जनकपुर : एमाओवादी छोडेर मधेस आन्दोलनमा सहभागी हुन मंगलबार जनकपुर पुगेका बाबुराम भट्टराईको जनकपुर विमानस्थलमा व्यापक विरोध भएको छ।

मधेसी संयुक्त संघर्ष समिति  र मधेस अधिकार संघर्ष समितिले विमानस्थलमा भट्टराईको विरोधमा प्रदर्शन गरेको हो । भट्टराई आउने सूचना पाएपछि मधेसी युवाहरु बिहानदेखि नै एयरपोर्टलाई चारैतर्फबाट घेरेर विरोध प्रदर्शन गरिरहेका छन् ।भट्टराई बुद्ध एयरको विमानबाट मन्यान्ह १२ बजे जनकपुर उत्रेका छन्।

बाबुरामलाई मधेस आन्दोलनमा सहभागी हुन रोक्नका लागि उनीहरुले प्रदर्शन गरेका हुन् । हातमा कालो पट्टी र कालो झन्डा प्रदर्शन गर्दै बाबुराम फिर्ता जाउ भन्ने नारा लगाइरहेका छन् । अहिले विमानस्थलको अवस्था तनावपूर्ण छ । सुरक्षाकर्मीहरुको बाक्लो उपस्थिति छ ।


मधेस अधिकार संघर्ष समितिका संयोजक सरोज मिश्रले बाबुरामलाई मधेस आन्दोलनमा सहभागी गराउनु ठूलो भूल हुने भएकोले मधेसी युवाहरु विरोधमा उत्रेको बताए । उनले पाँचसयभन्दा बढी मधेसी युवाहरुले विमानस्थल घेरेको जानकारी दिए । सुरुमा बाबुरामलाई जनकपुर आउन नदिने निर्णय गरेका मधेसी मोर्चाले सोमबार आउन दिने निर्णय गरेपछि मधेसी युवाहरु झन् आक्रोशित भएका छन्।
annapurnapost.com

सदाबहार नायकको रुपमा चिनिएका भुवन केसी अब निर्देशकका रुपमा स्थापित हुने तयारीमा छन् । आफ्नै छोरा अनमोल केसीलाई मुख्य भुमिकामा लिएर ‘डि्रम्स’ नामक चलचित्र निर्देशन गरेका छन् ।
चर्चित नायक भुवन नेपालका सफल निर्माताका रुपमा चिनिन्छन् । ‘नेपाली बाबु, करोडपति, सुपरस्टार’ लगायतका चलचित्र निर्माण गरेका केसीका प्राय चलचित्रले राम्रो मुनाफा आर्जन गरेको छ ।
अनलाइनखबरले हरेक मंगलवार प्रकाशन हुने ‘सेलीब्रेटी र खाना’ स्तम्भ अन्र्तगत नायक केसीसँग गरिएको कुराकानी यस्तो छ :
बिहान र बेलुका के खानु हुन्छ ?
मेरो लाईफस्टाईल आम नेपाली नागरिकको भन्दा फरक छैन । आम नेपालीले लिने जस्तै सामान्य ब्रेकफाष्ट खान्छु । खाना खाने समयमा दाल, भात, तरकारी नै खान्छु । म हरेक चीज प्राय थोरै खाने गर्छु । म फुड लभर होईन ।
मिठो लाग्ने खानेकुरा ?
अहिले म यो मिठो र यो नमिठो भन्न सक्दिन । किनकी अवस्था अनुसार हुन्छ । भोक लागेको वेला जे पनि मिठो हुन्छ नलागेको बेला केही केही पनि मिठो हुन्न । समग्रमा मिठो लाग्ने कुरा भन्नै पर्ने हो भने दाल, भात, तरकारी नै हो ।
मिठो नलाग्ने खानेकुरा ?
मलाई स्कुसको तरकारी पटक्कै मन पर्दैन ।
मासु कत्तिको खानु हुन्छ ?
मैले भने नि । म फुड लभर होईन । प्राय खसी र कुखुराको मासु खान्छु । तर, म चारपीस भन्दा बढी कहिल्यै खान्न ।
डाइटिङ गर्नुहुन्छ ?
मैले जहिल्यै मिलाएर खाने गरेकाले डाईटिङ गर्नै पर्दैन ।
विदेश गएको बेला के बढी खानुहुन्छ ?
पहिलो प्राथमिकता त नेपाली स्टाईलको खानालाई नै दिईन्छ । जुनसुकै देशम गए पनि नेपाली खाना जस्तो मिठो अरु हुँदैन ।
तपाईलाई के पकाउन आउछ ?
मलाई पकाउन आउदैन । चिया पकाउन जानेको छु ।
विदेश जाँदा खान नजानेर अप्ठ्यारो भएको छ ?
खान नजानेर हैन । पहिला पहिला राम्रो खाने कुरा नपाएर समस्या हुन्थ्यो । जापानमा जापानी बाहेकको खाना पाईदैनथ्यो भने फिनल्याडमा फिनिक्स खान मात्रै पाईन्थ्यो । हामीलाई ती खानाले सन्तुष्टी दिन्नथ्यो ।
त्यो वेलामा नेपाली रेष्टुरेष्ट खोज्दै केही घण्टा हिंडेको छु । अहिले त जुनसुकै देशमा जे पनि पाईन्छ समस्या छैन ।
कसले पकाएको मिठो लाग्छ ?
मलाई मेरो आमाले पकाएको सार्‍है मिठो लाग्छ ।
कसैले झुक्याएर तपाईले नखाने कुरा खुवाएका छन् ?
अहिलेसम्म त्यस्तो छैन ।
खानामा मासिक खर्च कति हुन्छ ?
म त्यस्तो कुरा हिसाब गर्दिन । कहिले धेरै खर्च हुन्छ कहिले थोरै ।
खाना खान कती समय लगाउनुहुन्छ ?
त्यस्तै दश मिनेट लाग्छ होला । तर, मैले घडीचाँही हेरेको छैन है ।
तपाईले नछुटाई खाने कुरा के के हुन् ?
पानी ।
www.onlinekhabar.com

तपाईँले नै नक्सा कोर्नुभएको रामेछाप मन्थीलैकै छोरो हुँ म । तपाईँलाई राजनीति होइन, इन्जिनियरिङ फिल्डको राम्रो ज्ञान र अनुभव रहेछ । तपाईँको इन्जिनियरिङ देख्दा तपाईँप्रति जो कोही आशा राख्न बाध्य हुन्थे । अब त्यो दिन इतिहासमै रहेन् । भारतमा बसेर अध्ययन गर्नुभयो, त्यो हाम्रो सरोकारको बिषय थिएन ।
पढाईकै क्रमदेखि भारतीय एजेन्ट भएर नेपालमा जासुसी गर्दै भारतको बफादार रूपमा आफूलाई दर्ता गराएर बिश्वास जित्नुभयो तब उनीहरूकै उक्सावटमा राजनीतिमा होमिनुभयो । २०५२ सालमा सर्वहारा बर्गको नेता भन्दै बर्गीय मुक्तिका लागि भन्दै जनयुद्ध थाल्नुभयो । जातीय भेदभाव र छुवाछुतको अन्त हुनुपर्छ भन्ने नारा थियो ।
जमिन नहुनेहरूलाई जमिन दिन्छौँ, घर नहुनेलाई घर दिन्छौँ अन्याय, दमन, शोषण र उत्पीडनमा परेकालाई न्याय दिलाउँछौ, मालिक र श्रमीकबिच समानता गराउँछौँ, शिक्षालाई ब्यबसायीकरणबाट रोकेर ब्यबहारिक शिक्षा दिन्छौ अनि एक करोड ८० लाख नेपालीको जमिन र सम्पत्ति राष्ट्रियकरण गरि बराबर भाग लगाएर साम्यवादी समाज निर्माण गर्छौँ भन्दै हजारौँ हजार गरिबका छोराछोरीको रगत बगाउनुभयो। आफ्नो छोरीलाई बिदेशमा पढाएर गरिबका छोराछोरीको कलम समाउने हातमा बन्दुक थमाएर मर्न बिवश बनाउनुभयो ।
ओखलढुङ्गाका नेवारका छोराले बाहुनको छोरी भगाएको निउँमा एकै परिवारको तीन जनाको बिभत्स हत्या गरि जनयुद्धबाट जातीय भेदभाव र छुवाछुतको अन्त गर्नुभयो । आफ्नै सहपाठी तथा उद्धार र जातीय भेदभावबाट समाजलाई माथि उठाउन खोज्ने नारायण पोखरेलको हत्या गरि कम्युनिस्टको धर्म हुँदैन भनी प्रमाणित गर्नुभयो । अछाममा आफ्नै महिला कार्यकर्तालाई आर्मी ब्यारेक नजिकको भट्टी पसलमा यौनधन्दा गर्न बाध्य बनाएर यौनको प्यास मेटाउने खेलसँगै रक्सी र पानीमा बिषादी प्रयोग गराई बेहोस भएका सैनिकको बिभत्स रूपमा हत्या गराएर साँस्कृतिक क्रान्ति गर्नुभयो । बाँदरमुडेमा एक महिनाको दुधे बालकसहित आँखा नदेख्ने ८० बर्षीय बृद्धलाई बमले उडाएर सर्वहारा जनतालाई बर्गीय मुक्ति दिनुभयो ।
तपाईँको राजीनामा आउँदा जनता खुशी छन् र अब तपाईँले नेपाली नागरिकता त्याग्ने दिनको पर्खाइमा छन् नेपाली जनता । आफै उतै पढेर आएर नुनको सोझो गर्दै हुनुहुन्छ, भोलि तपाईंकी एक्ली छोरी पनि भारतकै छात्रवृत्तिमा पढेर आएर भारतकै नुनको सोझो गर्ने होलिन् । मेरो सुझाव छ, त्यो भन्दा अघि नै नेपालीको नागरिकता त्याग्नुस् र भारततिरै जानुस् ।
१२ बुँदे सहमति भारतीय लेटर प्याडमा गरेर शान्तिपूर्ण बाटोबाट राजधानी भित्रनुभयो । नेकपा एमाले र कङ्ग्रेस नेतृत्वको नेपाली जनताको जनसागरले २४० बर्षीय निरङकुश राजतन्त्रलाई १९ दिनको दिनमा बगाइदियो । गणतन्त्र र संविधान सभा स्थापना गरियो तर बीचमा संघियता र पहिचान षड्यन्त्रपूर्ण ढङ्गले घुसाइयो । माओवादीले पटकपटक भारतको आडमा सत्ता कव्जा गर्न खोजे पनि जनताले तिनलाई लोप्पा खुवाईदिएपछि तपाईं र प्रचण्ड बेचैन भएर जुन जातिको बस्तीमा गयो, त्यही जातिलाई राज्य दिन्छु भन्दै मासुभातमा नेपाललाई बाउको बिर्ताझैँ बिक्री गर्न थाल्नुभयो ।
बाहुल्यतामा रहेको जातिलाई उक्साएर तिनलाई जातीय राज्य दिएर माओवादीले अन्य जातिलाई दबाएरै केन्द्रीय राज्य सत्ता कब्जा गर्न चाहेको थियो । यो सपना पूरा नहुने छाँटकाँट भएपछि ूरअू संग मिलेर तपाईंले आफनै नेता र लडाकू प्रयोग गरेर भारतीय पेशेबर हत्यारासहित आफ्ना कार्यकर्ता प्रयोग गरेर कैलालीमा नरसंहर हत्याकाण्ड गराएको आशंका हुन थालेको छ ।
६१ हजार हेक्टर जमिन भारतलाई दिएर अझै मदेशवादी दल नामका भारतीय दलालहरूलाई काँधमा बोकेर कति हेक्टर जमिन दिन्छौ र दिने सर्त छ बाबुराम तपाईँको ? कैलाली घटना घटाएपछि संविधानसभाले थरूहट घोषणा गर्छ र अनि अन्य ठाउँमा पनि मगरात, लिम्बूवान, तामसालिङ, खसवान जस्ता जातीय राज्यको लागि कैलालीबाट साम्प्रदायिक हिँसा भड्काउनको लागि तपाईँले किचलोको बिउ निकाल्नुभएको हो भन्ने हामीलाई राम्ररी थाहा छ । मुखले भिजन छाँटेर कामले माखो नमार्ने तोर्पे तपाईंले सुकुमबासीको बस्तीमा डोजर लगाएर काठमाडौँको सडक फराकिलो पारेकै भरमा हामीले तपाईँलाई नेता मान्न सक्दैनौँ महाशय ।
२०६२र२०६३ को जनआन्दोलन ताका भारतीय हस्तक्षेपलाई नेपाली राजनीतिक दलले डटेर सामना गरेका थिए र २४० बर्षीय निरङ्कुश राजतन्त्रको अन्त संगै संघिय लोकतान्त्रिक गणतन्त्र स्थापना गराउन दलहरू सफल भए । सर्वहारा बर्गका नेता तपाईंले गरिबका छोराछोरीलाई बुर्जुवा शिक्षाको नाममा कलम समाउने हातहरूमा बन्दुक भिराउनुभयो । कलिला मानसपटलमा हत्या, हिँसा, आतङ्क घुसाएर तिनको रगतमा होली खेली भारतको डिजाइनमा आफू नक्सा कोर्न थाल्नुभयो ।
प्रधानमन्त्री बन्दा पनि तपाईंले राष्ट्रघाति बिप्पा सम्झौता गरेर देशको स्वाधीनता तथा राष्ट्रियतामा आँच पुर्याउन पछि पर्नुभएन, रातारात सुकुमबासी बस्तीमा डोजर चलाएर बर्गीय मुक्ति दिलाउनुभयो । भारतको योजनामा आजको यो दिन निम्त्याउन पहिचान र संघियताको नाममा प्रचण्डलाई भारतसँग झुकाएर जता गयो उतै पहिचान र संघीयताको भान्से बनाउनुभयो ।
कैलाली घटनाको दुई दिन अगाडिको तपाईंका बक्तब्यले कैलाली घटनाका प्रमुख योजनाकार तपाईं नै हो भन्ने कुराको पुष्टि गर्छ । हुन त आफ्नै कार्यकर्ताको हत्या गरेर गौरकाण्डको नाममा भारतीय दलाल कथित मधेशी दलका नेताहरूको न्वारन गर्ने तपाईं नै हुनुहुन्थ्यो, जुन कुरा माओवादीका केही जिम्मेवार नेताहरूले तपाईंमाथि आरोप लगाउँदै आएका छन् ।
आज मुलुक संविधानको नाममा बन्धक भएको थियो । संविधान दिएर देशलाई समृद्धतर्फ लैजान दलहरूले एक जुट्ता अपनाउँदा तपाईँ चाँहि जनजाति तथा मधशी नेताहरूलाई भारतीय दुतावासलाई साक्षी राखी उक्साउन र साम्रदायिक बन्न हौसला दिँदै हुनुहुन्थ्यो । तर अनेक हुण्डरीको सामना गर्दै दलहरू संविधान ल्याउन सफल भए र जनतामा दशकौँ देखिको पुरानो सपना साकार पारेर जनताहरू माझ खुसी, उमङ्ग र हौसला प्रदान गर्न सफल हुँदा तपाईंँ दुखी हुनुभयो किनभने भारतको योजना अनुसारको भारतमुखी संविधान बनेको थिएन । र, भारतले अनावश्यक दवाब र हस्तक्षेप गरिरहेको अबस्थामा राष्ट्रिय स्वाधीनता, राष्ट्रियता, राष्ट्रिय अखण्ड, राष्ट्रिय सार्वभौमकिता संकटमा पर्दा अनेकतामा एकता भइ विदेशीको हस्तक्षेपको खुलेर बिरोध गर्दै राष्ट्रिय स्वाधीनता, सार्वभौमकिता, राष्ट्रिय अखण्ड र नेपालीको स्वाभिमानको रक्षा गर्नुपर्ने अबस्थामा तपाईंले नेपाल र नेपाली जनता छोडेर भारत र भारु रोज्नुभएको छ । तसर्थ तपाईंले नेपालको संविधानलाई अघोषित बहिष्कार गरेर तराईँको बिखण्डनको आन्दोलनमा सरिक हुन् खोज्दाकथित आन्दोलकारीले बहिष्कार गरेपछि घर न घाटको भएर आज पार्टीबाट राजीनामा दिनुभएको छ । तपाईँको राजीनामा आउँदा जनता खुशी छन् र अब तपाईँले नेपाली नागरिकता त्याग्ने दिनको पर्खाइमा छन् नेपाली जनता । आफै उतै पढेर आएर नुनको सोझो गर्दै हुनुहुन्छ, भोलि तपाईंकी एक्ली छोरी पनि भारतकै छात्रवृत्तिमा पढेर आएर भारतकै नुनको सोझो गर्ने होलिन् । मेरो सुझाव छ, त्यो भन्दा अघि नै नेपालीको नागरिकता त्याग्नुस् र भारततिरै जानुस् ।
dainiknepal.com

काठमाडौं । पार्टी परित्याग गरेको भोलिपल्ट डा. बाबुराम भट्टराईले सानेपास्थित आफ्नो निवासमा निकट माओवादी नेतहरुको भेला डाक्दा उनी नाजवाफ भएका छन् ।
आफूहरुसंग सल्लाह नै नगरी पार्टी छोडेर आफूहरुलाई घर न घाटको बनाएको भन्दै बाबुराम निकट नेताहरुले आँखाभरि आँशु पारेर गुनासो गरेका थिए । आइतबार बिहान भएको उक्त भेलामा आफूहरुलाई धोका दिएको भन्दै निटक नेताहरुले आलोचना गरेपछि बाबुराम पनि केही बोल्न सकेनन् ।   स्रोतका अनुसार पार्टी परित्याग गर्नु अघि उनले चार जनलाई मात्र जानकारी दिएका थिए ।
टोपबहादुर रायमाझी, वर्षमान पुन, रामचन्द्र झा र नारायणकाजी श्रेष्ठलाई उनले जानकारी गराएका थिए । अब आफूले समाजका सबै क्षेत्रलाई समेटेर बृहत समाजवादी पार्टी निर्माणको योजना बनाएको बाबुरामले आफ्ना निकटहरुलाई बताएका छन् । भत्किएको घर छाडेपछि बरु जंगलमा बस्ने तर, घर नफर्किने घोषणा उनले गरिसकेका छन् ।
संसदबाट समेत राजीनामा दिएका उनी आफूालई स्वतन्त्र अभियन्ताका रुपमा अघि बढाएर जनजाति, मधेसी, दलित नेता तथा राजनीतिमा लाग्न चाहने व्यवसायी तथा स्वतन्त्र व्यक्तिहरुलाई एकीकृत गर्ने अभियानमा छन् । त्यसको सुरुवात उनले बुधबारदेखि नै सुरु गरिसकेका छन् । बुधबार दमननाथ ढुंगानादेखि कुशकुमार जोशीसम्मलाई एकै ठाउँमा राखेर उनले तराई मधेसको समस्या वार्ताबाट समाधान गर्नुपर्ने भन्दै संयुक्त विज्ञप्त निकालेका थिए ।
त्यसलाई कतिपयले बाबुरामले भन्दै आएको नयाँ शक्तिको प्रारुपको रुपमा लिएका छन् ।  एमाओवादीमा बाबुरामका सबैभन्दा निकट मानिएका देवेन्द्र पौडेल र गंगा श्रेष्ठ मात्र छन् । रसिया भ्रमणमा रहेकी श्रीमती हिसिला यमीले समेत एक्कासी पार्टी छोडेकोमा आश्चर्य व्यक्र गरको बताइन्छ । उनका अर्का निकट टोपबहादुर रायमाझीालई बाबुरामको भन्दा नयाँ सरकारको बढी चिन्ता छ । अरु निकट नेता पनि बाबुरामसँग चिढिएका छन् । संविधान निर्माणको क्रममा देश विखण्डनतर्फ अघि बढेको भन्दै तराई भड्काउने गतिविधि गरेको भन्दै उनी चरम अलोकप्रिय भएका छन् । भारतले नाकाबन्दी लगाएको बेला उसैलाई बल पुग्ने गरी बाबुराम लागेको भन्दै उनको चरम आलोचना भएको छ । आजको दृष्टि साप्ताहिकमा खबर छ ।
dainiknepal.com

मंगलबार, १२ असोज
एजेन्सी । मानव अस्तित्व रहेको भनिएको मंगल ग्रहमा पानी पाइएको नासाले दावी गरेको छ । नासाको प्लेनेटरी डायरेक्टर जिम ग्रीन का अनुसार मंगल ग्रहमा जमेको अवस्थामा पानीको सतह पाइएको हो ।
नासाले मंगल ग्रहबाट पाइएको तस्विरको अध्ययन पछि कयौ पटक मंगलग्रहमा पानी हुन सक्कने जनाइएको छ ।
नयाँ तस्विरका अनुसार मंगल ग्रहमा पानी के निशान पाइएको हो ।
पहिलो टिक नासा मार्स मिस्ट्री साल्व्ड को यस खुलाले मंगलमा पानी भएको दावी गरेको हो ।
यसै वष नासाको अंतरिक्ष यान क्यूरिया सिटीले मंगलको सतहमा पानी भएको ठोस सवुत पेश गरेको छ ।
www.nepalsandesh.com

भारतले नयाँ संविधानपछि तराई–मधेसमा उत्पन्न समस्या समाधान नभएसम्म नेपाल–भारत सम्बन्ध पूर्ववत् रूपमा सहज हुन नसक्ने जनाए दिएको छ ।

‘सुरक्षा’लाई कारण देखाउँदै भारतले अहिलेकै अवस्थामा भारतबाट आपूर्ति सहज पार्न नसकिनेसमेत स्पष्ट पारेको छ । वाणिज्य तथा आपूर्तिमन्त्री सुनीलबहादुर थापासँग सोमबार साँझ भएको भेटमा भारतीय विदेशमन्त्री सुष्मा स्वराजले यही सन्देश दिएकी हुन् ।

नेपालमा नयाँ संविधान जारी भएपछिको भारतीय अघोषित नाकाबन्दी तत्काल नहट्ने सन्देश मन्त्री थापामार्फत भारतले नेपाल सरकारलाई दिएको छ । प्रमुख रूपमा आपूर्तिका विषयमा केन्द्रित भएको वार्तामा आफूले अत्यावश्यक आपूर्ति सुचारु पारिदिन आग्रह गरेको मन्त्री थापाले बताए ।

‘नयाँ संविधान जारी हुने अवस्था र त्यसपछिको अवस्थाबारे मैले विदेशमन्त्रीजीलाई विस्तृतमा जानकारी गराएँ र आपूर्ति व्यवस्था सहज पारिदिन भूमिका निर्वाह गर्न आग्रह गरेँ,’ स्वराजनिवासमा भएको वार्ताबारे थापाले नयाँ पत्रिकासँग भने ।

थापाले आपूर्ति रोकिँदा नेपालमा भारतविरोधी जनमत बढेको र त्यसले दुवै मुलुकलाई फाइदा नगर्नेतर्फ भारत सरकारको ध्यानाकर्षण गराएका थिए । थापाले भारतका पेट्रोलियममन्त्री धर्मेन्द्र प्रधानसँग पनि यही विषयमा छलफल गर्नेछन् ।

तर, मन्त्री थापाले ‘अत्यावश्यक सामग्री आपूर्ति नियमित गराइदिन सहजीकरण र सहयोगका लागि’ गरेको आग्रहमा विदेशमन्त्री स्वराजले राजनीतिक सहमतिमार्फत असन्तुष्ट पक्षलाई समेटेर अघि बढे सबै कुरा सहज हुने जवाफ दिएको स्रोतले बतायो ।

नयाँ पत्रिका दैनिक बाट

न्युयोर्क, १२ असोज । अमेरिकी राष्ट्रपति बाराक ओबामाले नेपालमा लोकतान्त्रिक र समावेशी संविधान जारी भएकोमा नेपाल र नेपाली जनतालाई बधाई एवम् शुभकामना दिनुभएको छ ।
राष्ट्रसङ्घको ७०औँ महासभा भाग लिन आउनुभएका राष्ट्र एवम् सरकार प्रमुखहरुको सम्मानमा राष्ट्रपति ओबामाले सोमबार आयोजना गर्नुभएको रात्रिभोजका अवसरमा नेपाली प्रतिनिधि मण्डलका नेता एवम् उपप्रधानमन्त्री प्रकाशमान सिंहलाई नेपालमा लोकतान्त्रिक समावेशी संविधान जारी भएकोमा बधाई तथा शुभकामना दिनुभएको हो ।
उपप्रधानमन्त्री सिंहले राजनीतिक दलहरुको सहमतिमा संविधानसभाबाट सङ्घीय लोकतान्त्रिक गणतान्त्रिक नेपालको संविधान जारी भएको र दलहरुको सहमतिमा यसको कार्यान्वयन गरिने बताउनुभएको थियो ।
यसैगरी राष्ट्रपति ओबामाले राष्ट्रसङ्घका महासचिव वानकी मुनले आयोजना गर्नुभएको विश्वका नेताहरु सम्मिलित शान्ति सम्मेलनका अवसरमा पनि उपप्रधानमन्त्री सिंहलाई नेपालमा संविधानसभाबाट संविधान जारी भएकोमा राम्रो काम भएको भन्दै खुसी प्रकट गर्नुभएको थियो । रासस
dainiknepal.com

काठमाडौं – दसैंको मुखमा भारतले अघोषित नाकाबन्दी गरेपछि विशेषगरी पेट्रोलियम पदार्थको अभावले छटपटिएका नेपालीले चीनलाई सम्झे । यो चरम अभाव पूर्ति गर्न चीन अग्रसर हुनुपर्ने अपेक्षा पनि गरेका छन् । तर, के यो अपेक्षा तत्काल पूरा हुन सक्छ रु धेरैका मनमा प्रश्न उठेको छ ।

नेपाली अधिकारीसँगको भेटमा चिनियाँ सरकारका प्रतिनिधिले भन्ने गरेका छन्, ‘हामी जस्तोसुकै सहयोग गर्न तयार छौं ।’ एक दिनअघि चिनियाँ राष्ट्रपति सी जिनपिङले न्यूयोर्कमा उपप्रधानमन्त्री प्रकाशमान सिंहसँगको संक्षिप्त भेटमा त्यस्तै वाक्य दोहोर्‍याए, ‘नेपाली जनताको चाहनाअनुरूप चीन सधैं नेपालको आर्थिक विकासमा सहयोग गर्न चाहन्छ ।’चिनियाँ अधिकारीका यी भनाइ नयाँ होइनन् । चीन जहिले पनि नेपाललाई सहयोग गर्न चाहन्छ । उसले चाह्यो भने धेरै गर्न सक्छ । तर, के उसले आफूले चाहेको सहयोग नेपालमा गर्न सक्छ वा पाउँछ रु यो प्रश्न भने गम्भीर छ ।

विगतदेखि भन्दै आएका कुरा हो भारत र चीनसँग समदूरीको सम्बन्ध राख्नुपर्छ । सैद्धान्तिकरुपमा यो कुरा सही छ । के त्यो व्यहारमा सम्भव छ ? भौगोलिकरुपमा मात्र होइन, साँस्कृतिक, भाषिकरुपमा पनि नेपाल र भारतको सम्बन्ध बढि निकट छ । चीनसँग त्यति सहज छैन । सबै हिसाबले चीन र भारतसँगको सम्बन्ध व्यवहारिक रुपमा समान हुन सक्दैन । त्यसको फाइदा उठाउँदै बेलाबेला भारतले नेपाललाई दबावमा राख्दै आएको छ ।

त्रिभुवन विश्वविद्यालय अन्तर्राष्ट्रिय सम्बन्ध तथा कुटनीति बिभागका प्रमुख डा. खड्क केसी तत्काल चीनबाट पेट्रोलियम पदार्थलगायत दैनिक उपभोग्यवस्तु आयात गर्न व्यवहारिक रुपमा कठिन हुने बताए । ‘चीनसँगका दुवै नाका अवरुद्ध छन्, भारतसँग पुरै निर्भर नीति विगतका शासकले लिए,’ उनले भने, ‘यस्तो अवस्थामा तत्काल हामीले चाहेजस्तो वस्तु चीनबाट ल्याउन सकिँदैन ।’यो कुरा राम्ररी बुझेको भारतले नेपाललाई जहिले पनि परनिर्भर बनाउने नीति लिएको छ । नेपालको सार्वभौम संविधानसभाले बनाएको संविधानमा चित्त नबुझेपछि नेपालमा जारी राखेको नाकाबन्दी यसको उदाहरण हो । यो नाकाबन्दी यतिबेला भएको छ, जतिबेला चीनसँगका दुवै तातोपानी र केरुङ नाका गत वैशाख महिनामा आएको भूकम्पले अवरुद्द छन् ।आजको कान्तिपुर दैनिकमा गंगा बीसीको टिप्पणी छापिएको छ ।

www.etajakhabar.com

काठमाडौं: मधेसकेन्द्रित दलले वार्ताको वातावरण बनाउन तत्काल तराईबाट सेना फिर्ता र पक्राउ आन्दोलनकारी रिहा गर्न माग राखेका छन्।

तीन दलले गठन गरेको वार्ताटोलीसँग सोमबार साँझ भएको अनौपचारिक वार्तामा तराई मधेस लोकतान्त्रिक पार्टी र मधेसी जनअधिकार फोरम लोकतान्त्रिकका नेताले यो माग राखेका हुन्।


तीन दलले गठन गरेको तीन सदस्यीय वार्ताटोलीले सोमबार तमलोपाका अध्यक्ष महन्थ ठाकुरको सानोठिमी निवासमा र फोरम लोकतान्त्रिकका अध्यक्ष विजयकुमार गच्छदारलाई उनकै निवास सातदोबाटोमा भेटेर छलफल गरेको हो।


'मधेसकेन्द्रित दुवै मोर्चाका नेतासँग अनौपचारिक वार्ता भएको छ', वार्ताटोलीका सदस्य एमाओवादी नेता नारायणकाजी  श्रेष्ठले अन्नपूर्णसँग भने, ‘छलफल सकारात्मक भएको छ। उहाँहरूको केही विषय सरकारले पूरा गरे औपचारिक वार्तामा बस्ने भन्ने धारणा आएको छ।'

वार्तामा ठाकुर र गच्छदार दुवैले सेना फिर्ता, घाइतेको उपचार, मुद्दा फिर्ता र पक्राउ परेकालाई तत्काल रिहा गरे मात्रै अन्य विषयमा छलफल हुने सर्त राखेका थिए।'राजनीतिक रूपमा सहमति भएपछि उहाँहरूले उठाएका माग पूरा गर्न सकिन्छ भन्ने हामीले स्पष्ट पारेका छौं', श्रेष्ठले भने, ‘प्रारम्भिक चरणको वार्ता भएकाले कुनै निष्कर्षमा पुगेका छैनौं।'

वार्ताटोलीले नाकाबन्दीजस्ता गतिविधि नगर्नसमेत ठाकुर र गच्छदारलाई आग्रह गरेको थियो। मधेसकेन्द्रित दुई नेताले माग सुनुवाइ नै नहुने, तीन दलले पेलेर गएपछि बाध्य भएर नाकाबन्दीको आन्दोलन गर्नुपरेको धारणा राखेका थिए।

तीनदलीय वार्ताटोलीले राजनीतिक सहमति भएपछि सरकारले संविधान संशोधनको प्रक्रिया अघि बढाउने प्रतिबद्धतासमेत गरेको थियो।मधेसी दलले प्रदेशको सीमांकन, नागरिकता, निर्वाचन क्षेत्र र समानुपातिक समावेशिताका विषयमा संविधान संशोधन गर्न तयार रहे वार्तामा अघि बढ्न सकिने धारणा राखेका थिए। त्यस विषयमा फेरि वार्ता गरेर अघि बढ्न मधेसी दल तयार देखिएका छन्।

मंगलबार गच्छदार नेतृत्वको मोर्चा र ठाकुरसँग फेरि वार्तामा बस्ने निर्णयसमेत भएको छ।यसअघि सोमबार नै प्रमुख तीन दलले तराईमा आन्दोलनरत मधेसी र थारू सम्बद्ध दलसँग वार्ता गर्न तीन सदस्यीय वार्ताटोली गठन गरेका थिए।

वार्ताटोलीमा कांग्रेसका तर्फबाट बनमन्त्री महेश आचार्य, एमालेका तर्फबाट संसदीय दलका प्रमुख सचेतक अग्नि खरेल र एमाओवादीका तर्फबाट नेता श्रेष्ठ छन्। प्रधानमन्त्री निवास बालुवाटारमा सोमबार बिहान बसेको तीन दलका शीर्ष नेताको बैठकले वार्ताटोली गठन गरेको हो।

यसैबीच एमालेका वरिष्ठ नेता माधवकुमार नेपालले तराई मधेसमा आन्दोलनरत दललाई अविलम्ब वार्तामा आउन अपिल गरेका छन्। परिस्थितिलाई समाल्नेभन्दा उत्तेजित बनाउने, संविधानमा व्यवस्था भएका तराई मधेसका जनताका अधिकारको गलत व्याख्या गर्न नहुनेमा जोड दिँदै नेता नेपालले त्यस्तो अपिल गरेका हुन्।

'कहिलेकहीं आन्दोलन घोषणा गरिसकेपछि त्यो व्यक्तिगत तथा पार्टीगत प्रतिष्ठाको विषय बन्छ भन्ने बाध्यता पनि हामी बुझ्छौं तर राजनीतिमा त्यस्ता कुरालाई महत्व दिनु हुँदैन।

अतः तराई मधेसमा आन्दोलनरत दललाई अविलम्ब वार्ताको टेबुलमा आएर समाधान खोज्न, स्पष्ट नभएका कुरामा थप स्पष्ट हुन, सरकारसमेत परिवर्तन हुन लागिरहेको यस घडीमा राष्ट्र निर्माणको अभियानमा सहभागी हुन र मुलुकमा सामाजिक सद्भाव र एकता कायम राख्ने कुरामा योगदान गर्न म अपिल गर्दछु', एमाले प्रचार विभागद्वारा सोमबार काठमाडौंमा आयोजित कार्यक्रममा नेता नेपालले भने।

कुनै पनि मूल्यमा कुनै पनि मुलुकका विरुद्ध चलखेल गर्ने वा कार्ड प्रयोग गर्ने कुरा नेपालले कल्पना पनि गर्न नसक्ने नेता नेपालले बताए। 'नेपाल सानो छ। तर हामीले हाम्रो रणनीतिक महत्व राम्ररी बुझेका छौं। हामी हाम्रा छिमेकीलगायत मित्रराष्ट्रहरूको संवेदनशीलतालाई गहिराइमा पुगेर राम्रोसँग बुझ्छौं।

१ सय २५ भन्दा बढी जाति-जनजाति, त्यति नै भाषा, अनेकौं संस्कृति, हिमाल, पहाड र तराई-मधेसको भौगोलिक संयोजन, धार्मिक सहिष्णुताको अनुपम उदाहरणजस्ता हाम्रा संवेदनशीलतालाई पनि गम्भीरता साथ बुझिदिन हामी सबैसँग विनम्र आग्रह गर्दछौं', छिमेकी मुलुकप्रति लक्षित गर्दै नेपालले भने।
www.annapurnapost.com

'डोभलले तीन घन्टामा नाकाबन्दी खुल्छ भनेका थिए'
काठमाडौं: एक सातादेखि नेपालमा लगाइएको अघोषित नाकाबन्दी खोल्न उत्तरी छिमेकी चीनले भारतलाई दबाब दिएको छ।


चीनले संयुक्त राष्ट्रसंघको महासभामा भारतले नेपालमाथि लगाएको नाकाबन्दीप्रति असन्तुष्टि व्यक्त गरेको हो भने चिनियाँ राष्ट्रपति सी जिनपिङले भारतीय प्रधानमन्त्री नरेन्द्र मोदीसँगको साइडलाइन भेटवार्तामा पनि नाकाबन्दीबारे छलफल गर्ने जानकारी चिनियाँ राजदूत ऊ चुन्ताईले दिए। चिनियाँ राष्ट्रपति सी र भारतीय प्रधानमन्त्री मोदी दुवै राष्ट्रसंघको महासभामा भाग लिन न्युयोर्कमा छन्।


दाहाल निवास लाजिम्पाटमा सोमबार बिहान निम्त्याइएका चिनियाँ राजदूत ऊले भारतले नेपालमाथि लगाएको आर्थिक नाकाबन्दीका विषयमा चीनले संयुक्त राष्ट्रसंघमा कुरा उठाएको र आफ्ना राष्ट्रपति सीले भारतीय प्रधानमन्त्री मोदीसँगको साइडलाइन बैठकमा यसबारे छलफल गर्ने जानकारी प्रमुख प्रतिपक्षी दल एमाओवादी अध्यक्ष पुष्पकमल दाहाललाई गराएका हुन्।

'नेपालमाथि भारतले लगाएको आर्थिक नाकाबन्दीबारे हाम्रातर्फबाट संयुक्त राष्ट्रसंघमा विषय उठाइएको छ । राष्ट्रपति सीले पनि भारतीय प्रधानमन्त्रीसँग साइडलाइन वार्तामा त्यसबारे छलफल गर्नुहुन्छ', राजदूत ऊले आफूसँग व्यक्त गरेको भनाइ उद्धृत गर्दै दाहालले आफ्ना सहयोगी नेतासँग पार्टी केन्द्रीय कार्यालयमा भने।

तीन महिनाअघि भएको बेइजिङ भ्रमणका क्रममा पनि चिनियाँ राष्ट्रपति सी र भारतीय प्रधानमन्त्री मोदीको नेपाल, भारत र चीनबीच त्रिदेशीय रणनीतिक समझदारी विकास गरेर अगाडि बढ्नेबारे छलफल भएको थियो। दाहालका एक सहयोगी नेताका अनुसार भारतले लगाएको आर्थिक नाकाबन्दी खोल्न उनले कूटनीतिक पहललाई तीव्रता दिएका छन्।

चीन, भारत र संयुक्त राष्ट्रसंघमा पनि नेपालमाथि भारतले लगाएको नाकाबन्दी अन्त्य गराउन अध्यक्ष दाहालले कूटनीतिक पहल गरिरहेको उनका स्वकीय सचिव चूडामणि खड्काले बताए। 'संविधान निर्माणपछि आएको जटिलता र भारतले लगाएको अघोषित नाकाबन्दीले दैनिक जीवनमा पारेको प्रभावबारे अध्यक्षले चिनियाँ राजदूतसँग छलफल गर्नुभएको हो', खड्काले अन्नपूर्णसँग भने। दाहालले तातोपानी र रसुवागढी नाकालाई छिटो सञ्चालन गर्न सकिने सम्भावनाबारे पनि राजदूत ऊसँग छलफल गरेका छन्।

स्रोतका अनुसार चीनले छिटोभन्दा छिटो तातोपानी र रसुवागढी नाका सञ्चालन गर्ने र भारतीय आर्थिक नाकाबन्दीले पारेको प्रभाव कम गर्न आफ्नातर्फबाट आपूर्ति बढाउने आश्वासन नेताहरूलाई दिएको छ। संविधानसभाबाट ९० प्रतिशत प्रतिनिधिले हस्ताक्षर गरी पारित भएको संविधानलाई चीनले स्वागत गरेकोमा दाहालले राजदूत ऊमार्फत चीन सरकारलाई धन्यवाद दिएको खड्काले बताए।

भारतीय प्रधानमन्त्री मोदीका सुरक्षा सल्लाहकार अजित डोभलले तीन घन्टाभित्र आर्थिक नाकाबन्दी खुल्ने जानकारी दिए पनि अहिलेसम्म नखुलेकोमा दाहालले चिन्ता व्यक्त गरेका छन् । ‘भारतीय प्रधानमन्त्रीका राइट ह्यान्डसँग पनि कुराकानी भएको छ। मैले कुरा गर्दा सायद मोदी पनि त्यहीं हुनुहुन्थ्यो। उहाँले मलाई तीन घन्टाभित्र नाकाबन्दी खुल्छ भन्नुभएको थियो तर धेरै घन्टा भइसक्यो अझै खुलेको छैन', दाहालले पार्टी केन्द्रीय कार्यालय पेरिसडाँडामा बसेको केन्द्रीय समितिको बैठकमा भनेका थिए।

स्रोतका अनुसार दाहालले डोभलसँग आइतबार बिहान कुराकानी गरेका हुन्। बैठकमा दाहालले नाकाबन्दी खुलाउन भारतसँग कूटनीतिक पहल भइरहेको उल्लेख गर्दै उत्ताउलो व्यवहार नदेखाउन नेतालाई सचेत गराएको एक मधेसी नेताले बताए।

'आर्थिक नाकाबन्दीसम्म आउँदा यो भारतीय हस्तक्षेप नै हो। हाम्राबारे कतिपय भ्रमपूर्ण कुरा पनि भारत सरकारसमक्ष पुर्‍याइएका छन्। त्यसलाई हामीले चिर्न सक्नुपर्छ', ती नेताले दाहालको भनाइ उद्धृत गर्दै भने, 'घरको झगडालाई घरभित्रै मिलाउन संविधान संशोधनको प्रक्रिया अगाडि बढाइँदैछ।'

मधेसकेन्द्रित दलका नेतासँग वार्ता गर्न तीन दलका तर्फबाट तीन सदस्यीय टोली बनाइएको जानकारी पनि दाहालले बैठकमा गराएका थिए। एमाओवादीले आफ्ना जनवर्गीय संगठनमार्फत भारतले लगाएको आर्थिक नाकाबन्दीको विरोधमा सडकमा प्रदर्शन गर्ने कार्यक्रम बनाएको छ भने पार्टीका तर्फबाट संविधानसभाबाट संविधान घोषणापछि उत्पन्न परिस्थितिबारे असोज १७ गते काठमाडौंमा बृहत् अन्तरक्रिया गर्ने कार्यक्रम बनाएको छ।

नेकपा—माओवादीले पनि बुधबार काठमाडौंमा भारतले नेपालमाथि लगाएको आर्थिक नाकाबन्दीको विरोधमा प्रदर्शन गर्ने योजना बनाएको छ।
www.annapurnapost.com

वि.सं. २०७२ साल असोज १२ गते। मंगलबार। इश्वी सन् २०१५ सेप्टेम्बर २९ तारिख। नेपाल संवत् ११३५ ञला गा। आश्विन कृष्णपक्ष। तिथि– प्रतिपदा, ६:२७ बजेदेखि द्वितीया २८:०५ बजेउप्रान्त तृतीया। नक्षत्र– रेवती, १८:२२ बजेउप्रान्त अश्विनी।
मेष – चु, चे, चो, ला, लि, लु, ले, लो, अ (Aries)
केही खर्च लागे पनि सोचेको काम बन्नेछ। व्यवसायमा थप लगानी बढाउन सकिनेछ। वैदेशिक कामकाजमा फाइदा होला। मनको डर उत्साहमा रूपान्तरित हुने योग छ। टाढाको यात्रा गर्ने मौका छ। दिगो फाइदा हुने काममा लगानी बढाउन सकिनेछ। पतिपत्नीबीच घरसल्लाह भने नमिल्न सक्छ। अनुकूल स्थानान्तरण र टाढाको यात्रा सम्भावना छ।

बृष – इ, उ, ए, ओ, बा, बि, बु, बे, बो (Taurus)
समय उत्साहवर्द्धक रहला। आम्दानी बढ्ने र उठ्नुपर्ने रकम हातलागी हुने समय छ। पितृधन समेत लाभ होला। नयाँ ज्ञान प्राप्त हुने योग छ। कृषि तथा पशुपालनमा भने सोचेको लाभ नहोला। तापनि व्यापारमा प्रशस्त फाइदा हुने योग छ। दाम, नाम, इनाम हात पर्ने बेला छ। श्रमको उचित मूल्यांंकन होला। पढाइमा पनि राम्रै प्रगति हुने समय छ।

मिथुन – का, कि, कु, घ, ङ, छ, के, को, ह (Gemini)
काम गर्ने अवसर मिले पनि प्रतिफल हात पार्न नसकिएला। प्रतिष्ठा र पदको आश्वासन देखाउनेहरूले घात गर्नेछन्। शासकवर्गबाट पनि धोका हुन सक्छ, सचेत रहनुहोला। भूमि, वाहन र पैत्रिक सम्पत्तिबाट सामान्य लाभ मिल्नेछ। आर्थिक लाभ नहुने कामको जिम्मेवारी वहन गर्नुपर्ला। पढाइलेखाइमा समय दिन नसकिएला। व्यापारमा पनि कमै फाइदा हुनेछ।

कर्कट – हि, हु, हे, हो, डा, डि, डु, डे, डो (Cancer)
समुदायको हितमा राम्रै काम गर्न सकिनेछ। सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ। आफ्नो वर्ग वा क्षेत्रको नेतृत्व हातलागी हुनेछ। धेरैले तपाईंका कामको तारिफ गर्नेछन्। कीर्तिमानी काम गर्ने समय छ। दाम, इनाम र प्रतिष्ठा कमाउने बेला छ। सहयोगीहरूले साथ दिनेछन्। आँटेका काम पनि सजिलै बन्नेछन्।

सिंह – मा, मि, मु, मे, मो, टा, टि, टु, टे (Leo)
कामका लागि गरिएको भ्रमणमा समय मात्र बित्नेछ। समस्या थपिन सक्छन्। सानातिना काम र घरेलु समस्यामै अल्झनुपर्ने देखिन्छ। स्वास्थ्यगत समस्याले पनि सताउने देखिन्छ। उपचारमा खर्च हुने योग छ। विद्यामा कमजोरी र लेनदेनमा विवाद होला। व्यावसायिक काममा पनि विभिन्न समस्या आउन सक्छन्। इष्टदेवको पूजा–उपासना गर्नाले तपाईंलाई फाइदा हुनेछ।

कन्या – टो, प, पि, पु, ष, ण, ठ, पे, पो (Virgo)
सुखदुःखमा साथ दिनेहरू प्रशस्तै भेटिनेछन्। कामको चाप र थकाइबाट मुक्त रही विश्राम पाइनेछ। परिवारजनको साथले नयाँ आशा पलाउनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। विभिन्न सहयोग र उपहार पाइनेछ। आयआर्जन पनि राम्रै हुनेछ। अतिथिका रूपमा सम्मान पाइने समय छ। रमाइलो यात्राको समेत मौका छ।

तुला – र, रि, रु, रे, रो, ता, ति, तु, ते (Libra)
अप्ठ्यारा परिस्थितिको सामना गर्नुपर्ला। केही चुनौतीहरू देखिनेछन्। अधिकार सुरक्षा गर्न जुट्नुपर्नेछ। गरी आएका काम र व्यापार–व्यवसायमा फाइदा उठाउन नसकिएला। शत्रुहरू बढ्नाले समस्या थपिएलान्। आँटेका काममा बाधा पुर्याउनेहरू प्रशस्तै हुनेछन्। फजुल खर्च पनि बढ्नेछ। चोरी वा ठगीमा परिने योग भएकाले होसियार रहनुपर्ने समय छ।

बृश्चिक – तो, ना, नि, नु, ने, नो, या, यि, यु (Scorpio)
दिन उत्साहपूर्ण रहला। सुखद समाचार सुन्न पाइनेछ। स्वास्थ्य सबल रहनेछ र काममा पनि फाइदाको योग छ। व्यापारमा भने कम मात्र फाइदा होला। पशुपालन तथा कृषि क्षेत्रबाट राम्रो लाभ मिल्ने योग छ। पढाइलेखाइमा प्रगति हुनेछ। बौद्धिक प्रतिस्पर्धामा विजयी भइनेछ। प्रतिष्ठित काम सम्पादन गर्ने मौका छ। सन्तान वा अनुयायीले प्रसन्नता दिलाउनेछन्।

धनु – ये, यो, भ, भि, भु, ध, फा, ढ, भे (Sagittarius)
परिवारजनको सहयोगले फाइदा लिन सकिनेछ। मान्यजनसँग असमझदारी बढ्न सक्छ। आत्मीयजनबाट टाढिनुपर्ला। विगतका निर्णयले काममा चुनौती आउने देखिन्छ। मान्यजनको सुझाव अप्रिय लाग्नेछ। महत्वाकांक्षी योजना गोप्य राखेर अघि बढ्दा फाइदा हुनेछ। मातृधन तथा राय–सुझावबाट लाभ उठाउन सकिनेछ। पशुधन र जमिनबाट पनि फाइदा होला।

मकर – भो, ज, जि, खि, खु, खे, खो, गा, गि (Capricorn)
काममा रोकावट र कममात्र फाइदा हुने समय छ। सहयोगीहरूले हात झिक्नाले अलि अप्ठ्यारोमा परिनेछ। आर्जित धन तत्काल खर्च हुन सक्छ। पुरानो समस्याले पनि झमेला आइलाग्ने योग छ। दाम्पत्य सम्बन्धमा केही असमझदारी बढ्न सक्छ। कृषि तथा पशुपालनमा खर्च बढ्नेछ। काममा चुनौती देखिएलान्। आफ्नै प्रयासले गरेका काममा भने लाभ मिल्नेछ।

कुम्भ – गु, गे, गो, सा, सि, सु, से, सो, द (Aquarius)
विभिन्न अवसर पाइने समय छ। तर, सोचेको काम समयमा सम्पादन गर्न नसकिने र अवसर फुत्कने सम्भावना देखिन्छ। सहयोगी वा हितैसी जनले तपाईंको कमजोरीप्रति टिप्पणी वा गुनासो गर्न सक्छन्, सचेत रहनुहोस्। पढाइलेखाइमा ध्यान दिन नसकिएला। द्विविधामा परिने र निर्णायक क्षमतामा कमी आउने योग छ। धैर्यसाथ निरन्तरको प्रयत्नले फाइदा हुनेछ।

मीन – दि, दु, थ, झ, ञ, दे, दो, च, चि (Pisces)
पारिवारिक जमघटमा मन रमाउनेछ। विशिष्ट व्यक्तित्वसँग भेटघाट हुनेछ। स्वादिष्ट भोजनको आनन्द मिल्नेछ। विभिन्न उपहार पाइएला। प्रतिष्ठित काम गर्ने मौका छ। आत्म–विश्वास बढ्नेछ। पठनपाठनमा प्रगति हुनेछ। रोकिएका काम बन्ने र नयाँ काम पाइने योग छ। भेटघाटमा अलमलिनाले कामलाई बाधा पुग्नेछ। स्वास्थ्यका लागि खानपानमा सचेत रहनुहोला।

काठमाडौँ, ११ असोज । प्रमुख राजनीतिक दलले गठन गरेको वार्ता टोली तथा आन्दोलनरत मधेशी दलहरुबीचको वार्ता सकरात्मक भएको नेताहरुले बताएका छन् ।
नयाँ संविधानप्रति असहमति जनाउँदै आन्दोलनमा रहेका तमलोपाका अध्यक्ष महन्थ ठाकुर र फोरम लोकतान्त्रिकका अध्यक्ष विजयकुमार गच्छदार निवासमा पुगेर तीन दलको वार्ता टोलीले छलफल गरेको थियो । तीन दलीय वार्ता टोलीमा नेपाली काँग्रेसका नेता एवं वन तथा भूसंरक्षण मन्त्री महेश आचार्य, नेकपा एमालेका प्रमुख सचेतक अग्नि खरेल र एकीकृत नेकपा माओवादीका उपाध्यक्ष नारायणकाजी श्रेष्ठ छन् ।
मधेशी दलले वार्तामा बस्नुअघि आफ्ना कार्यकर्तामाथि लगाइएको मुद्दा फिर्ता हुनुपर्ने, सेनालाई ब्यारेक फर्काउनुपर्ने, घाइतेको निःशुल्क उपचारको व्यवस्था हुनुपर्नेलगायत माग राखेपछि वार्ता अड्किएको छ ।
आन्दोलनकारीका तर्फबाट उठाइएका कतिपय विषयवस्तु संविधान संशोधन गरेर सम्बोधन गर्न सकिने विश्वास दिलाएको एमाओवादी नेता श्रेष्ठले जानकारी दिए । मधेसकेन्द्रित दलले खास गरी सङ्घीय प्रदेशको सीमा, नागरिकता, समानुपातिक तथा समावेशिताका विषयलाई केन्द्रित गरेर आन्दोलन गर्दै आएका छन् ।
तीन दलको आइतबार बिहान बसेको बैठकले नयाँ संविधानप्रति असहमति जनाउँदै आन्दोलन गरिरहेका मधेसी, थारु एवम् अन्य समुदायसँग वार्ता गर्न तीन सदस्यीय समिति गठन गरेका थियो । तीन दलको वार्ता टोलीले मङ्गलबार पनि आन्दोलनरत दलसँग वार्ता गर्ने बताइएको छ ।
यसैबीच फोरम लोकतान्त्रिकका अध्यक्ष विजयकुमार गच्छदारले आइतबारै साँझ प्रधानमन्त्री सुशील कोइरालासहित काँग्रेसका शीर्ष नेतासँग गोप्य छलफल गरेका छन् । भेटवार्तालाई गोप्य राखिएकाले थप जानकारी बाहिर आएको छैन ।
dainiknepal.com

काठमाडौँ, ११ असोज । एकीकृत नेकपा(माओवादी)ले नेपालको संविधान जारी भइसकेको अवस्थामा मुलुकका महत्वपूर्ण र रणनीतिक महत्वको स्थानमा प्रमुख तीन राजनीतिक दलका तर्फबाट आमसभा गर्नुपर्नेमा जोड दिएको छ ।

एमाओवादीको आज पार्टी केन्द्रीय कार्यालय पेरिसडाँडामा बसेको पार्टी केन्द्रीय समितिको बैठकले तराई मधेसका विभिन्न जिल्लामा जनपरिचालनसहित आमसभा गर्नुपर्ने निष्कर्ष निकाल्दै नेपाली काँग्रेस र नेकपा(एमाले)लाई पनि त्यसका लागि आग्रह गर्ने निर्णय गरेको छ ।

संविधानमा आदिवासी, जनजाति, मधेसी, थारु समुदायको धेरै हक तथा अधिकार समावेश गरिएको भएपनि केही विषय छुटेका कारण असन्तुष्टि व्यक्त भइरहेको भन्दै त्यसको समाधानका लागि संयुक्त रुपमा जनपरिचालन र आमसभा गर्नुपर्ने निष्कर्ष निकालिएको प्रवक्ता दीनानाथ शर्माले जानकारी दिनुभयो ।

यस्तै संविधान जारी भइसकेको अवस्थामा दक्षिणी छिमेकी भारतले नेपालमाथि विभिन्न प्रकारको नाकाबन्दी गरेको भन्दै एमाओवादीले जनवर्गीय सङ्गठनको नेतृत्वमा जनपरिचालनसहित सङ्घर्ष गर्ने निर्णय गरेको छ ।

सार्वभौम तथा स्वतन्त्र मुलुकका जनता र राजनीतिक नेतृत्वले आफ्नो संविधान कस्तो बनाउने र कसरी बनाउने भन्ने विषय स्वतन्त्र निर्णय भएकाले कुनै पनि मुलुकले आपत्ति जनाउनुपर्ने र अवरोध गर्नुपर्ने कुनै पनि कारण नभएको भन्दै तत्काल समस्या समाधान गर्न सरकारसँग आग्रह गरेको छ ।

सरकारले कूटनीतिक पहल गरेर आपूर्ति व्यवस्थामा देखिएको समस्या समाधान गर्न पहल गर्नुपर्नेमा एमाओवादीले जोड दिएको छ ।

यस्तै यही असोज १६ गते सङ्घीय प्रणालीअनुसार ३ र ४ नम्बर प्रदेशको काठमाडौँमा कार्यकर्ता भेला गर्ने निर्णय गरेको प्रवक्ता शर्माले जानकारी दिनुभयो । यस्तै २० गते १ नम्बर प्रदेशको भेला इटहरी, ५ र ६ नम्बर प्रदेशको बाँकेको कोहलपुरमा यही असोज २३ गते भेलाको आयोजना गरिएको छ भने असोज २५ गते प्रदेश नं २ को भेला जनकपुरमा गर्ने वा अन्य कुनै उपयुक्त स्थानमा गर्ने भन्ने बारेमा भने कुनै पनि ठोस निर्णय नभएको प्रवक्ता शर्माले जानकारी दिनुभयो ।

यस्तै पार्टीबाट अलग हुनुभएका वरिष्ठ नेता डा बाबुराम भट्टराईलगायत नेतालाई पुनः आफ्नो निर्णयमा पुनःविचार गरी घर फर्कनसमेत बैठकले आग्रह गरेको छ ।

प्रवक्ता शर्माका अनुसार असन्तुष्ट पक्षसँग वार्ता र संवाद गर्न उपाध्यक्ष नारायणकाजी श्रेष्ठको नेतृत्वमा एक समितिसमेत गठन गरिएको छ । सो समितिले संविधान घोषणा भएपछि विभिन्न रुप र ढङ्गले असन्तुष्टि व्यक्त गर्दै आएका समूहसँग वार्ता गरी समस्याको समाधान गर्न पहल गर्नेछ । रासdainiknepal.com

यमन: सिया विद्रोहीलाई निशाना बनाई साउदी अरब नेतृत्वको संयुक्त सुरक्षाफौजको आक्रमणमा परी २८ जनाको मृत्यु भएको यमनी सुरक्षा अधिकारीले बताएका छन् । उक्त कारबाहीमा दर्जनौँ अरू मानिस घाइते भएको पनि बताइएको छ ।

यमनलाई टुक्र्याउने गरी भएको द्वन्द्वमा तटस्थ भूमिका निर्वाह गरेको बताउँदै केही सुरक्षा अधिकारीले सोमबार अलबाहगामा विवाहको एक समारोहमा गरिएका हवाई आक्रमणबाट ठूलो सङ्ख्यामा हताहती भएको बताए ।


यसैबीच, सुरक्षा कारबाहीमा संलग्न एक उच्च अधिकारीले भने सेनाले विवाह समारोहमा आक्रमण नगरेको तर गलत निशाना लाग्दा उक्त दुःखद घटना हुन पुगेको बताए ।


सिया हुठी समूहद्वारा सञ्चालित विद्रोहलाई दबाउन साउदी पक्षधर तथा अन्तर्राष्ट्रिय समर्थन प्राप्त गरेको यमनी सरकारबीच गएको मार्चदेखि द्वन्द्व हुँदै आइरहेको छ ।

द्वन्द्वमा करिब दुई हजार एक सय नागरिकको मृत्यु भइसकेको संयुक्त राष्ट्रसङ्घको तथ्याङ्क छ ।
annapurnapost.com

सोमबार, ११ असोज
काठमाडौं । आगामी गतेवाट विहारको विधानसभाको चुनाव सुरु हुदैछ । विधानसभा भनेको भारतीय संविधान अनुसार नेपालको प्रदेशसभा जस्तै हो जसले विहारको प्रादेशिक सरकारको चुनाव गर्दछ ।
दिल्लीमा आम आदमी पार्टीले मोदीको पार्टी भाजपालाई पनि पत्तासाफ गरि हराएजस्तै विहारमा नहोस भन्नका लागि तथा विहारको प्रदेश सभामा वहुमत जितेर इतिहासमा पहिलो पटक विहारमा भाजपाको सरकार वनाउनका लागि पनि नेपाल पुरै नाकावन्द गरेको रहस्य खुलेको छ ।
श्रोतका अनुसार विहार तथा विहारससँग सीमा जोडिएका नेपाली जिल्लाहरुमा दोहोरो नागरिकता भएकाहरुले भाजपालाई मत दिन लगाउन मोदीलाई मधेश सेन्टिमेन्ट प्रयोग गर्न विहारका भाजपा नेताहरुले केही हप्ता अघि सुझाव दिएका थिए ।
विहारसँग सीमा जोडिएका नेपालका जिल्लाहरुमा रहेका साठी प्रतिशत भन्दा बढीको विहारमा नाता कुटुम्व कोही न कोही रहेकोले मधेशको भड्काइएको भावनालाई आफ्नो पक्षमा पार्न सके विहारमा आफ्नो पक्षमा थप दश देखि पन्ध्र प्रतिशत मत आउने अनुमान पनि विहारी नेताहरुले मोदीलाई रिपोर्ट सुनाए पछि मोदीले जसरी भएपनि विहारको चुनाव जितेर इतिहास वनाउन नेपाललाई विहार चुनाव नसकिए सम्म नाकावन्दी गर्न आदेश दिइ अमेरिका भ्रमणमा गएको समाचार श्रोतको दावी छ ।
पटना स्थित समाचार श्रोतका अनुसार सोही दश देखि पन्ध्र प्रतिशत मत नै निर्णायक बन्ने देखिन्छ । मधेशका सम्वन्धका सम्भवै नभएका र अन्तराष्ट्रिय रुपमा अमान्य मागहरु र आफैले भारतमा अस्वीकार गरेका माग समेतपनि राख्न लगाएर निहु खोज्न र मधेशी भावना भड्काउन भाजपा नेतृत्व मरिमेटेर लाग्नुको एक अति महत्वपूर्ण कारण यहि विहारको चुनाव भएको र यस पछि जे गर्न पर्ला गरौंला भन्ने मोदीले सोचाइ वनाएको उच्च स्रोतको दावी छ ।
www.nepalsandesh.com

थरुहटका युवाले जलाएको प्रहरीको भनाइ
धनगढी : धनगढी नगरपालिकको मनेहरा जंगलमा नगर बसमा आगजनी गरिएको छ ।

धनगढी नगरपालिका–७ मा पर्ने मनेहरा जंगलमा केही बेरअघि कर्णाली यातायाताको से १ ख १०१७ नम्बरको बसमा अज्ञात समूहले आगजनी गरेको हो ।

आगजनीपछि नगरबस पुर्णरुपमा जलेको छ । पाँचजनाको नकाबधारी समुहले बसमा ढुंगा हानेर रोकेपछि पेट्रोल खन्याएर आगो लगाएको चालकलाई उधृत गर्दै कैलालीका प्रहरी प्रवक्ता डिएसपी विश्वराज खड्काले बताए ।

थारु समुदायका युवकहरुले आगो लगाएको बस चालकले जानकारी दिएको डिएसपी खड्काले बताए । बसमा लगाइएको आगो निभाउन धनगढी नगरपालिकाको दमकल घटनास्थलतिर गएको छ ।

नगरबस, जुगेडा हुदै कनरीको बस्ती भएर धनगढी चल्ने पर्छ । कनरीदेखि धनगढीको झण्डै ५ किलोमिटरको दुरीमा डेढ किलोमिटर मनेहरा सामुदायिक वनक्षेत्र पर्छ । सोही वनमा बस जलाइएको हो ।
www.annapurnapost.com

बैंकक, ११ असोज । मानसिक सन्तुलन गुमाएको एक व्यक्तिले थाइल्याण्डको राजधानी बैंककमा पाँचजना बालबालिकाको घाँटी रेटेर हत्या गरेको समाचार छ ।
सो व्यक्तिले तरकारी काट्ने चक्कुले घाँटी रेटेर ती पाँचको हत्या गर्नुको साथै अर्की एकजना गर्भवती महिलालाई पनि चक्कु धसेर गम्भीर घाइते बनाएको छ । बैंककको चाई प्रकरण जिल्लामा आइबार अपरान्ह सो हत्याकाण्ड भएको थाइल्याण्डबाट प्राप्त समाचारमा जनाइएको छ ।
प्रहरी लेफ्टिनेन्ट कर्णेल सोम्बुत कालासुकले भने- एक मानसिक रोगीले पाँचजना बालबालिकालाई तरकारी काट्ने चक्कुले घाँटी रेटेर हत्या गरेको छ । उनीहरु सबैलाई टाउको र घाँटीमा चोट लागेको छ ।
मारिनेमा पाँच महिनादेखि आठ वर्षसम्मका बालबालिका रहेका पनि उनले जानकारी दिए ।
गर्भवती महिलाको अवस्था पनि अत्यन्तै नाजुक रहेको अस्पतालले जनाएको छ । मारिनेमा एकजना बच्चा तिनै महिलाको रहेको प्रारम्भिक अनुसन्धानबाट खुलेको छ ।
मारिने बच्चामध्ये तीनको शव घरभित्रै र एकजनाको आँगनमा भेटिएको थियो । बाँकी एकजनाको भने अस्पतालमा मृत्यु भएको हो । उक्त व्यक्ति केही महिनामात्र पहिला अस्पतालमा उपचार गराइ फर्किएको थियो । उसलाई प्रहरी नियन्त्रणमा राखिएको छ । रासस/एएफपी
dainiknepal.com

एकीकृत नेकपा माओवादीका अध्यक्ष पुष्पकमल दाहाल प्रचण्डले अमेरिकामा रहेका भारतीय प्रधानमन्त्री नरेन्द्र मोदीलाई फोन गरेको जानकारी पार्टी बैठकमा गराएका छन् ।

नेपालमा मोदीको प्रोपोगाण्डा गोयबल्सको जस्तै- भारतीय सांसद मणि शंकर

आफूले गरेको फोन रेप्पोन्स नभएको र सहयोगीले फोन उठाएपछि मोदीलाई आफूले सन्देश दिएको प्रचण्डले बैठकमा बताएका हुन् ।

चिनियाँ राजदुतलाई बोलाएर प्रचण्डले भने- नाका खोल्न सहयोग गर्नुस्

जारी केन्द्रिय समिति बैठकमा प्रचण्डले आफूले नाकबान्दी खुलाउन कुटनीतिक प्रयास गरिरहेको तर भारतीय पक्षबाट सकारात्मक जवाफ आउने र ब्यवहारमा लागु नहुने भैरहेको जानकारी समेत गराएका छन् ।


मोदीलाई शनिबार नै फोन गरेका प्रचण्डले उनका सहयोगमार्फत मोदीलाई सन्देश पठाएका बताइएको छ । भारतीय पक्षले आस्वासन दिने तर लागु नगर्ने गरेको जानकारी प्रचण्डले नेताहरुलाई गराएका छन् ।

बाबुरामलाई दिल्लीको दलाल देख्नु मण्डले राष्ट्रवाद- खगेन्द्र संग्रौला

प्रचण्डले आफूले चिनियाँ पक्षलाई पनि छिटो भन्दा छिटो नाका खोल्न आग्रह गरिसकेको जानकारी गराएका छन् ।

काठमाडौं : अन्तर्राष्ट्रिय कानुन तोड्दै भारतले नेपालमा नाकाबन्दी गरेको विरोधमा विद्यार्थी संगठनहरुले सोमबार दिउँसो लैनचौरस्थित भारतीय दूतावासको कार्यालय घेराउ गरेका छन् ।

अस्कल क्याम्पसबाट निस्केको विद्यार्थीहरुको जुलुसले नाराबाजी गर्दै भारतीय दूतावास घेरेको हो ।

नेपालको राष्ट्रिय झण्डा बोके विद्यार्थीहरुले भारतले गरेको नाकाबन्दीको नाराबाजी गर्दै बिरोध गरे । जुलुसमा देशमा क्रियाशिल सबै विद्यार्थी संगठनका अध्यक्षहरु सहभागी भएका अनेरास्ववियुका प्रवक्ता आरसी लामिछानेले बताए ।

विद्यार्थीहरुले करिब एक घण्टासम्म दूतावास घेराउ गरेका हुन् । विद्यार्थीहरुले दूतावास घेराउ गर्ने क्रममा प्रहरीले हस्तक्षेप गर्न खोजेपनि अप्रिय घटना भएन।

जुलुसमाथि प्रहरीले हस्तक्षेप गर्न खोजे पनि झडप भने नभएको लामिछानेले बताए ।

भारतले नेपालमाथिको नाकाबन्दी हटाएर अनावश्यक हस्तक्षेप नगर्ने प्रतिवद्धता नजनाएसम्म उ विरुद्ध आन्दोलन चर्काइरहने विद्यार्थी संगठनहरुले जनाएका छन् ।

विद्यार्थीहरुले भारतीय नाकाबन्दीलार्इ अन्तर्राष्ट्रियकरण गर्न मंगलबार संयुक्त राष्ट्रसंघको ध्यानाकर्षण गराउने भएका छन् । www.annapurnapost.com

काठमाडौँ, ११ असोज, आज आकाशमा विचित्रको खगोलिय घटना हुन पुगेको छ । विश्वका खगोलीय वैज्ञानिकहरु सो घटनालाई गहिरिएर हेरी रहेका छन् । पूर्वीय दर्शनअनुसार आज पूर्णिमाको दिन हो । पश्चिमी वैज्ञानिक तथा दार्शनिकहरु आजको दिनलाई सुपरमुन डेको रुपमा अध्ययन र अनुसन्धानमा छन् । सुपर मुनको अर्थ आज चन्द्रमा उसको कक्षबाट पृथ्वीको सबैभन्दा नजिक आइपुग्ने र आकाशमा सामान्य भन्दा ठूलो आकारमा देखिने गर्दछ । साथै आजको चन्द्रमाको रङ पनि रातो देखिने हुन्छ । त्यसैले पनि खगोलविद्हरुले आजको दिनलाई असाधारण मानेका छन् ।

आज लागेको चन्द्र ग्रहण पश्चिम युरोप, उत्तर र दक्षिण अमेरिका तथा पश्चिम अफ्रिकाबाट प्रस्टै देखिएको छ भने उत्तर अमेरिकाको पश्चिमी भाग, पश्चिम युरोप र अफ्रिका बाहेक मध्य पूर्वी र दक्षिणी एशियाबाट भने आंशिक मात्रै देखिएको छ । बेलायतमा सोमबार विहान तथा उत्तर र दक्षिण अमेरिकामा आइतबार चन्द्र ग्रहण र सुपर मुनको अवलोकन गरिएको छ ।

विरलै हुने यस्तो घटनालाई खगोलविद्ले निक्कै चासो र महत्व दिएर अध्ययन, अनुसन्धान गरिरहेका छन् भने यसले प्राणी जगत र खगोलिय पिण्डमा पर्ने असरको बारेमा अध्ययन भइरहेको बताइएको छ । खगोलिय पिण्डमा हुने यस्तो प्रकारको घटना यसअघि सन् १९८२ मा देखिएको थियो भने सन् २०१५ को आजको दिन दोस्रो पटक देखिएको हो । साथै अब यस्तो घटना सन् २०३३ मा मात्रै देख्न पाइने खगोलविद्हरुले बताएका छन् ।

सुपरमुन र चन्द्र ग्रहण एकै पटक पर्नुलाई केही खगोलविद्हरुले निक्कै आश्चर्यको र खगोलिय पिण्डमा उतारचढावको दिनको रुपमा लिए पनि यस्ता घटनाले अन्य कुनै दुर्घटना निम्त्याउँछ भन्ने पुष्टि नभएकोले केही खगोलविद्हरुले सर्वसाधारणलाई हल्लाको पछि नलाग्न पनि आग्रह गरेका छन् । उनीहरुले यो संयोग मात्रै भएकोले यसबाट प्राणी जगतमा कुनै प्रत्यक्ष हानी नपर्ने दाबी सहित अध्ययन भने भइरहेको उल्लेख गरेका छन् ।

तस्विर: एपी
aajakokhabar.com.

काठमाडौँ : वाणिज्य तथा आपूर्तिमन्त्री सुनिलबहादुर थापाले नयाँ संविधान जारी भएपछि भारतले लगाएको अघोषित नाकाबन्दीबारे दिल्लीमा भारतीय अधिकारीसमक्ष कुरा राख्‍ने भएका छन्।

नेपाल–भारत वाणिज्य मन्त्रीस्तरीय बैठकमा भाग लिन सोमबार थापा नयाँ दिल्ली पुगेका छन्। प्रस्थान गर्नुअघि त्रिभुवन अन्तर्राष्ट्रिय विमानस्थलमा मन्त्री थापाले  भारतीय सीमा क्षेत्रमा देखापरेका अवरोधलाई संवादका माध्यमबाट हल गर्न सकिने र त्यसबारेमा भारतीय समकक्षी एवम् अन्य उच्च राजनीतिक नेतृत्वसँग वार्ता गर्ने  बताए।


तीनदिने सो बैठकमा दुई मुलुकको वाणिज्य तथा आपूर्तिका विविध विषयमा छलफल हुनेछ । थापाले संविधानसभामार्फत जारी भएको नेपालको नयाँ संविधानबारे भारतीय उच्च राजनीतिक नेतृत्वसँग छलफल हुने बताए।


दिल्ली जानुअघि मन्त्री सुनिलले प्रधानमन्त्री तथा तीन दलका नेताहरुसँग पनि छलफल गरेका थिए।
annapurnapost.com

मधेसी मोर्चाकै कार्यकर्ता लुटापाटमा संलग्न
इटहरी : संयुक्त लोकतान्त्रिक मधेसी मोर्चाको भन्सार केन्द्रित आन्दोलन विफल बनाउन सुरक्षा संयन्त्र केन्द्रित भएपछि पूर्वी तराईका सीमाक्षेत्रको सुरक्षा व्यवस्था फितलो बनको छ ।

 सीमाक्षेत्रको सुरक्षा फितलो भएको मौका छोपी हतियारसहितका भारतीयहरु नेपाल प्रबेश गरेको सीमाक्षेत्रका स्थानीय वासिन्दाले जानकारी दिएका छन् ।

मधेसी मोर्चाको भन्सार आन्दोलनले सुरक्षा संयन्त्र पनि भन्सारमा केन्द्रित भएपछि अन्य सीमाक्षेत्रमा सुरक्षा व्यबस्था कमजोर भएको छ ।

खुल्ला सीमानामा सुरक्षा व्यवस्था कमजोर भएको मौका छोपी भारतीयहरु धमाधम नेपाल पस्न थालेर्का थालेका छन् ।

पूर्वी तराईका सुनसरी, मोरङ, सप्तरी र सिराहाबाट हतियारसहितका भारतीयहरु नेपाल प्रवेश गर्न थालेको स्थानीयबासीको भनाइ छ ।

नजिकिदै गएको दशै तिहारको तयारीमा जुटेका सर्बसाधारणबाट नगद र सुन लगायतका सामाग्री लुटपाट गर्ने उदेश्यले पनि भारतीय डाँकाहरुको समुह नेपाल प्रबेश गरेका हुन् ।

मोर्चाकै कार्यकर्ताहरु पनि शान्तिपूर्ण आन्दोलनका नाममा लुटपाटमा संलग्न हुन थालेपछि सीमाक्षेत्रको सुरक्षा व्यबस्था कमजोर बन्दै गएको हो ।

मोर्चाका कार्यकर्ताहरुले बुधवार राति धरान–८ का नविन राई र भारतीय सेनामा कार्यरत धरान –१६ कमल जिमी बा ५३ प ६८५४ नम्बरको मोटरसाइकलमा काठमाडौँ जादै गर्दा सुनसरीको भोक्राहा आक्रमण गरेका थिए ।

सो क्रममा मोटरसाइकलमा आगो लगाइ उनीहरुको साथमा रहेको ८३ हजार ६ सय रुपैयाँ र सुनको अाैंठी, मोबाइल फोन र मोवाइलसमेत लुटपाट गरेपछि सर्बसाधारण आतंकित बनेका छन् ।

मधेसी मोर्चाका नेताहरु उपेन्द्र यादव, राजेन्द्र महतो र महन्थ ठाकुरले विहारका मुख्यमन्त्री नितिश कुमार र विहारका पूर्व मुख्यमन्त्री लालु यादव, र जनतान्त्रीक तराई मुक्ति मोर्चाका अध्यक्ष ज्वाला सिंह, छुट्टा छुट्टै भेटेर मधेश आन्दोलनलाई सहयोग गर्ने सहमत भएपछि भारतीयहरु हतियारसहित नेपाल छिरेका हुन् ।

यादव, महतो र ठाकुरले ज्वाला सिंहलाईसमेत भेटेर मधेस आन्दोलनलाई सहयोग गर्न माग गरेपछि ज्वाला सिंहले हतियारसहितका २ सय ५० कार्यकर्ता नेपाल पठाएको श्रोतले जानकारी दिएको छ ।

भारतका एक पत्रकारले दिएको जानकारी अनुसार ज्वाला सिंहले विहारको पटनामा प्रेस बक्त्वय निकालेर तराईका जिल्लामा फेरि सशस्त्र संर्घषको घोषणा गरेका छन् ।
www.annapurnapost.com

आश्विन ११, २०७२- भारतीय कम्युनिष्ट पार्टी (माक्संवादी) का महासचिव एवं पार्टीको संसदीय समूहका प्रमुख सिताराम येचुरीले ‘झण्डै एक दशक लामो अन्र्तसम्वाद र सहमतिपछि दुई तिहाइभन्दा बढी मतबाट पारित गणतन्त्र नेपालको संविधानलाई खुलेर स्वागत गर्नुको साटो असन्तुष्टी जनाउँदै भारतले आफ्नो छवि धुमिल बनाउने काम गरेको’ बताएका छन् ।

‘लामो समयसम्म अन्तरिम संविधान तथा सरकारको कालखण्डबाट गुज्रिरहेको नेपालमा संविधानसभाबाट संविधान आएको घटना आफैंमा स्वागतयोग्य र उदाहरणीय छ,’ पार्टीको पोलिटब्युरो मिटिङपछि येचुरीले कान्तिपुरसँग फोनमा भने, ‘हाम्रो पार्टीले नेपालको संविधानलाई खुलेर स्वागत गरेको छ, संवैधानिक उपलब्धीको यो घडीमा नेपाली जनतालाई बधाइ ज्ञापन गरेको छ ।’

उनले ‘अन्तरिम’ अवस्थाबाट अगाडी बढेर संविधान आउनुलाई आफैंमा ठूलो उपलब्धी भन्दै अब यही संविधानको आडमा असन्तुष्टी र नपुगेका बिषयलाई क्रमश सम्बोधन गर्दै जान सकिने राय सुनाए ।

‘नेपाल आफैंमा एउटा सार्वभौमसत्ता सम्पन्न राष्ट्र हो,’मोदी सरकारले नेपालको संविधान उपलब्धीमा देखाएको असन्तुष्टीप्रति येचुरीले भने, ‘अत्याधिक बहुमतबाट आएको संविधानको प्रकृया अथवा उपलब्धीलाई लिएर हस्तक्षेपकारी बन्नुको कुनै अर्थ रहन्न । र, कुनै अरु देशको मामलामा यसरी हस्तक्षेप गर्न पनि मिल्दैन ।’

नेपालसँग भारतको आफ्नै बिशिष्ट परम्परागत र ऐतिहासिक सम्बन्ध रहेको भन्दै यी सम्बन्धका आधारहरु भुलेर नाकाबन्दी गर्ने तहसम्ममा उत्रनुलाई भारत सरकारको ‘ठूलो गल्ती’ भन्दै यसबारे तत्काल विदेश मन्त्रालयको ध्यानाकर्षण हुनु जरुरी रहेको येचुरीले बताए ।

उनका अनुसार बिशेषत कुनै अर्को सार्वभौम राष्ट्रको आन्तरिक मामलामा हस्तक्षेप गर्ने प्रयत्न आफैंमा गलत रहेको र राष्ट्रिय/अन्र्तराष्ट्रिय मान्यतामा समेत यसो गर्ने अधिकार कसैमाथि नरहेकोबारे बिस्तृत बहस पोलिटब्युरो बैठकमा भएको थियो ।

‘भारतीय जनता पार्टी र उसको भातृसंगठन आरएसस(राष्ट्रिय स्वयमसेवक दल)ले नेपाल हिन्दू राष्ट्र घोषित नभएकोमा असन्तुष्टी जनाएकोबारे हामी जानकार छौं,’ पार्टीको पोलिटब्युरोपछि नेपाल परिस्थितीबारे सोमबार जारी बिज्ञप्तीमा उल्लेख छ, ‘हामी भारतको केन्द्र सरकारलाई नेपाल–भारतबीच रहीआएको जनस्तरको सम्बन्धमा कुनै प्रकारको बाधा–ब्यवधान नपुऱ्याउन आग्रह गर्दछौं ।’
antipur.ekantipur.com

११ असोज, रुपन्देही । नेपालमा आपूर्ति रोकिने गरी सीमा क्षेत्रमा धर्नामा बसेका मधेसी मोर्चाको भैरहवाबासीले प्रतिकार गरेका छन् ।

रुपन्देहीको बेलहिया नाका अबरुद्ध गर्दै मोर्चाका नेता-कार्यकर्ताहरु सोमबार पनि धर्नामा बसेका थिए । त्यसको विरोधमा स्थानीय युवाहरु धर्नास्थलमै गएर नाराबाजी गर्दै हटाउने प्रयास गरेका थिए ।
प्रतिकार समूह र मोर्चाका कार्यकर्ताहरुबीच झडपको स्थिति सिर्जना भएपछि सुरक्षाकर्मीले रोकेका थिए । नेपालका प्रहरीले प्रतिकार समूहलाई फर्काइदिएपछि भारतीय सुरक्षाकर्मीले धर्नामा बसेका मोर्चाका नेता-कार्यकर्ताहरुलाई हटाएको थियो ।
नाकामा खुकुलो
अहिले रुपन्देहीको बेलहिया नाकामा कुनै पनि अवरोध छैन । भन्सार जाँच भएर भारत तर्फबाट मालबाहक गाडीहरु नेपाल भित्रिदै छन् । पेट्रोल, डिजल, ग्यास, तरकारी र फलफूल बोकेका गाडीहरु नेपाल भित्रिन लागेका हुन् । तर भारतीय पक्षले भन्सारमा जाँचपासको प्रक्रियामा निकै ढिलासुस्ती गरिरहेको ब्यापारीहरुले गुनासो गरेका छन् ।
www.onlinekhabar.com

सोमबार, ११ असोज
काठमाडौ । कैलालीको टीकापुरमा गत भदौ ७ गते भएको घटनाको स्थलगत अध्ययन–अवलोकन गर्न गठन भएको संसदीय कार्यदलले आफ्नो लिखित प्रतिवेदन सामाजिक न्याय तथा मावन अधिकार समितिसमक्ष पेस गरेको छ ।
समितिको आजको बैठकमा कार्यदलका संयोजक जीवन श्रेष्ठले उक्त हिंसात्मक घटनामा भएको मानव अधिकार हनन सम्बन्धमा तयार पारिएको अध्ययन प्रतिवेदन प्रस्तुत गरेका छन् ।
कार्यदलले टीकापुर घटनालाई अकल्पनीय, निन्दनीय, दुखदायी, अमानवीय तथा हिंसात्मक घटनाको सङ्ज्ञा दिएको छ ।
संविधान निर्माणको प्रक्रियासँगै परिमार्जित ६ र ७ प्रदेशको अवधारणाको मस्यौदा प्रतिवेदन सार्वजनिक भएपछि बन्द÷हडतालका शृङ्खला चलिरहेको, अखण्ड सुदूरपश्चिमाञ्चल पक्ष र थरुहट स्वायत्त प्रदेशका पक्षधरबीच चुलिँदै गएको विवादको परिणामस्वरुप घटना हुन पुगेको कार्यदलको निष्कर्ष रहेको छ ।
घटना हुने अघिल्लो दिन जिल्ला सदरमुकाममा सर्वदलीय बैठक बसी कुनै समूहको विरोध प्रदर्शनमा कोही कसैबाट अवरोध नगर्ने र सभा सम्मेलन शान्तिपूर्ण गर्ने सहमति भएको थियो ।
तर आन्दोलनकारीले त्यसको विपरीत वरिष्ठ प्रहरी उपरीक्षकसहित सात सुरक्षाकर्मी नियन्त्रणमा लिएर तथा एक नाबालकलाई गोली प्रहार गरी हत्या गरेका थिए ।
सो घटनामा गम्भीर घाइते भएका एकजना सुरक्षाकर्मीको उपचारका क्रममा निधन भएको थियो ।कार्यदलले घटनास्थल, प्रभावित क्षेत्रको अवलोकन गर्नुका साथै राजनीतिक दल, आन्दोलनकारी पक्ष, सुरक्षा निकाय, स्थानीय नागरिक समाज र अन्य सरोकारवाला पक्षसँग छलफल गरेको थियो ।
सङ्घीयताका बारेमा बुझाउन नसकेको उपजका रुपमा घटना भएको देखिए पनि घटनाको प्रकृति विश्लेषणबाट टीकापुर घटना राजनीतिक षड्यन्त्र र आपराधिक मनसायबाट गराइएको स्थानीय राजनीतिक दलका प्रतिनिधिहरुको भनाइ रहेको प्रतिवेदनमा उल्लेख गरिएको छ ।
अधिकारकर्मी र पेसाकर्मीले सीमाङ्कनसहितको सङ्घीय प्रदेशको बहानामा राजनीतिक एजेन्डाबाट नियोजित रुपमा जातीय तवरले हिंसात्मक घटना गराइएको बताएका थिए ।
कार्यदलले घटनामा ज्यान गुमाएका परिवारजनलाई यथाशीघ्र राहत एवम् क्षतिपूर्ति उपलब्ध गराउन तथा दोषीलाई पक्राउ गरी कानुनी दायरामा ल्याउन सरकारलाई निर्देशन गर्न सुझाव दिएको छ ।
घटनामा परी घाइते भएका नेपाल प्रहरीका ३०, सशस्त्र प्रहरीका २७ र थरुहटका आठ कार्यकर्ताको निःशुल्क उपचारको व्यवस्था मिलाउन पनि कार्यदलले सरकारको ध्यानाकर्षण गराएको छ ।
टीकापुरमा भएको घटनापछि निषेधाज्ञा जारी भएको अवस्थामा समेत घर टहरा, सङ्घसंस्था, पसल होटल, सवारी साधन, एफएम रेडियो तोडफोड र आगजनी भएकाले छानबिन गरी क्षतिपूर्ति उपलब्ध गराउन तथा आन्दोलनकारीहरुले राखेका जायज मागलाई सम्बोधन गरी समझदारी र सहमतिको वातावरण बनाउन पनि राजनीतिक दल र सरकारलाई सुझाव दिइएको छ ।
कार्यदलले कैलाली घटनालाई विशेष ब्युरोबाट सुक्ष्म र वैज्ञानिक अनुसन्धान गर्न गराउन तथा स्थानीय प्रशासनले थारु समुदायका अगुवासँग सौहार्द्रता र हार्दिकता साथ सामाजिक सद्भाव कायम राख्न आवश्यक रहेको सुझाव दिएको छ ।
www.nepalsandesh.com

‘भक्तपुरलाई भारतीय चलचित्र मुक्त क्षेत्र घोषणा’
काठमाडौं, ११ असोज । भारतीय हस्तक्षेपविरुद्ध एक पछि अर्काे कदम उठाइरहेको नेत्रविक्रम चन्द ‘विप्लव’ नेतृत्वको नेकपा माओवादी सोमबार भक्तपुरलाई भारतीय चलचित्र मुक्त क्षेत्र घोषणा गरेको छ ।
विप्लव माओवादी भक्तपुरका सेक्रेटरी क्षितिज मल्लले दिएको जानकारी अनुसार सोमबारदेखि लागू हुनेगरी भक्तपुर जिल्लामा भारतीय चलचित्रलाई प्रतिबन्ध लगाइएको हो ।



‘भारतको नाङ्गो हस्तक्षेपविरुद्ध भक्तपुरमा हिन्दी फिल्म, विज्ञापन गीत, टेलिभिजन सबै बन्द तथा प्रतिबन्ध गरिएको छ, आजैका दिनदेखि जिल्लालाई भारतीय चलचित्र मुक्त क्षेत्र घोषणा गरका छौं ।’ सेक्रेटरी मल्लले भने ।
यसअघि आइतबार विप्लव माओवादी देशैभरी भारतीय चलचित्र, भारतीय नम्बर प्लेटमा गाडिलाई नेपालमा प्रवेश गर्न नदिने जनाएको थियो । भने, भारतीय राजदूतावास अगाडि नारा जुलुससहित विरोध प्रदर्शन गरेको थियो ।
-दैनिक नेपालमा प्रकाशित

पोखरा: भारतबाट मालबाहक सामग्री नेपाल भित्रिन रोक लगाएपछि यस क्षेत्रमा उपभोग्य सामानको मूल्य आसिएको छ। पेट्रोल, डिजेल, खाना पकाउने ग्यासका लागि उपभोक्ता पहुँचवालालाई भनसुन गर्न थालेका छन्।

निर्यात ठप्प हुने क्रम लम्बिएर खाद्यान्न नपाइने चिन्ताले उपभोक्ताले अनावश्यक भण्डारण गर्ने प्रवृत्तिले अभाव झनै बढेको छ। निर्यात रोकिएपछि अभाव, मूल्य वृद्धि र उपभोक्ताले भोग्नु परेको सास्तीबारे पोखराबाट प्रेम नेपाली, लमजुङबाट दीपक अधिकारी, स्याङजाबाट भवानी अधिकारी, पर्वतबाट माया अधिकारी, म्याग्दीबाट गोपाल छन्त्याल, गोरखाबाट शिवप्रसाद उप्रेती र तनहुँबाट पवन पौडेलको रिपोर्ट:


'म सीडीयो बोलेको, घरमा श्रीमतीले ग्यास सकिएर खाना पकाउनै पाइन भनेकी छन्, जताबाट हुन्छ, एउटा सिलिन्डर मिलाइदिनुपर्‍यो हजुर,' उपभोक्ता मञ्च कास्कीका अध्यक्ष कपिल कोइरालासँग आइतबार बिहान कास्की घर भएका एक प्रमुख जिल्ला अधिकारीले फोनमार्फत बिन्ती बिसाए।


लमजुङ बेसीसहरको हाइस्कुलचोकमा बस्दै आएकी जमुना गुरुङ एलपी ग्यासका लागि भौतारिँदै हिडेको ६ दिन बित्यो । म्याग्दी बहुमुखी क्याम्पसमा १२ मा अध्ययनरत अनील शर्माले तीन दिनदेखि चाउचाउको भरमा रात काटिरहेका छन्। बजारभरि डुल्दा पनि ग्यास नपाएपछि उनी चाउचाउको खाएरमा पेट भर्न बाध्य भएका हुन्।

स्याङजा पुतलीबजारकी कमला आचार्य दालको भाउ सुनेपछि छाँगोबाट खसेजस्तै भइन्। केही दिनअघि एक सय ७० रुपैयाँमा किनेको अडहरको दाल अहिले दुई सय ५ रुपैयाँ पुगेको र अरू खाद्यान्नको भाउ पनि बडेको सुन्दा निराशा भइन्।

पोखरा गैह्रापाटनमा डेरामा बस्दै आएकी ५० वर्षीया राधादेवी दाल, चाम, तेलको भाउ एकाएक आकासिएको सुनेपछि सहरमा बाँच्न नसक्ने निश्कर्षमा पुगेकी छन्। दुई हजार रुपैयाँ बोकेर गएकी उनी पहिलाभन्दा कम सामान लिएर निराश हुँदै कोठामा फर्किइन्। अब उनको परिवार गाउँ फर्कने सुरमा छ।

एक सातादेखि भारतबाट मालसामान ढुवानी नहुँदा पोखरा र छिमेकी जिल्लामा विभिन्न सामग्रीको अभाव र महगीले सर्वसाधरणले सास्ती खेपेका यी केही नमुना मात्र हुन्।

सामान नपाएर भौतारिँदै हिँड्नुपर्ने, बढी मूल्य तिर्नुपर्ने बाध्यताले उपभोक्ता कसरी गुजारा गर्ने भनेर पिरोलिएका छन्। पेट्रोल नभएर सवारी साधन चलाउन नपाउँदा, ग्यास नभएर खाना पकाउन नसकेपछि टाठावाठा उपभोक्ता सामानको जोहो गर्न शक्ति र पहुँचवालालाई गुहार्न थालेका छन्।

'एक सीडीयोसापले बिहानै ग्यास मिलाई दिनुपर्‍यो, खाना पकाउन नपाएर श्रीमतीले साह्रै दुःख पाइन् भनेर अनुरोध गर्नुभयो,' उपभोक्ता संघ कास्कीका अध्यक्ष कोइरालाले भने, ‘म ग्यास बिक्रेता होइन, कहाँबाट दिऊँ भनेर सम्झाएँ।'

बजारमा चर्को अभावले उपभोक्ताले भनसुन गर्न थालेपछि व्यवसायी ‘छैन हजुर, सकियो हजुर, खै नाकाबन्दी छ कहिले खुल्छ थाहा छैन हजुर' भन्ने जवाफ दिँदै हैरान परेका छन्। 'फोन उठायो कि एउटा सिलिन्डर भए पनि दिनुपर्‍यो भन्दै मरिहत्ते गर्छन्,' एलपी ग्यास बिक्रेता संघ कास्कीका अध्यक्ष नारायणप्रसाद पौडेलले भने, ‘आफ्नै घरमा ग्यास सकिएर कता खोज्न जाऊँ भनेर तनाव भइरहेको बेला समाजका ठूलावडा भनिनेहरूले जसरी पनि देऊ भनेर दबाब दिने गरेकाले फोन नै उठाउन छाडेको छु।'

उनले पोखरा र आसपासको क्षेत्रमा दैनिक चार हजार सिलिन्डर खपत हुने र १० दिनदेखि ग्यास नआएकोले अभाव भएको बताए। 'ग्याससहित २५ वटा मालबाहक ट्रक नेपाल छिर्न लाग्दा जोगवनीमा भारतीय सुरक्षाकर्मीले दिल्लीको आदेश भन्दै रोकिदिएछन्,' उनले भने, ‘धेरै दिनदेखि आयात रोकिएकोले बजारमा ग्यास अभाव भएको हो। टाठावाठाले पाँच सातवटा सिलिन्डर भरेर लगेकाले पनि झनै समस्या भएको छ।'

यसैगरी स्याङजा, पर्वत, म्याग्दी, गोरखा, लमजुङमा पनि पेट्रोल र ग्यासको हाहाकार हुँदा सर्वसाधरणले दुःख पाएका छन्। कुस्माका शक्ति ग्यास बिक्रेता देव शर्माले नाकाबन्दीको हल्लाले ग्यास धेरै स्टक राखेको र आपूर्ति बन्द भएकोले समस्या भएको बताए।

लमजुङ बेसीसहरको प्रभु सप्लायर्सका प्रोपाइटर प्रभु प्रधानले दिनमा झण्डै सय उपभोक्ता ग्यास खोज्न आउने गरेको बताए। बेसीसहरकै न्यु आयुस स्टोर्सका प्रोपाइटर शशी रेग्मीले प्रशासनले अनुगमन गरे केही व्यापारीले लुकाएको ग्यास फेला पर्न सक्ने बताए। 'सेल्स' कम हुने पसलमा पक्कै स्टक छ', उनले भने, ‘अनुगमन गर्ने हो भने १ सय देखि २ सयसम्म ग्यास निस्कन सक्छ।'

म्याग्दीमा ग्यास नपाएकोले होटल तथा रेस्टुरेन्ट बन्द हुने अवस्थामा पुगेको म्याग्दी होटल व्यवसायी संघका अध्यक्ष गोपाल पौडेलले बताए । म्याग्दीको बेनी, गलेश्वर, तिप्ल्याङ, भुरुङ तातोपानी, दाना, सिंगा तातोपानी, बाबियाचौर, दरबाङलगायतका स्थानमा करिब २ सय होटल तथा रेस्टुरेन्ट सञ्चालनमा छन् ।
म्याग्दी, पर्वत, गोरखा, तनहुँमा पेट्रोल नपाएकोले सवारी कम चलेका छन्।

गोरखामा एउटा मात्र पेट्रोलपम्प छ । त्यसमा तीन दिनदेखि डिजेल, पेट्रोल ठप्पै छ। गत बिहीबार बेचेपछि अहिलेसम्म बेच्न नसकिएको पम्प सञ्चालक शीतलकाजी मास्केले बताए।

यातायात व्यवसायी समिति गोरखाका अनुसार बस, मिनीबस, माइक्रोबस, ट्रक गरी गोरखामा दैनिक करिब दुई सय ६० वटा गाडी चल्छन्। अब एक–दुई दिनमै सबै गाडी बन्द हुने समितिका अध्यक्ष नारायण खत्री बताउँछन्।

तनहुँको दमौलीमा पेट्रोल तथा डिजेल वितरक तीनवटै पेट्रोल पम्प बन्द छन् । इन्धनज अभावमा एम्बुलेन्स नै बन्द हुने अवस्थामा छ। तनहुँ उद्योग वाणिज्य संघ दमौली बजार इकाइको एम्बुलेन्सका चालक रमाकान्त ढुंगानाले एक पटक पोखरा जान पुग्ने डिजेल मात्र मौज्दात भएको बताए।

महगीले ढाड सेक्दै
पोखरामा गत शुक्रबार खाने तेल प्रतिकार्टुन ११ सय २० रुपैयाँ भएकोमा शनिबार १२ सय ६० र आइतबार १३ सय १० रुपैयाँ पुगेको उपभोक्ता मञ्चका अध्यक्ष कोइरालाले जानकारी दिए । रातारात व्यापारीले दाल, चामल, प्याजलगायतका खाद्यान्नमा प्रतिकिलो दश रुपैयाँदेखि ३० रुपैयाँसम्म बढाएका उनले बताए।

आयात रोकिएको बहाना बनाउँदै व्यापारीले उपभोक्ताको ढाड सेक्ने काम भएकोले राज्यले चाँडै सामानको व्यवस्था गर्नुपर्नेमा उनले जोड दिए ।स्याङ्जामा दैनिक उपभोग्य सामग्रीको अभाव र मूल्यवृद्वि भएको छ।

दाल, चामल, तेल, गेडागुडीमा ह्वातै मूल्य बढाएपछि आफूहरू मर्कामा परेको उपभोक्ताले गुनासो गरेका छन् । केही दिनअघि एक सय ७० रुपैयाँमा किनेको अडहरको दाल अहिले २ सय ५ देखि १० रुपैयाँ, चामलमा प्रतिक्विन्टल ४ सय रुपैयाँ र तेलमा प्रतिलिटर १० रुपैयाँ, चनामा प्रतिकिलो ३० रुपैयाँ मूल्य बढेको छ।

व्यवसायीले खरिद गर्दा नै मूल्य बडेर आएको भन्दै उपभोक्तासँग बढी मूल्य लिने गरेका छन् । तरकारी तथा फलफूल व्यावसायी ज्ञानेन्द्र बास्तोलाले प्याजको मूल्य १ सय ३० पुगेको र अझै बढ्ने जानकारी दिए । खाद्य किराना व्यवसायी संघ कास्कीका अध्यक्ष धनीराम बरालले आयात रोकिएको बेला भारतबाट मूल्य वृद्वि गरेर आउने र व्यापारीले अलिअलि सामान भए पनि लुकाइदिने भएकोले उपभोक्ता बढी मूल्य तिर्न बाध्य हुने गरेको बताए ।

अनुगमन गर्ने आश्वासन
बजारमा देखिएको कृत्रिम अभाव, कालोबजारीबारे सरोकारवाला निकायले अनुगमन र कारबाही गर्ने जनाएका छन्। व्यवसायीलाई आफूसँग भएका सामग्री बेच्न र नलुकाउन आग्रह गरिएको र अटेर गर्नेलाई ऐनअनुसार कारबाही उनीहरूले चेतावनी दिएका छन्।

कास्कीका सहायक प्रमुख जिल्ला अधिकारी चन्द्रनाथ गौतमले कालोबजारी गर्नेलाई कारबाही गरिने बताए। 'भएका सामान बेच्न भनेका छौं, लुकाएको पाइए अनुगमन गरेर कारबाही गर्नेछौं,' उनले भने।

उद्योग वाणीज्य संघ लमजुङका अध्यक्ष रामकुमार श्रेष्ठले आयात रोकिएको र स्थानीय व्यवसायीसँग स्टक सकिएकाले आपूर्तिमा समस्या आएको बताए। पर्वतका सहायक प्रमुख जिल्ला अधिकारी तथा बजार अनुगमन तथा निरीक्षण अधिकृत सुवास लामिछानेले समस्या समाधानका लागि पहल गर्ने बताए।
www.annapurnapost.com

काठमाडौं, असोज ११ । प्रमुख तीन दलले संविधानप्रति असन्तुष्ट देखिएका मधेस केन्द्रित दलहरुसँग वार्ता गर्न तीन सदस्यीय समिति गठन गरेका छन् ।
प्रधानमन्त्री निवास बालुवाटारमा सोमबार बसेको नेपाली कांग्रेस, नेकपा एमाले र एकीकृत माओवादीका शीर्ष नेताहरुको बैठकले तराई मधेसमा भइरहेको आन्दोलनको समीक्षा गर्दै आन्दोलनरत मधेस केन्द्रीत दलहरु वार्ता गर्न तीन सदस्यीय समिति गठन गरेका हुन् ।
समितिमा नेपाली कांग्रेसका तर्फबाट वन मन्त्री महेश आचार्य र एमालेका तर्फबाट अग्नी खरेल रहेका छन ।
एकीकृत माओवादीका तर्फबाट भने समितिमा रहने सदस्यको टुंगो लागेको छैन । बैठकपछि एमाले वरिष्ठ नेता झलनाथ खनालले आन्दोलनरत मधेसी दल तथा अन्य समूहहरुसँग छलफल गरी समितिले सहमतिको प्रयास गर्ने जानकारी दिए ।
तीन दलका शीर्ष नेताहरुको बैठकमा मधेसमा जारी आन्दोलन र भारतीय पक्षबाट भइरहेको अघोषित नाकाबन्दीलगायतका विषयमा पनि छलफल भएको थियो ।magekhabar.com