चैत महिनामा सफलता मिल्नेछ। जेठ, असोज र माघ महिना अशुभ रहनेछन्।

...
बृश्चिक - तो, ना, नि, नु, ने, नो, या, यि, यु (Scorpio)
काममा दुःख भए पनि वर्षको सुरुमा राम्रै उपलब्धि हातलागी हुनेछ। शिक्षा र साझेदारीमा फाइदा हुनेछ। परोपकार र मङ्गलमय कृत्य सम्पादन गरिएला। मानसम्मान पाइनेछ। जीवनसाथी र सन्तानका तर्फबाट भौतिक सम्पत्ति लाभ हुनेछ। घर–जग्गा जोड्ने मौका छ। बौद्धिक कार्यमा सफलता मिल्नुका साथै पढाइमा प्रगति हुनेछ। विद्यार्थीहरूलाई शैक्षिक भ्रमण वा अध्ययन गर्न विदेश जाने मौका आउलाा। आम्दानीको क्षेत्रमा बसेका राहुले ठेकेदारी, सट्टापट्टा र प्राविधिक कामहरूबाट फाइदा दिलाउनेछन्। अतिरिक्त आम्दानी बढ्नेछ। तर, शिरमा बसेका शनिको मध्य साढेसाती समय भएकाले वर्षभरि अनेक झमेला समेत आइलाग्नेछन्। जन्मकुण्डलीमा शनि कमजोर हुनेहरूलाई चिन्ता, कष्ट, जरिवाना, अभाव जस्ता समस्या आउलान्। विभिन्न लाञ्छना लाग्ने र गल्तीबिनै सजायको भागीदार बन्नुपर्ने परिस्थिति आउला। असार २५ पछि बृहस्पतिको प्रतिकूलताले पढाइलेखाइ र काममा बाधा होला। माघ २ पछि झुटा आरोप लाग्नुका साथै नोकरीमा पनि अप्ठ्यारो पर्न सक्छ। प्रतिकूल परिस्थितिको सामना गर्नुपर्ला। विधिपूर्वक काली भगवती र बटुक भैरवको उपासना, शनिको मन्त्रजप र प्रत्येक शनिबार पीपलमा जल चढाउनाले तपाईंलाई फाइदा हुनेछ। तपाईंलाई वैशाख, भदौ, असोज र माघ महिना बढी लाभदायी रहनेछन् भने असार, कात्तिक र फागुन महिनामा अलि हानि हुनेछ।

...
धनु - ये, यो, भ, भि, भु, ध, फा, ढ, भे (Sagittarius)
वर्षको सुरुवात त्यति अनुकूल देखिन्न। काममा विलम्ब र चुनौती सामना गर्नुपर्ला। वायु तथा पित्तदोषले स्वास्थ्यमा बाधा भइरहनेछ। विरोधीहरूले टाउको उठाउन सक्छन्। सहकर्मीहरूसँग प्रतिस्पर्धा बढ्नेछ। बिनाकारण आफन्तजनबाट टाढिनुपर्नेछ। मातापिताका बारेमा चिन्ता बढ्नेछ। असार २५ देखि बृहस्पतिले भाग्यलाई प्रत्यक्ष प्रभाव पार्ने हुनाले स्थितिमा सुधार आउनेछ। रोकिएका काम बन्न थाल्नेछन्। विभिन्न मंगलमय कृत्य सम्पादन हुनेछन्। परोपकार र सामाजिक काममा रुचि जाग्नेछ। पठनपाठनमा पनि प्रगति हुनेछ। सहपाठीहरूलाई उछिन्न सकिनेछ। शनिको आद्य साढेसातीले जन्मकुण्डलीमा शनि कमजोर हुनेहरूलाई वर्षभरि मानसिक पीडा, कष्ट, जरिवाना, बदनामी, बन्धन जस्ता विघ्नबाधा समेत आउन सक्छन्। माघ २ गतेसम्म कर्मवृत्तिमा राहुको उपस्थितिले कामको सही मूल्यांकन नहोला। जस नपाइने, अधिकारीवर्गसँग सम्बन्ध बिग्रने र कलंक लाग्ने सम्भावना छ। सुखस्थानका केतुले पनि विपत्ति निम्त्याउने योग छ। विधिपूर्वक काली भगवती र वटुक भैरवको उपासना, राहु र शनिको मन्त्रजप र प्रत्येक शनिबार पीपलमा जल चढाउनाले फाइदा हुनेछ। शुक्ल पञ्चमीमा नागको पूजा गर्दा पनि फइदा होला। तुलनात्मक रूपमा जेठ, असोज, कात्तिक र फागुन महिना शुभ रहनेछन्। साउन, मंसिर र चैत महिना अलि प्रतिकूल रहनेछन्।

...
मकर - भो, ज, जि, खि, खु, खे, खो, गा, गि (Capricorn)
वर्षको सुरुमा बृहस्पतिको अनुकूलताले कामहरू सजिलै बन्नेछन् र उत्साह पनि बढ्नेछ। आयआर्जनका स्रोत प्रशस्तै भेटिनेछन्। व्यवसायमा सोचेभन्दा बढी सफलता मिल्नेछ। घरमा मांगलिक कार्य सम्पन्न हुनेछन्। मित्रता, प्रेम र दाम्पत्य सम्बन्धका लागि समय अनुकूल देखिन्छ। जीवनसाथीबाट पाइने साथ र सहयोगीहरूको मद्दतले काम सहजै सफल हुनेछन्। विद्यार्थीहरूका लागि विशेष उपलब्धिमूलक समय छ। तर्कशक्ति बढ्नेछ। उत्तम रोजगारी, नोकरीमा प्रवेश वा पदोन्नति सम्भावना छ। अनुकूल स्थानान्तरणको पनि योग छ। बाहिरी यात्रा र प्रवासमा हुनेहरूलाई पनि समय निकै अनुकूल देखिन्छ। शनि र केतुसमेत अनुकूल हुनाले भौतिक सुख–सुविधा बढ्नेछ। कीर्तिमानी काम सम्पादन गर्न सकिनेछ। ठेकेदारी, सट्टापट्टा वा साझेदारीबाट पनि फाइदा हुनेछ। बहुमूल्य धातु, यन्त्र र सवारीसाधन लगायत भौतिक वस्तुहरू प्राप्तिको योग छ। असार २५ देखि बृहस्पति कष्टस्थानमा जाने हुनाले स्थिति अलि कमजोर बन्नेछ। काममा विलम्ब र चुनौती सामना गर्नुपर्ला। मानहानि वा अपयश समेत सम्भावना छ। शिवजी, बगलामुखी र बटुक भैरवको उपासना गर्नाले फाइदा भइरहनेछ। असार, कात्तिक, मंसिर र चैत महिनामा बढी लाभ हुनेछ। वैशाख, भदौ र पुस महिना अलि प्रतिकूल रहनेछन्।

...
कुम्भ - गु, गे, गो, सा, सि, सु, से, सो, द (Aquarius)
वर्षको सुरुमा आर्थिक अभावले सताउनेछ। विशवासपात्रले धोका दिनेछन्। सहयोगी वा अनुयायीले समेत प्रतिस्पर्धा गर्न थाल्नेछन्। पारिवारिक असमझदारी, बन्धुबान्धवस“ग मनमोटाव र छटपटी बढ्ने देखिन्छ। सामाजिक प्रतिष्ठामा कमी आउनेछ। असार २५ पछि बृहस्पतिको अनुकूलताले स्थितिमा सुधार आउनेछ। पढाइलेखाइमा राम्रो नतिजा हासिल गर्न सकिनेछ। अध्ययनका लागि विदेशयात्रा सम्भावना छ। विभिन्न अवसरले पछ्याउनेछन्। दीर्घकालसम्म फाइदा हुने योजना सुरु हुनेछन्। मित्रता, प्रेम र दाम्पत्य सम्बन्ध स्थापित वा प्रगाढ हुने समय छ। सन्तान र जीवनसाथीको सहयोगले काम सजिलै बन्नेछन्। फलदायी यात्रा हुनेछ र काममा थप उत्साह जाग्नेछ। तर, कष्टस्थानमा राहुको उपस्थितिले विभिन्न बाधाहरू पनि आइपर्नेछन्। कब्जियत वा मलद्वारसम्बन्धी रोगले सताउला। खराब आचरण भएकाहरूको संगत बढ्ने वा कुलतमा परिने सम्भावना छ, सचेत रहनुहोला। माघ २ पछि पतिपत्नीमै असमझदारी बढ्ने योग छ। यो वर्ष प्रतिकूलताबाट मुक्ति पाउन राहु र केतुको मन्त्रजप गर्नाले, छिन्नमस्ता र बटुकभैरवको पूजा–आराधना गर्नाले लाभ मिल्नेछ। शिवजी र नागको पूजा गर्दा पनि फाइदा हुनेछ। वैशाख, साउन, मंसिर र पुस महिनामा बढी फाइदा हुनेछ। जेठ, असोज र माघ महिना प्रतिकूल रहनेछन्।

...
मीन - दि, दु, थ, झ, ञ, दे, दो, च, चि (Pisces)
बृहस्पतिको अनुकूलताले वर्षारम्भ उत्साहवर्द्धक देखिन्छ। पढाइलेखाइमा राम्रो नतिजा हासिल गर्न सकिनेछ। विभिन्न अवसरले पछ्याउनेछन्। यात्रा फलदायी बन्नेछ र काममा उत्साह जाग्नेछ। सन्तानबाट लाभ र सुख मिल्नेछ। दीर्घकालीन योजनाहरू सम्पादन हुनेछन्। प्रेम वा दाम्पत्यमा आत्मीयभाव बढ्नेछ। कृषि र व्यवसायमा उन्नति हुनुका साथै मनग्ये धन कमाउने अवसर जुट्नेछ। नयाँ नोकरीमा प्रवेश, पदोन्नति वा अनुकूल स्थानान्तरण हुन सक्छ। मन प्रसन्न रहनेछ। असार २५ पछि शत्रुस्थानमा बृहस्पतिको गोचरले परिस्थिति अनायासै बिग्रनेछ। काममा अवरोध गर्नेहरूले सताउने भएकाले महत्वपूर्ण योजना गोप्य राख्नुहोला। आफन्तजनसँगै मनमोटाव बढ्न सक्छ। शनि र राहुसमेतको गोचरीय स्थिति विचार गर्दा पारिवारिक असमझदारी, कष्ट, जीवनसाथीलाई अस्वस्थता, झुटा आरोपजस्ता विघ्नबाधा आइपर्ने सम्भावना छ। नसा, जोर्नी वा गुप्तांगसम्बन्धी समस्याले पनि सताउन सक्छ। श्रम र उत्पादनको राम्रो मूल्य नपाइएला। खर्च र ऋणभार समेत बढ्ने देखिन्छ। वैदेशिक रोजगारीमा पनि केही समस्या आउनेछन्। बटुक भैरव, बगलामुखी र छिन्नमस्ता भगवतीको पूजा–उपासना गर्नाले प्रतिकूल समयमा पनि फाइदा पुग्नेछ। जेठ, भदौ, पुस र माघ महिनामा बढी फाइदा हुनेछ। असार, कात्तिक र फागुन महिना अलि प्रतिकूल रहनेछन्।

भारतीय सुटर नियन्त्रणमा लिंदै प्रहरी


पुर्व गृह राज्य मन्त्री एवंम् नेपाली काँग्रेसका नेता देबेन्द्रराज कडेलमाथी साँघातिक आक्रमणको प्रयास गर्ने अपराधीलाई पेस्तोल सहित नियन्त्रणमा लिंदै प्रहरी । तस्बिर : पुरुषोत्तम सुबेदी, नवलपरासी भिडियो हेर्न तलको बाकस थिच्नुहोस

सत्तारुढ गठबन्धनमा उपराष्ट्रपतिको उम्मेदवारमा विवाद भएपछि त्यसको असर अहिलेको सरकारमा पनि परेको छ ।
सत्तारुढ गठबन्धनका साना दल तथा एमाले नेता माधव कुमार नेपालले एमाओवादीका उम्मेदवार नन्दकिशोर पुन ‘पासाङ’लाई कुनै हालतमा स्वीकार गर्न नसकिने जनाएका थिए । आफ्ना उम्मेदवारलाई अस्वीकार गरेपछि एमाओवादीले प्रधानमन्त्री तथा सत्तारुढ दल नेकपा एमालेका अध्यक्ष केपी शर्मा ओलीलाई सरकार छाड्ने चेतावनी दिएको हो ।
सत्तारुढ दलहरुको उच्चस्तरीय राजनीतिक संयन्त्रको बैठकमै एमाओवादीका केही नेताले ओलीलाई उपराष्ट्रपतिका उम्मेदवार पासाङलाई स्वीकार नगरे सत्ता सहकार्य तोड्ने चेतावनी दिएको बैठक स्रोतले जनाएको छ । संयन्त्रका संयोजक प्रचण्डले पनि एमाओवादी नेताको चेतावनीमा साथ दिँदा प्रधानमन्त्री ओली हच्किएका छन् ।
एमाओवादीले पासाङ उम्मेदवार नभए सत्तागठबन्धनमा नै असर पर्ने चेतावनी दिएको थियो । सरकार छाड्ने चेतावनीपछि अहिले एमाले र एमाओवादी नेतृत्वबीच प्रधानमन्त्रीको चेम्बरमा गोप्य छलफल चलिरहेको छ ।
एमाओवादीको चेतावनीपछि पासाङलाई उम्मेदवार बनाउन प्रधानमन्त्री सकारात्मक देखिएका छन् । यद्यपी निर्णय भइसकेको छैन् ।
dainiknepal.com

नवलपरासी जिल्लाको बडहरा दुधौलिया ३ बाट कार्तिक १३ गते दिउँसो एउटा सिक्सर पेस्तोल र सोको ६ राउण्ड गोलीसहित दुई जनालाई पक्राउ गरिएको छ ।
भारतको महाराजगंज जिल्लास्थित ठुटीबारी घर बताउने उज्ज्वल गडतौला र महाराजगंज जिल्लाकै राजाबारी घर बताउने जोगेन्द्र पटनवारलाई सशस्त्र प्रहरी बल बोर्डर आउट पोष्ट हरपुरबाट खटिएको एपीएफ टोली र स्थानीय प्रहरीले उक्त हतियारसहित पक्राउ गरेको हो ।
स्थानीय प्रहरीसहित खटिएको एपीएफ टोलीले उनीहरुलाई उल्लेखित हतियार तथा गोलीसहित पक्राउ गरेको हो । त्यसवेला निजहरुको साथबाट एपीएफ टोलीले उल्लेखित हतियारका साथै नौसय वटा नाइट्रोभेट नामको लागूऔषध समेत बरामद गरेको छ ।
पक्राउ परेकाहरुलाई बरामद हतियार तथा लागूऔषधसहित आवश्यक कारवाहीको लागि स्थानीय प्रहरीलाई बुझाईएको छ
dainiknepal.com

नेपाल–भारत सिमानाको दशगजा क्षेत्रमा धर्नामा बसेर मुलुकमा नाकाबन्दी लगाइ जनतालाई दुःख दिइरहेका सद्भावना पार्टीका अध्यक्ष राजेन्द्र महतोले देवी माताको दर्शन गरेर आशीर्वाद माग्नुभएको छ ।

अध्यक्ष महतोले नाकाबन्दीका लागि धर्ना बसेको स्थान वीरगञ्जस्थित दशगजा क्षेत्रबाट बारा जिल्लाको गढीमाई मन्दिरमा गई दर्शन गर्नु भएको हो ।
दर्शनका क्रममा उहाँले गढीमाईसँग के आशीर्वाद माग्नु भएको हो त्यस विषयमा केही नबताए पनि आफूले नेपाल र नेपालीविरुद्ध लगाएको नाकाबन्दी र माग पूरा गराउन गरेको दवाव पूराहोस् भन्ने आशा राखेको हुन सक्ने समर्थकहरूको भनाइ छ ।
गढीमाई देवीको दर्शनपछि अध्यक्ष महतोले आफ्ना समर्थकहरूसँग तस्बिरसमेत खिचाउनु भएको थियो ।
सद्भावना पार्टीका अध्यक्ष महतोले वीरगञ्जस्ति दशगजा क्षेत्रमा धर्ना बसेर नाकाबन्दी लगाउँदै आउनुभएको छ । उहाँले आफ्ना माग पूरा नहुँदासम्म नाकाबन्दी नखुल्ने बताउनुभएको छ । भिडियो हेर्न तलको बाकस थिच्नुहोस

काठमाडौं, १३ कात्तिक । अघोषित नाकाबन्दीकाबीच इन्धन आपूर्तिका लागि नेपालले उत्तरी छिमेकी चीनसँग गरेको सम्झौताबारे पहिलोपटक भारतले कडा प्रतिक्रिया जनाएको छ ।
दक्षिणी छिमेकी भारतले चीनसँगको सम्झौताले नेपालसँग जोडिएका भारतीय नाकामा अब कडा नाकाबन्दी हुने चेतावनी दिएको हो । घुमाउरो पारामा उसले हाल रोकिएको रक्सौल–वीरगञ्ज नाका चीनसँगको सम्झौताले कसरी खुल्छ भनेर उल्टै प्रश्न गरेको हो । यो प्रश्नको अर्थ लगाउँदा चीनसँगको सम्झौताले नाका नखुल्ने बरु झन कडा हुने भन्ने बुझाउँछ ।
शुक्रबार भारतीय विदेश मन्त्रालयका प्रवक्ता विकास स्वरुपको नियमित पत्रकार सम्मेलनका क्रममा नेपाल र चीनबीचको इन्धन आपूर्ति सम्झौताबारे पत्रकारको प्रश्नमा रक्सौल नाका नखुलेसम्म चीन अथवा जहाँबाट इन्धन ल्याएपनि नेपाललाई नपुग्ने भनाई घुमाउरो भाषामा बोलेका छन् ।
उनले नेपाल र चीनबीच भएको सम्झौताबारे आफूहरु जानकार रहेको समेत बताए । उनले नेपालले भारतबाट आपूर्ति गर्ने इन्धनमध्ये ७० प्रतिशत रक्सौल–वीरगञ्ज नाकाबाट जाने र त्यो नेपाली सीमामा भएको मधेस आन्दोलनले बन्द रहेको दाबी गरे ।
प्रवक्ता विकासले भने– ‘नेपाल चीनबीचकोसम्झौताले रक्सौल–वीरगञ्ज खुल्न कसरी सहयोग गर्छ, त्यो हामीले हेर्न बाँकी नै छ ।’ नेपालमा चीनको प्रवेशले भारतको प्रभाव घट्दैन भन्ने प्रश्नमा विदेश मन्त्रालयका प्रवक्ता विकासले नेपाल–भारत सम्बन्ध सहयोगमा निर्भर नरहेको जवाफ दिए । ‘दुई देशबीच रोटी बेटीको सम्वन्ध छ । खुला सीमा छ र ऐतिहासिक सम्वन्ध छ,’ उनले भने ।
dainiknepal.com

कात्तिक, काठमाडौं । भारतले रक्सौल नाकामा रोकिएका मध्ये ५८ वटा ग्यास बुलेटलाई रुटि परिवर्तन -रि-रुटिङ) गरी नेपाल आउन अनुमति दिएको छ ।
नेपाल आयल निगमका निमित्त कार्यकारी निर्देशक नागेन्द्र साहका अनुसार ५८ वटा ग्यास बुलेटले रुट परिवर्तन गरी भैरहवाको बेलहिया नाका भएर नेपाल आउन अनुमति पाएका हुन् ।
वीरगञ्ज नाकामा मधेसी मोर्चाको निरन्तरको धर्नाका कारण रक्सौलमा रोकिएका ग्यास बुलेटको रि-रुटिङ गर्ने पहल थालिएको थियो । भारतीय आयल कर्पोरेशन -आइओसी) को बरौनी र हल्दियामा ग्यास भरेर पनि रोकिएका ग्यास बुलेटले भैरहवा नाकाबाट आउन अनुमति पाएको निगमले जानकारी दिएको छ ।
आइओसीले दिएको रि-रुटिङको अनुमतिलाई भारतको आन्तरिक राजश्व विभागले पनि प्रमाणीकरण गरेको निमित्त निर्देशक साहले बताए ।
यो पनि पढ्नुहोस् – रक्सौलमा रोकिएका ग्यास बुलेट काठमाण्डौंसम्म कसरी ल्याउने ?
‘५८ वटा ग्यास बुलेटले रि-रुटिङको अनुमति पाएका छन् । ति ट्यांकर भैरहवाबाट नेपाल आउँदैछन्’ साहले भने-‘अरु बुलेटलाई पनि रुट परिवर्तन गरेर नेपाल भित्राउन पहल भइहरेको छ ।’ रि-रुटिङ गरेर आएका ग्यास बुलेटलाई सकेसम्म काठमाडौं ल्याउने योजना छ । काठमाडौंमा ग्यासको अभाव चुलिएपछि निगमले उपभोक्तालाई राहत दिन यस्तो तयारी गरेको हो ।
अझै २ सय आठ बुलेट ग्यास र ६७ तेल ट्यांकर अझै अलपत्र
आयल निगमले एकैपटक सबै बुलेटको रि-रुटिङ गरेर ल्याउन नसकिने बताएको छ । रक्सौल नाकामा अझै २ सय ८ वटा भरिएका ग्यास बुलेट अलपत्र छन् । २ सय ८ मधे १ सय ५४ वटा बुलेटको भन्सार जाँचपास भइसकेकाले रि-रुटिङ गरेर ल्याउन समस्या भएको निगमको भनाइ छ । यसैगरी ६७ वटा तेल ट्यांकर पनि रक्सौलमै रोकिएका छन् ।
www.onlinekhabar.com

काँकरभिट्टाः विहीबार २० वटा पेट्रोलियम पदार्थ बोकेका ट्यांकर नेपाल पठाएको भारतीय पक्षले शुक्रबार साँझसम्म काँकरभिट्टा नाकाबाट दुईवटा ट्यांकरमात्र नेपाल आउन दिएको छ ।

मेची भन्सार कार्यालय काँकरभिट्टाका प्रमुख भन्सार अधिकृत भीमप्रसाद अधिकारीका अनुसार भारतले तेल बोकेका ट्यांकर रोक्नुका साथै तेस्रो देशबाट आयात गरिएका कन्टेनरहरु समेतलाई नेपाल छिर्न दिएको छैन ।


उनले भने, ‘भारतीय उत्पादनलाई मात्र नेपाल आउन दिइरहेको छ । तेस्रो देशबाट आयात गरिएका सामान लिएर आएका कन्टेनर पानी ट्याङ्की चेकपोस्ट मै अड्किएर बसेका छन् ।’

शुक्रबार साँझसम्ममा भारतको पानी ट्याङ्कीमा चारवटा तेलका ट्यांकर आइपुगे पनि भारतीय सीमा सुरक्षा बल एसएसबीले छोडेको छैन ।

ति ट्यांकर कतिबेला भारतले छोड्ने हो कुनै सूचना नआएको मेची भन्सार कार्यालयका प्रमुख भन्सार अधिकृत अधिकारीले बताए । विहीबार ६२ वटा मालबाहक सवारी साधन छोडेको भारतले शुक्रबार ३९ वटा ट्यांकर मात्र नेपाल आउन दिएको छ ।
annapurnapost.com

काठमाडौं : भारतले सत्तरी प्रतिशत इन्धन आपूर्ति हुने वीरगञ्ज रक्शौल नाका नखुल्दासम्म इन्धन आपूर्ति सहज नहुने बताएको छ।
चीनसँग इन्धन खरिदको सम्झौता भएको दुई दिनपछि भारतीय विदेश मन्त्रालयमा शुक्रबार आयोजित नियमित पत्रकार सम्मेलनमा विदेश मन्त्रालयका प्रवक्ता विकास स्वरुपले इन्धन आपूर्ति सहज हुन नसक्नुमा भारत जिम्मेवार नरहेको बताए।


उनले भने, 'वीरगञ्ज नाकामा नेपाली पक्षबाट भइरहेको आन्दोलन र धर्ना अन्त्य नहुन्जेलसम्म इन्धनको आपूर्ति हुनसक्दैन। किनभने नेपालमा जाने सत्तरी प्रतिशत भन्दा बढी इन्धन त्यही नाकाबाट आपूर्ति हुन्छ।'

नेपालले चीनसँग इन्धन आपूर्तिका लागि भएको सम्झौताबारे भारत जानकार रहेको प्रतिक्रिया दिदै चीनसँग सम्झौता गर्दैमा अवरुद्ध वीरगञ्ज नाका खुल्न नसक्ने जवाफ दिएका थिए। उनले नेपालसँगको इन्धन व्यापार बहुआयमिक रहेको बताए। उनले भारतले नाकाबन्दी नगरेको दाबी पनि गरे।

उनले अन्य नाकाबाट आपूर्ति गर्न भारत तयार रहेको र त्यो काम भइरहेको बताए। उनको भनाइ छ, आपूर्तिमा हामीबाट अवरोध भएको छैन।
annapurnapost.com

काठमाडौं : सर्वोच्च अदालतले भारतले एकतर्फी रुपमा लगाएको नाकावन्दी खोल्न अबलम्बन गरिएका उपायको विवरणसहित दस दिनभित्र अदालतमा उपस्थित हुन सरकारलाई आदेश दिएको छ।


नाकावन्दी खोल्न ठोस् पहल नभएका कारण जनजीवन कष्टकर बन्दै गएको भन्दै सरकारलाई दबाब दिन दायर रिटमा शुक्रबार उक्त आदेश भएको हो। प्रधानन्यायाधीश कल्याण श्रेष्ठको एकल इजलासले नेपाल भारतविचको नाकामा इन्धनलगायत दैनिक उपभोग्य बस्तुको आपूर्तिमा भएको अवरोध हटाउन गरिएका उपायसहित लिखित जवाफ लिएर सर्वोच्चमा उपस्थित हुन भनेको छ।

मन्त्रिपरिषद, प्रधानमन्त्री तथा मन्त्रिपरिषद कार्यालय, परराष्ट्र मन्त्रालय, गृह, बाणिज्य तथा आपुर्ति मन्त्रालय र नेपाल आयल निगमलाई दश दिनभित्र छलफलमा उपस्थित हुन आदेश दिइएको छ । नेपाल र भारत संयुक्त राष्ट्र संघ र विश्वव्यापार संगठनका सदस्य रहे पनि भारत संघको वडापत्र एवं सन्धी सम्झौताको पालनामा च्युत भएका कारण नेपाली जनताको सम्मानपूर्वक बाँच्न पाउने अधिकार हनन् भएको दाबीसहित संवैधानिक कानुनव्यवसायी मञ्चका अध्यक्ष अधिवक्ता डा.चन्द्रकान्त ज्ञवाली र उपभोक्ता हित संरक्षण मञ्चका अध्यक्ष अधिवक्ता ज्योति बानियाँले रिट दायर गरेका थिए।

सरकारले उक्त कार्यको प्रतिबाद गर्नुको सट्टा उदाशिन रहेकाले बाध्य भएर रिट दिनुको विकल्प नभएको दाबी निवेदकको छ । भारतले भन्सार नाकाबाट आयात अबरुद्ध गरेको बिषयमा राष्ट्रसंघको सुरक्षा परिषदमा उजुरीसमेत नदिई सरकार मौन बसेको आरोप पनि रिटमा लगाइएको थियो ।

‘रिटमा सुनुवाईपछि नाकामा भएको इन्धन आपुर्तिलगायतमा भएको अबरोध सहज बनाउन के उपाय हुन सक्छन्, सबै विवरण लिएर छलफलमा उपस्थित हुन आदेश भयो,’ सर्वोच्चका प्रवक्ता नहकुल सुवेदीले अन्नपूर्णसँग भने, ‘सबै विपक्षीलाई दश दिनको म्याद दिइएको छ ।’ वहशकाक्रममा निवेदकलगायत कानुनव्यवसायीले नाकावन्दीको बिषयमा सरकारले राष्ट्रसंघको सुरक्षा समितिमा उजुरी दिन सर्वोच्चसँग परमादेशसमेत माग गरे ।

नाकावन्दीका कारण उत्पन्न संकट र सिमा अबरोधबारे चाँडो सूचना दिएर निकास निकाल्नुपर्ने जिकिर उनीहरुको थियो । कानुनव्यवसायी शम्भु थापा, हरिशंकर निरौला, रमन श्रेष्ठ, तिर्थ बसौला, नरसिंह खत्रीलगायतले नाकावन्दीका कारण अति आवस्यकीय इन्धन, ग्यास, औषधीजन्य पदार्थ, अक्सिजनलगायत वस्तुको अभावका कारण स्थिति जर्जर बनेकोतर्फ इजलासको ध्यानाकर्षण गरेका थिए ।

द्वीपक्षीय सम्झौता पालना नभएको बिषयमा भारत सरकारलाई तत्काल सूचना दिनुपर्ने भनाई उनीहरुको थियो । ‘नाकावन्दीकाविरुद्ध राष्ट्रिय र अन्तरराष्ट्रिय कानुन छन् । तर सरकारले प्रयोग गरेन,’ वरिष्ठ अधिवक्ता थापाले भने, ‘सबै उपाय अपनाएर बाटो क्लीयर गर्न सरकारलाई आदेश होस् ।’

भारतीय आयल निगमबाट बार्षिक १ सय ५० अर्ब भन्दा बढी आयात हुने पेट्रोलिय पदार्थ लगायतका बस्तुको आयातमा अबरोध भएको विवरणसमेत पेश गरियो । भारतबाट मात्रै ७० प्रतिशत भन्दा बढी ब्यापार हुँदै आएकोमा संविधान जारी भएपछि प्रायः ठप्प भएको जिकिर निवेदकले गरे ।

सिमा बन्द वा अवरोध भएका कारणले परेको प्रभावका बिषयमा सूचना दिन पाउने गरी भारतीय संविधानको धारा ५१ मा भएको व्यवस्था कार्यान्वयन गराउन सरकारले पहल नथालेको प्रश्न पनि कानुनव्यवसायीले उठाएका थिए ।
annapurnapost.com

परासी : कांग्रेस नवलपरासीका सभापति एवम पूर्वगृहराज्यमन्त्री देवेन्द्रराज कँडेलमाथि हतियारसहित आक्रमणको प्रयास भएको छ । उनलाई गोली हानेर आक्रमण गर्ने प्रयासमा संलग्न दुई जनालाई प्रहरीले पक्राउ गरेको छ।


पक्राउ पर्नेमा भारत महाराजगञ्ज जिल्ला ठूठीबारी बजारका उज्जवल गड्तौला र योगेन्द्र पासवान छन् ।जिल्ला प्रहरी कार्यालयका उपरीक्षक नलप्रसाद उपाध्यायका अनुसार बडहरा दुवौलिया गाविसको ललितपुर गाउँमा गएको बखत कँडेल माथि गोली प्रहार गर्न खोजिएको थियो ।


खेत नजिकै गाउँलेहरुसँग कुरा गरिरहेका बेला बखत पुगेका आक्रमणकारीहरुले कँडेललाई ताकेर हान्ने क्रममा उनको सुरक्षार्थ खटिएका सई (पिएसओ) दिपक घिमिरेले पेस्तोल नियन्त्रणमा लिएका थिए ।सुरक्षाकर्मीको सावधानीका कारण कँडेलमाथिको आक्रमण विफल भएको प्रहरी उपरीक्षक उपाध्यायले बताए। आक्रमणको प्रयास भएपछि गाउँलेहरुले आक्रमणकारीको मोटरसाइकलसमेत जलाएको प्रहरीले जनाएको छ ।

६ राउण्डको पेस्तोलसहित पक्राउ परेका उनीहरुलाई आवश्यक अनुसन्धानका लागि जिल्ला प्रहरी कार्यालयमा राखिएको प्रहरी उपरीक्षक उपाध्यायले बताए । उता नेपालको ललितपुरमा खेतीबारी रहेको गड्तौला परिवारले घरायसी र कलेजको विवादका कारण कँडेलले फसाएको आरोप लगाएका छन् ।

गड्तौलाकी श्रीमती सुनिताका अनुसार ‘अधिया’मा धान लगाउने व्यक्तिले धान लिन बोलाएको बखत कँडेलले उसैको घरमा बोलाएर यस्तो घटना भएको हो । धान लिन दुई जना सहयोगी लिएर गाउँ गएका गड्तौलासँग घटना घटेपछि अर्का एकजना भागेर ठूठीबारी आएको सुनिताले बताइन्। गड्तौला र कण्डेलको लामो समयदेखि घरायसी र ठूठीबारीस्थित कलेजको विषयमा विवाद रहँदै आएको छ । नाताले उनीहरु बुढ्यौली हजुरआमातर्फका दाजुभाईको नाता पर्छ । कण्डेलल र गड्तौला दुवैको ललितपुरमा खेत छ ।

कँडेलले भने आफु माथी आक्रमण हुनुको प्रमुख कारण ठूठीबारीमा रहेको कलेजको विवाद रहेको बताएका छन् । कलेजको समिति गठनमा विवाद रहेको र आफुलाई खत्तम पारेपछि एकाधिकार हुने मनसायले गड्तौलाले आक्रमण गरेको कँडेलको भनाई छ ।

ठूठीबारीमा रहेको राद्यादेवि इण्टरकलेजको अध्यक्ष पदको लागी गड्तौला र कण्डेलबीच भारतीय अदालतमासमेत मुद्दा परेको छ । कलेजकी संस्थापक राधादेवीको डेढवर्ष अघि मृत्यु भएपछि अध्यक्ष पदका लागि दुई जनाबीच विवाद भएको थियो । सो विवाद अहिले भारत महाराजगञ्ज जिल्ला अदालतमा विचारधिन रहेको छ । स्रोतका अनुसार कँडेल अध्यक्ष हुन खोजेपछि गड्तौलाले भारतीय अदालतमा कँडेल गैर भारतीय  भएको र कलेजको अध्यक्ष हुन नसक्ने भन्दै मुद्दा हालेका छन् । त्यसको विरुद्ध कण्डेलले पनि गड्तौलासमेत नेपाली भएको भन्दै अदालतमा गएको बताइएको छ ।

स्वर्गिय राद्यादेवि कण्डेलले गड्तौलाको सानै उमेरदेखि लालनपोषण गर्दै आएकी थिईन।  नाताले गड्तौला राद्यादेवीको नातिनी भान्जीका छोरा हुन भने कण्डेल नाती नाता पर्ने हुन । राद्यादेविको मृत्यु पछि कलेजको संरक्षकको रुपमा गड्तौलाले काम गर्दै आएको बताइएको छ । गड्तौलासँगै पक्राउ परेका पासवान कलेजका सहयोगी हुन ।

यसैबीच गड्तौलाको पक्राउ पछि स्थानीयवासी र व्यवसायीहरुले सीमावर्ती ठूठीबारी बजार बन्द गरेका छन् । ठूठीबारीका स्थानीय पत्रकार मनोज जोशीका अनुसार राद्या देवि इन्टरकलेजको प्रबन्धकको जिम्मेवारीसमेत समाल्दै आएका गड्तौलालाई सुनियोजित रुपमा फसाइएको भन्दै व्यवसायी र स्थानीयले ठूठीबारी बजार बन्द गराएका हुन । नेपाल प्रहरीले उनीहरुलाई नछाडे नेपालबाट आउने कसैलाई पनि ठूठीबारीमा प्रबेश  नदिने भन्दै आक्रोशित भएको पत्रकार जोशिले बताएका छन् । annapurnapost भिडियो हेर्न तलको बाकस थिच्नुहोस

काठमाडौं । आन्दोलनरत मधेशी मोर्चाको दुई महिना देखि जारी आम हडतालका कारण ठप्प रहेको देशको प्रमुख नाका वीरगञ्जस्थित सुख्खा बन्दरगाह क्षेत्रमा सरकारले सेना परिचालनको तयारी गरेको छ । सरकारका दई जना मन्त्रीहरुले मालबाहक ट्रकको सुरक्षाका लागि उक्त क्षेत्रमा सेना परिचालन गर्न लागिएको बताएका छन् ।

वाणिज्य तथा आपूर्तिमन्त्री गणेशमान पुन र उद्योगमन्त्री सोमप्रसाद पाण्डेले शुक्रबार नेपाल चेम्बर अफ कमर्सको टोलीसँगको भेटमा आन्दोलनकारी दलका कार्यकर्ताले मालवाहक ट्रकमा आगजनीका घटना नरोकेकाले सरकारले सुख्खा बन्दरगाह क्षेत्रमा सेना परिचालनको तयारी गरिरहेको बताएका हुन्।

उनीहरुले सेना परिचालनका विषयमा आफूहरुले प्रधानमन्त्री केपी शर्मा ओलीसँग कुरा गरिसकेको पनि बताए। उनीहरु दुवैले व्यवसायीका मालवाहक ट्रकलाई सुरक्षा दिन सरकार प्रतिबद्ध रहेको पनि बताए।

वाणिज्य तथा आपूर्तिमन्त्री पुन र उद्योगमन्त्री पाण्डेसँगको अलग अलग भेटवार्तामा चेम्बरमा आवद्ध व्यवसायीहरुले सरकारले सुरक्षाको प्रत्याभूति नगरेकाले मधेशमा उद्योग कलकारखाना चलाउन नसकेको र अर्बौं रुपैयाँको नोक्सानी व्यहोर्नुपरेको बताएका थिए।

उनीहरुले चीनबाट इन्धन ल्याउनका लागि सडकको स्तरोन्नति गरिनुपर्नेमा पनि जोड दिए । उनीहरुले केरुङबाट रसुवाको धुन्चे, नुवाकोटको विदुर हुँदै काठमाडौ आउने सडक पेट्रोलियम पदार्थका ट्यांकर हिंडाउन लायकका नरहेको भन्दै स्तरोन्नतिमा जोड दिएका हुन्।

भिडियो हेर्न तलको बाकस थिच्नुहोस

वीरगन्ज : मधेसमा आन्दोलनरत दलका नेता कार्यकर्ताहरुले शुक्रबार वीरगन्जमा चीनको झण्डा जलाएका छन् ।   चीनले मधेश आन्दोलनलाई तुहाउन षडयन्त्र गरेको भन्दै आन्दोलनरत दलका नेता कार्यकर्ताहरुले चीनको झण्डा जलाएका हुन् ।

वीरगन्जको घण्टाघरचोकमा आन्दोलनकारीले 'ब्याक अफ  चाइना, मधेश विरोधी चिनीयाँ निती मुर्दावाद , मधेश आन्दोलनलाई तुहाउन पाइदैन, काठमाण्डौलाई तेल दिन पाइदैन , चिनीयाँ दुतावास होस्मा आउ, मधेशी जनतासँग नटकराउ' जस्ता चीन विरोधी नाराहरु लगाउदै चीनको झण्डा जलाएका हुन् ।


चीनको झण्डा जालाएपछि आयोजित कोणसभालाई मधेशी जनअधिकार फोरम गणतान्त्रिकका केन्द्रिय सदस्य सन्जय यादव, सदभावना पार्टीका पर्सा अध्यक्ष इमदाद गद्धी सुगा, नेपाल परिवार दल पर्साका अध्यक्ष ओम प्रकाश सर्राफ, नेपाल समाजवादी पार्टी लोहीयावादीका युवा नेता फिरोज बादशाह, मधेशी जनअधिकार फोरम लोकतान्त्रिक पर्साका पुर्व सचिव इश्वरचन्द्र यादव, शीवजी सोनी लगायतकाले सम्बोधन गरेका थिए ।

 नेपालको आन्तरिक मामिलामा हस्तक्षेप गरेकाले चीनको झण्डा जलाइएको फोरम गणतान्त्रिकका केन्द्रिय सदस्य यादवले बताए ।   मधेशी जनता महिनौ दिन देखि दिनरात नाकामा बसेर नाकाबन्दी गरेका बेला चीनले काठमाण्डौका शासकहरुलाई इन्धन दिएर मधेश आन्दोलनलाई तुहाउने षड्यन्त्र गरेकाले चीनको विरोधमा आफहुरु उत्रिएको नेपाल परिवार दल पर्साका अध्यक्ष ओम प्रकाश सर्राफले बताए ।
annapurnapost.com

दुर्गा उपाध्याय  - कञ्चनपुर, कात्तिक १३ – महेन्द्रनगरमा एउटा सुनचाँदी पसलले सुनमा फलाम मिसाएर बिक्री गरेको खुलेको छ । महेन्द्रनगरको लोकप्रिय सुनचाँदी पसलका सञ्चालक प्रसन्न लखेराले दोधारा–चाँदनी–२ का बस्ने हंस सिह साउदलाई सुनमा फलाम मिसावट गरेर बिक्री गरेको रहस्य खुलेको हो।

लोकप्रिय सुनचाँदी पसलबाट भदौमा ८ दशमलव ७४८ ग्राम सुन खरिद गरि कानमा लगाउने मारवाडी बनाएको साउदले बताउनुभयो । ३८ हजार ६ सयमा खरिद गरेको उक्त सुन कालो हुन थालेपछि अर्को सुन व्यवसायीलाई देखाएर खोल्दा सुन भित्र फलाम राखेको भेटिएको उहाँले बताउनुभयो । ‘श्रीमतीलाई तिजका लागि सुन किने तर सुनकालो भयो’ साउदले भन्नुभयो, ‘भित्र फलाम राखेको हुनाले सुन कालो भएको रहेछ ।’

सुन कालो भएको भन्दै साउदले शुक्रबार उक्त सुन फिर्ता गरेको र क्षतिपूर्ती स्वरुप ६ हजार रुपैँया नगद सहित सुनसमेत फिर्ता पाएको बताउनुभयो । लोकप्रिय सुनचाँदी पसलका सञ्चालक लखेराले भने जोडमा फलामले टाँका मात्रै हानेको र सुनमा मिसावट नभएकोे दाबि गरे । Source - उज्यालो
www.dcnepal.com

नवलपरासी, कार्तिक १३ । नेपाली कांग्रेस नवलपरासीका सभापति एवं पूर्व गृहराज्यमन्त्री देवेन्द्रराज कँडेलमाथि गोली प्रहारको प्रयास भएको छ ।

शुक्रबार दुईजना भारतीयले कँडेलमाथि गोली प्रहारको प्रयास गरेको प्रहरीले बताएको छ । कँडेलमाथि गोली प्रहार गर्न खोज्ने भारत, महाराजगन्ज जिल्ला ठूठीबारीका उज्वल गड्तौला र योगेन्द्र पासवानलाई प्रहरीले पक्राउ गरेको छ ।

जिल्ला प्रहरी कार्यालय नवलपरासीका उपरीक्षक नलप्रसाद उपाध्यायका अनुसार बडहरादुवौलिया गाविसको ललितपुर गाउँमा गएका कँडेलमाथि गोली प्रहार गर्न खोजिएको थियो ।

गाउँलेहरुसँग कुरा गरिरहेको बेला उनीहरुले कँडेललाई ताकेर गोली हान्न लाग्दा सुरक्षा गार्ड सइ दीपक घिमिरेले पेस्तोल नियन्त्रणमा लिएका थिए । त्यसपछि गाउँलेहरुले आक्रमणकारीको मोटरसाइकलसमेत जलाएका थिए ।

६ राउन्ड गोलीसहितको पेस्तोल बरामद भएको र आक्रमणकारीहरुमाथि थप अनुसन्धान भइरहेको प्रहरीले जनाएको छ ।

पक्राउ परेका गड्तौलाको परिवारले खेतीबारीसम्बन्धी विवादका कारण कँडेलले आफूहरुलाई फसाएको आरोप लगाएका छन् ।

कँडेलले भने ठूटीबारीमा रहेको राधादेवी इन्ट कलेजको विवादका कारण आफूमाथि आक्रमणको प्रयास भएको बताएका छन् ।

कलेजकी संस्थापक राधादेवीको डेढ वर्षअघि मृत्यु भएपछि अध्यक्ष पदका कँडेल र गडतौला परिवारबीच विवाद रहँदै आएको र ती दुई परिवार आफन्त पनि भएको बताइएको छ । www.imagekhabar.com

१३ कात्तिक, काठमाडौं । इन्धन आपूर्तिका लागि नेपालले चीनसँग गरेको सम्झौताबारे दक्षिणी छिमेकी भारत सरकारले आफ्नो कडा धारणा सार्वजनिक गरेको छ । उसले हाल रोकिएको रक्सौल-वीरगञ्ज नाका चीनसँगको सम्झौताले कसरी खुल्छ भनेर प्रश्न गरेको छ ।
भारतीय विदेश मन्त्रालयका प्रवक्ता विकास स्वरुपको नियमित पत्रकार सम्मेलनका क्रममा पत्रकाहरुले नेपाल र चीनबीच भएको सम्झौताबारे प्रश्न गरेका थिए ।
उनले नेपाल र चीनबीच भएको सम्झौताबारे आफूहरु जानकार रहेको बताए । उनले नेपालले भारतबाट आपूर्ति गर्ने इन्धनमध्ये ७० प्रतिशत रक्सौल-वीरगञ्ज नाकाबाट जाने र त्यो नेपाली सीमामा भएको आन्दोलनले सो नाका बन्द रहेको बताए ।
नेपालको एक क्षेत्र र जनसंख्याको एक हिस्सा संविधानसँग सहमत नभएको र उनीहरुले भारतबाट हुने सप्लाइ रोकेको भन्दै प्रवक्ता विकासले भने- त्यो सम्झौताले रक्सौल-वीरगञ्ज खुल्न कसरी सहयोग गर्छ, हेर्नु पर्नेछ ।’
नेपालमा चीनको प्रवेशले भारतको प्रभाव घट्दैन भन्ने प्रश्नमा विदेश मन्त्रालयका प्रवक्ता विकास स्वरुपले नेपल-भारत सम्वन्ध सहगोगमा निर्भर नरहेको बताए ।
उनले भने-‘दुई देशबीच रोटी बेटीको सम्वन्ध छ । खुला सीमा छ र ऐतिहासिक सम्वन्ध छ ।’ अहिलेको समस्या नेपालतर्फकै भएको भन्दै उनले यो छिट्टै समाधान हुने र दुई देशको सम्वन्ध पुरानै अवस्थामा फर्कने अपक्षा रहेको बताए ।
तर, नेपालमा भारतविरोधी सेन्टिमेन्ट बढेको भारतको चासो रहेको उनले बताए ।
नेपालको परनिर्भरताबारे चर्चा
पत्रकार सम्मेलनमा भारतीय विदेश मन्त्रालयका प्रवक्ताले नेपाल र भारतको व्यापार सम्झौताका आफ्नै विशेषता भएको बताए । उनले नेपालमा तेस्रो देशबाट हुने आपूर्तिसमेत भारतबाटै हुने स्मरण गराए । साथै उनले नेपालमा हुने वैदेशिक लगानीमध्ये आधा भारतबाटै हुने समेत बताए ।
इन्धन आपूर्तिमा भारतको तर्फबाट कुनै अवरोध नभएको र भारतले सक्दो सहयोग गरिरहेको बताए । हवाइ इन्धन विमानबाट पठाउन सहयोग गरेको र एलपी ग्यासको रिरुटमा समेत सहयोग गरेको उनले बताए ।
उनले भने-‘नेपाललाई आवश्यक सामाग्री पठाउन भारतले आफ्नोतर्फबाट प्रयास गरिरहेको छ । जबसम्म रक्सौल-वीरगञ्ज नाका खुल्दैन, अन्य खुलेका नाकाहरुबाट जति सकिन्छ, पठाएका छौं । नेपालको मागको ३० प्रतिशत मात्र इन्धन भारतीय आयल कर्पोरेसनले पठाउन सकेको छ ।’
राजनीतिक समाधान खोज्न सुझाव
भारतले नेपालमा सरकार र मधेसी मोर्चाबीच भइरहेको वार्ता फलदायी हुने विश्वास समेत व्यक्त गरेको छ । भारतीय विदेश मन्त्रालयका प्रवक्ता विकास स्वरुपले भने-‘नेपालमा सरकार र मधेसी मोर्चाबीच वार्ता जारी छ । छिट्टै राजनीतिक समाधान निस्कनेमा आशावादी छौं ।’
समाजका सबै वर्ग समुदायको स्वामित्व लिने संविधान बनोस् भन्ने भारतको चाहना रहेको उनले बताए ।
भारतको नेतृत्व नेपालका सबै पार्टी र सरकारको नेतृत्व गरिरहेको दलसँग सम्वादमै रहेको तर, नेपालले आफ्नो समस्या समाधान गर्नु पर्ने उनको भनाइ छ ।
उपप्रधान एवं परराष्ट्रमन्त्री कमल थापा भारतमा आउँदा समेत नेपालले आफ्नो देशभित्रको समस्याको राजनीतिक समाधान खोज्नु पर्ने भारतले सुझाव दिएको भन्दै प्रवक्ताले दलहरुलाइई पनि त्यही सुझाव दिएको जानकारी दिए ।
www.onlinekhabar.com

कार्तिक १३, २०७२- जोगबनी नाकाबाट शुक्रवार अहिले सम्मकै सर्वाधिक इन्धनका ट्यांकर भित्रिएका छन । नाकाबन्दी अगाडिका सामान्य अवस्थामा पनि दैनिक सरदर ४० ट्यांकर भित्रिने गरेको यो नाकावाट शुक्रवार ४ बजेसम्म १ सय २५ ट्यांकर भित्रिएको विराटनगर भन्सारले जनाएको छ ।
जोगबनी नाकावाट शुक्रवार अहिलेसम्मका सवैभन्दाबढी पेट्रोलियम पदार्थ भित्रिएको भन्सारले  जनाएको छ । विराटनगर भन्सार प्रमुख कृष्णवहादुर वस्नेतका अनुसार शुक्रवार चारबजे सम्ममा डिजलका ९२, पेट्रोलका २७ ट्यांकर र खाना पकाउने एलपी ग्यासका ४ बुलेट भित्रिएका छन । बुधवार राति यहाँवाट ५३ ट्यांकर पेट्रोलियम भित्रिएको थियो । भन्सार जाँचपास भइसकेका थप २० टयांकर भित्रिने अवस्थामा छन । वस्नेतले भने राति १० बजेसम्ममा ति ट्यांकर भित्रिसक्ने छन । त्यसैगरी पूर्वी नाका काँकरभिट्टावाट शुक्रवार २ ट्यांकर इन्धन भित्रिएको मेची भन्स्ाारले जनाएको छ । भन्सार प्रमुख भीमप्रसाद अधिकारीका अनुसार ४ ट्यांकर भित्रिने तयारीमा छन ।

kantipur.ekantipur.com

काठमाडौंमा नेपाली सेनाद्वारा सर्वसाधारणको लागि संचालित नि:शुल्क बस सेवा ।
www.annapurnapost.com