काठमाडौं, ३ मंसिर । तराई मधेस लोकतान्त्रिक पार्टीका सहअध्यक्ष एवम् संयुक्त लोकतान्त्रिक मधेसी मोर्चाका नेता हृदयश त्रिपाठीले इन्धनमा भएको कालोबजारीको कमिशनको पैसा बालुवाटारसम्म पुग्ने गरेको आरोप लगाउनुभएको छ ।

आज बिहान नेपालवाणी रेडियो नेटवर्कमा पत्रकार ऋषि धमलासँग कुरा गर्दै सहअध्यक्ष त्रिपाठीले एक ट्याङ्करबाट दश लाखसम्म बढी पैसा लिएर कालोबजारीमा तेल बिक्री हुने गरेको बताउनुभयो । ‘तेलमा गरेको कालोबजारीको पैसा बालुवाटारसम्म पुग्ने गरेको छ’, उहाँले भन्नुभयो, ‘एक ट्याङ्कर तेल ब्ल्याकमा बेचेर दश लाखसम्म कमिशन लिएको प्रमाण मैले पाएको छु ।’
सहअध्यक्ष त्रिपाठीले तेलमा भएको कालोबजारीमा नेपाल आयल निगमका कर्मचारीदेखि राजनीतिक दलका नेताहरुसम्मको मिलोमतो रहेको आरोप लगाउनुभयो ।
‘भारतबाट दैनिक रुपमा उल्लेख्य इन्धन आइरहेको छ’, उहाँले भन्नुभयो, ‘तपाईहरु आफै पनि नेपाल आएका ट्याङ्कर र ग्यासको बुलेट गनेर हिसाव गर्नुस्, ती इन्धन कहाँ वितरण गरिएको छ । आफै थाहा पाइहाल्नु हुन्छ ।’
आयल निगमका कर्मचारीहरु केही तस्करहरुसँग मिलेर नाकाबन्दीको फाइदा उठाएर करोडौ कमाउने उद्देश्यका साथ सक्रिय भएको उहाँले बताउनुभयो । ‘नेपालभित्र तेल र ग्यास छ र त ब्ल्याकमा पाइन्छ’, त्रिपाठीले प्रश्न गर्दै भन्नुभयो, ‘अभाव हुन्थ्यो भने कसरी पाइन्छ ब्ल्याकमा तेल र ग्यास ।’
‘एक ट्याङकरमा दश लाख रुपियाँसम्म बढी रकम लिइन्छ । त्यो पैसा बालुवाटारसम्म पुग्छ पैसा’, सहअध्यक्ष त्रिपाठीले भन्नुभयो, ‘यो पैसा नेताहरुलाई पनि बाडिँन्छ । तस्करी गर्न नेताहरुलाई नाका बाँडफाँट गरिएको छ ।’
सरकारले अन्तर्राष्ट्रिय समुदायलाई देखाउन आफूसँग भएको इन्धन वितरण नगरेर दाउरा बिक्री थालेको उहाँले आरोप लगाउनुभयो । सरकारले आफ्नो असक्षमता लुकाउन दाउरा बिक्री गर्न पुगेको त्रिपाठीले उल्लेख गर्नुभयो ।
नेपाल आयल निगमले भारतबाट भित्रिरहेको इन्धन पहुँचवालाहरुलाई मात्रै उपलब्ध गराउने गरेको सर्वसाधारणको आरोप छ ।
भारतीय नाकाबाट भित्रिएका इन्धन बोकेका ट्याङ्कर र ग्यासका बुलेटको सही वितरण प्रणालीमार्फत दिने हो भने अहिले देखिएको समस्या आधाभन्दा बढी कम भएर जाने जानकारहरुको भनाइ छ ।
dainiknepal भिडियो हेर्न तलको बाकस थिच्नुहोस

बर्दिवास, ३ मङ्सिर । राष्ट्रिय मधेस समाजवादी पार्टीका अध्यक्ष शरतसिंह भण्डारीले मधेस आन्दोलनले संवैधानिक निकास पाउनुपर्ने बताउनु भएको छ ।
राजनीतिक कामको सिलसिलामा गृह जिल्ला महोत्तरी आउनुभएका भण्डारीले आज बिहान जिल्लाको औरहीस्थित आफ्नै निवासमा सञ्चारकर्मीसँग कुराकानी गर्दै आफ्नो दलले संसद्बाट नै मधेस आन्दोलनले निकास पाउनुपर्ने कुरा उठाई रहे पनि सरकार भने समस्या समाधानको कुरामा बेखबर रहेको आरोप लगाउनुभयो ।
संसद्को अहिलेको संरचनामा मधेस आन्दोलनलाई संविधान संशोधन गरेर समाधान गर्न आवश्यक पर्ने दुई तिहाइको सङ्ख्या नेपाली काँग्रेस वार्तामा नआएसम्म नपुग्ने भण्डारीको भनाइ थियो । पछिल्ला वार्ताबाट काँग्रेस उम्किन खोज्नुले अब निकासका लागि आन्दोलन मात्र विकल्प रहेको भण्डारीले औँल्याउनुभयो ।
मधेस आन्दोलनको चुरो कुरा नै सीमाङ्कनसँग जोडिएकाले सरकार समर्थित दल र काँग्रेस यसमा स्पष्ट हुनैपर्ने भण्डारीको भनाइ थियो । “हामीले चुरेबिनाको मधेस कल्पना नै गर्न सक्दैनाँै भन्दै आएका छौँ”, अध्यक्ष भण्डारीले भन्नुभयो, “सरकार सीमाङ्कनका कुरामा बिरालोले मुसा खेलाए झँै आन्दोलनकारीलाई खेलाएर थकाउने रणनीतिमा देखिएको छ, यसले निकास दिँदैन ।”
मुख्य दलहरु सीमाङ्कनका कुरामा चाँडै स्पष्ट नहुने हो भने अब हुने आन्दोलनले सबै मुद्दा आरपार गर्ने अध्यक्ष भण्डारीको भनाई थियो । यद्यपि आफ्नो आन्दोलन भने शान्तिपूर्ण हुने पनि उहाँले स्पष्ट पार्नुभयो । रासस
dainiknepal

काठमाडौं, ३ मंसिर ।
१३२ जनाको ज्यान जानेगरी फ्रान्सको राजधानी पेरिसमा भएको आक्रमणपछि आंतकवादी संगठन इश्लामिक स्टेट (आईएस)ले भारतमा आक्रमणको तयारी थालेको छ ।
भारतीय सरकारी समाचार संस्था पिटिआईका अनुसार भारत सरकारले आईएसले आक्रमण गर्न सक्ने सम्भावित क्षेत्रमा सुरक्षा र निगरानी बढाएको छ । समाचार अनुसार आईएसले भारतकै १५० जना लडाकूबाटै विभिन्न सहरमा आक्रमणको तयारी थालेको दाबी गरिएको छ ।
त्यसमा दक्षिण भारतका गरिब युवा आईएसको सम्पर्कमा छन् । यस्ता युवामाथि सुरक्षा एजेन्सीहरुले कडा निगरानी गरिरहेका छन् । खुफिया एजेन्सीहरुले तयार पारेको एक रिपोर्ट अनुसार भारतका युवा आईएसतिर आकर्षित भइरहेका छन् । र उनीहरुको गतिविधि पनि निगरानीमा छ ।
is-ladaku
रिपोर्टमा भनिएको छ- यिनीहरुमध्ये धेरैजसो इन्टरनेटका माध्यमबाट आतंकवादी संगठन आईएसको सम्पर्कमा छन् । अहिलेसम्म कुल २३ भारतीय नागरिक आतंकवादी संगठनमा लागेका छन् । उनीहरु विश्वसँग लड्न इराक र सीरियामा छन् । यिनीहरुमा ६ जना मारिएका छन् । एक जना मुम्बई बस्दै आएको दाबी गरिएको छ ।
यसका अलावा ३० अन्य भारतीय नागरिकलाई पनि आईएसले प्रलोभन देखाएर आफ्नो संगठनमा लगिसकेको छ । अहिले पनि मुम्बई, तेलंगाना, कर्नाटक, कश्मीरका युवा आईएसमा संलग्न छन् । आफ्नै देशका नागरिक आर्ईएसतर्फ आकर्षित भएपछि भारतले सुरक्षा र निगरानी बढाएको हो ।
यस्तै, आईएसले भारतको झारखण्डका आतंकवादी माओवादी र कश्मीरको लश्कर ए संगठनसँग पनि सम्पर्क गरिराखेको सुरक्षा एजेन्सीको रिपोर्टमा उल्लेख गरिएको समाचारमा जनाइएको छ । यसअघि आईएसले एक भिडियो नै जारी गरेर भारतलाई आक्रमण गर्ने धम्की दिएको थियो ।
मुश्लीम अधिकार तथा राज्यका लागि लडिरहेको आईएसले अधिकार नपाएका देशमा आक्रमण गर्दै आएको छ । र दमन गर्ने देशमाथि पनि हमला गर्दै आएको छ । पछिल्लो समय भारतमा मुश्लीममाथि भेदभाव गरिएको देखिएको छ । असहिष्णूता बढेको छ । जसका कारण पनि आईएसले आक्रमण गर्न खोजेको विश्लेषकहरु बताउँछन् ।
दैनिक नेपालबाट

काठमाडौं, ३ मंसिर । बंगलादेश नेपाललाई इन्धन निर्यात गर्न सकारात्मक देखिएको छ । बंगलादेशबाट इन्धन ल्याउँदा भारतले अवरोध गर्ने सम्भावना भने कायमै छ ।
बंगलादेशबाट नेपाल आउने छोटो बाटोका नाका काकडभिट्टामा भारतले अवरोध गरिरहेको छ ।
अतिकम बिकसित मुलुकको पारवहन अधिकार दिन भारतलाई आग्रह गर्ने सरकारको तयारी रहेको कान्तिपुर दैनिकले छापेको छ ।
ढुवानी गर्दा भारतले अवरोध गरे हवाइजहाजबाट ल्याउन सकिने मन्त्री गणेशमान पुनले बताए ।
‘बंगलादेशबाट आयात गर्दा पनि बाटो भारतकै प्रयोग गर्ने हो । सडकबाट ल्याउन नपाए हवाइजहाजबाट ल्याउछौं,’ मन्त्री पुनले भने, ‘त्यसमा पनि अवरोध गरे पारवाहन अधिकार प्रयोग गर्छौं ।’
पारवाहन अधिकार अनुसार तेस्रो मुलुकबाट ढुवानी गरेको सामान भारतले रोक्न मिल्दैन । ‘सन्धी अनुसार रोक्न मिल्दैन । अवरोध गरे अर्को उपाय खोज्छौं,’ मन्त्री पुनले भने ।
मन्त्रालयका अनुसार बंगलादेशबाट मुख्यतः खाना पकाउने ग्यास ल्याउने सरकारको योजना छ ।
dainiknepal

काठमाडौं, ३ मंसिर । आज बिहान फेरि राजधानीमा भूकम्पको कडा धक्का महशुस गरिएको छ । बिहान १० बजे भूकम्पको कडा धक्का महशुस गरिएको हो । भूकम्पको धक्कापछि राजधानीमा भागाभाग भएको छ ।dainiknepalकाठमाडौं, ३ मंसिर । आज बिहान फेरि राजधानीमा भूकम्पको कडा धक्का महशुस गरिएको छ । बिहान १० बजे भूकम्पको कडा धक्का महशुस गरिएको हो । भूकम्पको धक्कापछि राजधानीमा भागाभाग भएको छ ।dainiknepal

विराटनगर, २ मङ्सिर । संविधानमा निर्धारण गरिएका क्षेत्र नं १ का भागलाई टुक्रयाउनु पाइदैन भन्दै आज विराटनगरमा नागरिक समाजको अगुवाइमा बृहत् प्रदर्शन भएको छ ।
जनआन्दोलन चोकबाट सुरु भएको सो प्रदर्शनका सहभागीले ‘संविधानमा भएको १ नं प्रदेश बचाऔँ र सामाजिक सद्भाव तथा अस्तित्वको रक्षा निम्ति एक्यबद्ध बनौँ’ भन्ने मूल नाराका साथ बजार परिक्रमा गर्दै जिल्ला प्रशासन कार्यालयमा ज्ञापनपत्र बुझाएका छन् ।
सो समाजका संयोजक राजु मास्केको नेतत्वको टोलीले जिल्ला प्रशासन कार्यालयमार्फत प्रधानमन्त्री कार्यालयमा पठाइएको सो ज्ञापनपत्रमा मोरङ र सुनसरी जिल्लालाई टुक्र्याउन नहुने र क्षेत्र नं १ लाई यथावत नै राख्नुपर्ने माग गरिएको छ ।
यी दुई जिल्लालाई टुक्र्याइएमा भौगोलिक, जातीय, भाषिक एवम् सांस्कृतिक सन्तुलनमा गम्भीर चोट पुग्नुका साथै आर्थिकलगायत समग्र विकासमा प्रतिकूल असर पर्ने सो ज्ञापनपत्रमा उल्लेख गरिएको छ ।
झापा, मोरङ, सुनसरीलाई अलग नगर्न सरकारलाई आग्रह
मधेस आन्दोलनलाई सम्बोधन गर्न पूर्वका तीन जिल्ला झापा मोरङ र सुनसरीलाई अलग नगर्न नागरिक सरोकार समाजले सरकारसँग आग्र्रह गरेको छ ।
समाजले आज काठमाडौँमा पत्रकार सम्मेलन गरी तीन जिल्ला राजनीतिक, आर्थिक, सामाजिक, सांस्कृतिक र ऐतिहासिकरुपमा अन्तरसम्बन्धित रहेकाले यसलाई नटुक्राउन आग्रह गरेको हो ।
समाजका अध्यक्ष विमल भट्टराईले वर्तमान संविधानको अनुसूचीमा भएको व्यवस्थाको विपक्षमा जाने र सम्बन्धित जिल्लाका जनताको अभिमतबिरुद्ध गरिने सहमति आफूहरुलाई मान्य नहुने बताउनुभयो । उहाँले भन्नुभयो, “हामी तीन जिल्लाको सदियौँदेखिको सम्बन्धलाई खल्बल्याउने काम भएको छ, यो हामीलाई मान्य छैन ।”
समाजका सदस्य—सचिव प्रभुप्रसाद श्रेष्ठले सम्बन्धित जिल्लाका नागरिकहरुको अभिमतबिरुद्ध चालिने कुनै पनि कदम स्वीकार्य नहुने भन्दै त्यस्तो जनभावना विपरीतको कदम नचाल्न आग्रह गर्नुभयो । रासस
dainiknepal

काठमाडौं, ३ मंसिर । राष्ट्रिय प्रजातन्त्र पार्टीभित्रको विवाद लामो समयपछि अन्त्य भएको छ । शक्ति बाँडफाँटमा सहमति भएपछि राप्रपाभित्रको नेतृतवको विवाद अन्त्य भएको हो ।
राप्रपाका सहप्रवक्ता किरण गिरीका अनुसार आज एघार बजे संयुक्त रुपमा कान्तिपथस्थित होटेल यलो पेगोडामा पत्रकार सम्मेलन गरेर पार्टीका तीन शीर्ष नेताले सहमति भएको घोषणा गर्नेछन् ।
पत्रकार सम्मेलन अध्यक्ष लोकेन्द्रबहादुर चन्द, पशुपति शम्शेर राणा र वरिष्ठ नेता डा.प्रकाशचन्द्र लोहनी सहभागी हुनुहुनेछ ।
स्रोतका अनुसार राप्रपाको अध्यक्ष लोकेन्द्रबहादुर चन्द नै बन्नु हुनेछ । सहमतिअनुसार अबको आठ महिनापछि चन्दले राप्रपाको नेतृत्व लिनुहुनेछ ।
त्यसपछि राप्रपाको अध्यक्ष डा.प्रकाशचन्द्र लोहनी बन्नु हुनेछ । लोहनीले पनि आठ महिनापछि राजीनामा दिएपछि महाधिवेशन गर्ने अधिकारसहित पुनः पशुपतिशम्शेर राणालाई अध्यक्षको जिम्मेवारी तोकिनेछ ।
dainiknepal

काठमाडौं । नेपाल ग्यासले आज राजधानीका विभिन्न २६ स्थानबाट ग्यास वितरणको तयारी गरेको छ । उसले काठमाडौंमा २ हजार ३० सिलिन्डर ग्यास वितरण गर्न लागेको हो ।
सानो भञ्याङ, जावालाखेल तथा अनामनगरस्थित डिपोबाट एक सय ४० सिलिन्डर तथा अन्य डिपोबाट ७० सिलिन्डरका दरले ग्यास वितरण गर्न लागिएको हो ।
त्यस्तै राजधानीका अन्य स्थानहरुबाट समेत ग्यास वितरण गर्न लागेपछि हरेक जासो वितरण केन्द्रहमा सर्वसाधारणको लाइन लामो लागेको छ ।
भारतले २ महिना अघिबाट गरेको नाकाबन्दी पछि ग्यास, वेट्रोलियम पदार्थ लगायथत अन्य उपभोग्य पदार्थको चरम अभाव भइरहेको छ ।
ग्यासको अभाव भएपपछिट सरकारले दाउरा बितरण समेत गरिरहेको छ ।
कहाँ कहाँ वाड्दै छ नेपाल ग्यास ?

nepalsandesh

भक्तपुर : प्रधानमन्त्री केपी शर्मा ओलीले मधेस आन्दोलन समाधानको नाममा भारतीय नाकाबन्दीसामु नझुक्ने बताएका छन् ।

नेपाल मजदुर किसान पार्टीसम्बद्ध विभिन्न पेसागत तथा जनवर्गीय संगठनहरुले बुधबार बुझाएको ज्ञापनपत्र बुझ्दै प्रधानमन्त्री ओलीले कुनै पनि राष्ट्रघाती सन्धि–सम्झौता नगर्न आफू कटिबद्ध रहेको बताएका हुन् ।

मधेसमा चालू समस्या समाधान र सङ्घीयताको पुनः सीमाङ्कनको नाममा केही दलहरु मिलेर राष्ट्र हितविपरीतका सम्झौता हुनसक्ने सम्भावनाप्रति सजग पार्दै उनीहरुले उक्त ज्ञापनपत्र बुझाएको बताएका छन् ।
उनीहरुले उच्चस्तरीय राजनीतिक संयन्त्र समितिका संयोजक पुष्पकमल दाहाल ‘प्रचण्ड’, उपप्रधान एवं परराष्ट्रमन्त्री कमल थापा, उपप्रधान एवं सहकारी तथा गरिबी निर्वारणमन्त्री चित्रबहादुर केसीलगायत उच्चस्तरीय राजनीतिक समितिमा सामेल दलका नेताहरुलाई समेत ज्ञापन पत्र बुझाएका हुन् ।

नेपाल र नेपाली जनताको स्वाभीमान, सार्वभौमिकता, स्वतन्त्रता र भूअखण्डतामा आ“च पर्ने कुनै सम्झौता वा सहमति नगर्न चेतावनीस्वरुप उक्त ज्ञापन दिएको नेपाल प्राध्यापक समाजका अध्यक्ष सरोजराज गोसाईले जानकारी दिए ।

पेसागत तथा जनवर्गीय संगठनहरुले नेपालमा विद्यमान जातीय, क्षेत्रीय एवं भाषिक सद्भाव बिथोली देशमा साम्प्रदायिकता फैलाउने र भूअखण्डतामा दख्खल पु¥याउने कुनै पनि सम्झौताले देशलाई दीर्घकालीन हित गर्न नसक्ने बताएका छन् ।

दस वटा पेसागत तथा जनवर्गीय संगठनको ज्ञापनपत्र बुझ्दै उच्चस्तरीय राजनीतिक समितिका संयोजक दाहालले मधेसी दलस“ग तत्काल निर्णायक वार्ता हुने सम्भावना नभएको बताए ।

‘भारतसँग नझुकी लड्ने स्पीरीट मेरो पनि हो । यद्यपि केही समाधान निस्कन्छ कि भन्ने खोजी हो’, प्रचण्डको भनाइ उद्धृत गर्दै गोसाईले भने, ‘तर देशको स्वाभीमान गुम्न दिनेछैनौं ।

प्रचण्डले चीन पुगेर फर्केका आपूर्तिमन्त्रीले चीनसँग पेट्रोलियम पदार्थ खरिदको लागि वातावरण बनाएर आएको र चाँडै आपूर्ति मन्त्रालय, वाणिज्य मन्त्रालय  र परराष्ट्र मन्त्रालयको संयुक्त टोली चीन गएर औपचारिक प्रक्रिया सकाउने तयारी भइरहेको जानकारी दिएका थिए ।

उनले उच्चस्तरीय राजनीतिक समितिमा छलफल नगरी मधेसी दलहरुस“ग कुनै ठोस निर्णय नगरिने प्रतिनिधिमण्डललाई जानकारी दिएका थिए ।

‘देशको सार्वभौमिकता र स्वाधीनता रक्षा तथा दीर्घकालीन हितको निम्ति कुनै पनि विदेशी शक्तिसामु आत्मसर्मपण नगरी राष्ट्रहितका अडानमा अघि बढ्नु पर्छ’, ज्ञापन पत्रमा भनिएको छ, ‘अन्तर्राष्ट्रिय कानूनअनुसार भूपरिवेष्ठित देशले पाउनुपर्ने पारवहन अधिकार विनाशर्त पाउनुपर्ने अडानमा दृढतापूर्वक रही भारतीय नाकाबन्दीविरुद्ध प्रतिरोध सङ्घर्ष तथा कूटनीतिक पहल अघि बढाइनुपर्छ ।’
annapurnapost

काठमाडौं: आन्दोलनरत मधेसी मोर्चा र सत्ता गठबन्धनबीच बुधबार बेलुका सिंहदरबारमा भएको वार्ता एक घन्टामै सकिएको छ।

प्रमुख प्रतिपक्षी कांग्रेस अनुपस्थित रहेकोले वार्तामा खासै छलफल भएन। कांग्रेससँग छलफल गरेर निर्णायक वार्ता गर्ने भन्दै बुधबारको वार्ता टुंगिएको छ। चार बजे सुरु गर्ने भनिएको वार्ता कांग्रेसलाई प्रतिक्षा गर्दा पाँच बजे मात्रै सुरु भएको थियो र छ बजे सकिएको थियो।

प्रचण्डकै पहलमा बोलाइएको वार्तामा वार्तामा मधेस आन्दोलन, संविधान संशोधन, सिमांकनलगायतका विषयमा मोर्चा, एमाले र एमाओवादीका नेताहरुबीच सामान्य छलफल भएको थियो। मधेसी मोर्चा र तीन दलबीच विभिन्न चरणमा भएको अनौपचारिक छलफल सकारात्मक रहेकोले आजको वार्ता महत्वपूर्ण हुने बताइएको थियो।

आजको वार्ता उच्चस्तरीय राजनीतिक समितिका संयोजक रहेको एमाओवादी अध्यक्ष पुष्पकमल दाहाल (प्रचण्ड) ले राखेको प्रस्तावमा केन्द्रित भएको छ।प्रचण्डले कांग्रेस नेतृत्वको सरकारले दर्ता गरेको निर्वाचन क्षेत्र निर्धारण र समानुपातिक समावेशीको प्रतिनिधित्वसम्बन्धी विधेयकलाई मधेसी मोर्चासमेतको सहमतिमा अघि बढाउने, तराईमा दुई प्रदेश रहने गरी सिमांकनको मुद्दालाई टुंगो लगाउन मधेसी मोर्चासमेतको सर्वदलीय संयन्त्र बनाउने र विवादित जिल्लाको सीमा टुंगो लगाउने जिम्मा संघीय आयोगलाई दिने प्रस्ताव अघि सारेका छन् । यो प्रस्तावमा मधेसी मोर्चा केही सकारात्मक देखिएका छन्।

निर्णयक वार्ताअघि दलहरु आन्तरिक र दुई पक्षीय छलफलमा बुधबार बिहानदेखि नै जुटेका थिए । एमाओवादीको पदाधिकारी बैठक बसेको थियो भने कांग्रेस वरिष्ठ नेताहरुबीच पनि अनौपचारिक छलफल भएको थियो। त्यसैगरी बुधबार बिहान बालुवाटारमा पनि मधेसी मोर्चासँगको वार्ताको एजेन्डा र रणनीतिबारे छलफल भएको थियो। annapurnapost

सल्यान, २ मंसिर । श्रीमती नभएको मौकामा एक पुरुषले आफ्नै छोरीसँग जबरजस्ती शारीरिक सम्पर्क राखेका छन् ।
श्रीमती माईतीघर गएका बेला आफ्नै १५ वर्षीया छोरीलाई जबरजस्ती करणी गरेको अभियोगमा शारदा नगरपालिका–१४ बस्ने ३५ वर्षीय एक पुरुषलाई बुधबार प्रहरीले पक्राउ गरेको हो ।
ती व्यक्तिले मादक पदार्थ सेवन गरी रातको समयमा डरत्रास देखाई कात्तिक ३० गते आफ्नै घरमा छोरीसँग जबरजस्ती शारीरिक सम्पर्क राखेको प्रहरीले जनाएको छ ।
छोरीबाट उक्त घटना आमाले थाहा पाएपछि प्रहरीमा खबर गरेकी थिईन् । प्रहरीले कथित बाबुलाई तीन दिनपछि पक्राउ गरेको हो । पीडित बालिकाकी आमा त्यो दिन भाइटिका लगाउन माईतीघर गएकी थिईन् ।
dainiknepal

बर्दघाट : पेट्रोल बोकेर भैरहवाबाट लमजुङतर्फ जाँदै गरेको एउटा मोटरसाइकल बुधबार दिउँसो पूर्व-पश्चिम राजमार्गमै जलेको छ ।

भैरहवाबाट ५५ लिटर पेट्रोल खरिद गरेर लमजुँङ जाँदै गरेको ग८प ५५६६ नम्बरको मोटरसाइकल पूर्व-पश्चिम राजमार्गस्थित नवलपरासीकोबर्दघाट नगरपालिका-४ बर्दघाट बजारमा

जलेको हो ।

प्रत्यक्षदर्शीहरुका अनुसार लेगार्डमा झुन्डाइएको तेल बोकेको भाँडो सडकमा घस्रिएपछि उठेको आगो मोटरसाइकलमा लागेको थियो । आगो पेट्रोलमा सल्किएपछि मोटरसाइकल जलेर ध्वस्त भएको छ ।

मोटरसाइकल चालक भने सुरक्षित रहेका छन् । मोटरसाइकल चालकले भने मालवाहक ट्रकको साइलेन्सरबाट आएको आगोको झिल्कोले पेट्रोलबाट आगलागी भएको दाबी गरेका छन् ।

भारतीय नाकाबन्दीपछि नवलपरासी, रुपन्देही र कपिलबस्तु जिल्लाका भारतीय सीमा जोडिएका गाउँमा पेट्रोलियम पदार्थको कालोबजारी हुने गरेको छ ।

कालोबजारीमा किनिएको पेट्रोलियम असुरक्षितरुपमा ओसारपसार गर्दा आगलागीका घटना हुने गरेका छन् ।
annapurnapost

बुधबार, २ मंसिर
काठमाडौं । काठमाडौंमा आन्दोलनरत मधेसी मोर्चासँग हुन लागेको भनिएको निर्णयक वार्ता सफल पार्न भन्दै दवाव दिन सीमा नाकामा धर्ना बसेका आन्दोलनरत मधेसी मोर्चाका कार्यकर्ताले नेपालगञ्जको जमुनाह नाका खुल्ला गराएसँगै ३२ ट्यांकर डिजल र एक ट्यांकर पेट्रोल भित्रिएको छ ।
मोर्चाका कार्यकर्ताले वार्ता सफल बनाउन दवाव दिन भन्दै दिउँसो २ बजेसम्म धर्ना दिएका थिए । उनीहरुको धनाृका क्रममा नाका पुर्ण रुपमा अवरुद्ध भएको थियो ।
आन्दोलनकारीले वार्ता सफल हुने आश र शुभकामना सहित नाका सुचारु गर्न भन्सार कार्यालयलाई बाटो छाडिदिएका थिए ।
उनीहरुले सरकारले बाहिर आएजस्तै लचकता अपनाए आफुहरु नाका सहज बनाउन सहयोगि भुमिका खेल्ने बताएका थिए ।
nepalsandesh

बुधबार, २ मंसिर

काठमाडौं । वर्तमान सत्ता समिकरणमा तीन सिट मात्र भएको राष्ट्रिय जनमोर्चाले उपप्रधानमन्त्री पाउँदा १२ जना सांसद भएको सत्तारुढ दल राप्रपा भने आन्तरिक विवादमा फसेका कारण सरकारमा सहभागि बन्न सकेको थिएइन ।
दुई पक्षले मन्त्री बन्ने सांसदहरुको नाम छुट्टा छुट्टै पेश गरे पछि प्रधानमन्त्री केपी शर्मा ओलीले पार्टी विवाद नमिलेसम्म मन्त्री नबनाउने अडान लिए ।
यसपछि राप्रपामा विवाद मिलाउने खेल सुरु भयो । अन्ततः पानी बाराबारको अवस्थामा पुगेका नेताहरु पुनः एक स्थानमा आइपुग्ने भएका छन् ।
सहमति अनुसार यस अघि भएको महाधिवेशनको भद्र सहमति कार्यान्वयन गर्ने उल्लेख छ । जस अनुसार पशुपतिशम्शेर राणाले केन्द्रीय समिति बैठक बोलाएर लोकेन्द्रबहादुर चन्दलाई अध्यक्ष प्रस्ताव गर्ने सहमति बनेको छ ।
त्यसपछि चन्द एक वर्ष अध्यक्ष बन्ने छन् । लगत्तै चन्दले राणालाई अध्यक्षको सिफारीस गर्ने र राणाले पुन डा. प्रकाशचन्द्र लोहनीलाई अध्यक्ष सिफारीस गर्ने र लोहनीले महाधिवेशन आयोजना गर्ने सहमति भएको छ ।
बिहीबार बिहान एकताको संयाुक्त पत्रकार सम्मेलन गरिने राप्रपाले जनाएको छ । विवाद मिलेसँगै राप्रपाको भागमा परेको दुई मन्त्रालयमा मन्त्री पठाइने छ ।
nepalsandesh

काठमाडौँ, २ मङ्सिर । राष्ट्रिय महिला आयोग तथा अन्य संवैधानिक निकायका नियुक्तिका क्रममा दलगत भागबण्डा नगरी विषयगत दक्षता हासिल गरेका विज्ञ महिलालाई चयन गर्न महिला अधिकारकर्मीले सरकारलाई आग्रह गरेका छन् ।
आज यहाँ महिला अधिकारको क्षेत्रमा काम गर्ने संस्था साथी नेपाल, फेडो नेपाल, जागरण नेपाल, एकल महिला समूह, महिला, कानुन र विकास मञ्च, बियोण्ड बेइजिङ कमिटी, सञ्चारिका समूह, होमनेट साउथ एसिया तथा मिडिया एड्भोकेसी ग्रुपले जारी गरेको विज्ञप्तिमा सो कुरा उल्लेख गरिएको हो ।
उनीहरुले महिलामैत्री संविधान जारी भएकोमा खुसी हुँदै पुनर्निर्माण प्राधिकरण गठनमा महिलाको समानुपातिक प्रतिनिधित्व अनिवार्य रहेको भन्दै यस अभियानको नेतृत्वदायी भूमिकामा महिलाको सहभागिता मुख्यरुपमा गराउन पनि सरकारसमक्ष अनुरोध गरेका छन् ।
विज्ञप्ति जारी गर्दै साथी संस्थाका अध्यक्ष बन्दना राणाले विनाशकारी भूकम्पले क्षति पु¥याएको लामो समयपछि पनि पीडितको अवस्थाप्रति चासो राख्दै पुनःनिर्माणको निम्ति प्रधानमन्त्री केपी शर्मा ओलीले आफ्नो सम्बोधनमार्फत दर्शाउनु भएको प्रतिबद्धताप्रति आफूहरु खुसी भएको जानकारी दिनुभयो ।
महिला सहभागिता गराउँदा राजनीतिक आस्थाका आधारमा भागबण्डा नगरी समस्याको गहिराईलाई बुझेका विज्ञ महिला व्यक्तित्वहरुलाई उच्च प्राथमिकता दिए मात्र महिला तथा बालबालिकाको समस्या उपयुक्त ढङ्गले सम्बोधन हुने विश्वास महिला अधिकारकर्मीहरुले लिएका छन् ।
dainiknepal

काठमाडौं । वाणिज्य तथा आपूर्ति मन्त्री गणेशमान पुन एक साता लामो चीन भ्रमण सकेर नेपाल फर्किएका छन् ।
मंगलबारराति नेपाल फर्किएका आपूर्तिमन्त्री पुनले चीनलाई नेपाल आपतकालीन अवस्थामा रहेको भन्दै तत्कालै इन्धन, खाना पकाउने ग्याँस, औषधी लगायतका सामग्री उपलब्ध गराईदिन आग्रह गरेका थिए ।
मन्त्री पुनको प्रस्तावमा चीन सकारात्मक भएको स्रोतले जनाएको छ । मन्त्री पुनले भने चीन भ्रमणका बारेमा प्रधानमन्त्रीसँग छलफल गर्ने तयारी समेत गरेको बुझिएको छ ।
उनले चीनमा रहँदा चीन सरकार र चीनको कम्युनिष्ट पार्टीका उच्च तहका अधिकारीहरुसँग छलफल गरेका थिए । चीनको पेट्रो चाइनासँग केही समय अघि इन्धन खरिदका लागि सैद्धान्तिक सहमति भइसकेको छ ।
चीनसँग भएको सहमतिअनुसार चीनले तातोपानी नाका हुँदै नेपाललाई खाना पकाउने ग्याँस, इन्धनलगायत उपलब्ध गराउँने छ । नेपाल आयल निगमलाई सम्झौताको लागि चीनले बेइजिङ बोलाइसकेको छ ।
nepalsandesh

२ मङ्सिर । पर्साको ठोरीनाकाबाट चितवनको माडीहुँदै दैनिक रुपमा एक लाख ५० हजार लिटरको हाराहारीमा इन्धन नेपाल भित्रिएको पाइएको छ ।
जसले नारायणी, धौलागिरि, गण्डकी र बाग्मती अञ्चलका विभिन्न जिल्लाको अत्यावश्यक सेवा धानेको प्रहरीको अनुमान छ । जिल्ला प्रहरी कार्यालयका प्रमुख प्रहरी उपरीक्षक वसन्तबहादुर कुँवर दैनिक रुपमा एकदेखि डेढ लाख लिटरसम्म इन्धन माडीको बाटोबाट भित्रिने गरेको प्रहरीको सर्वेक्षणले देखाएको बताउनुहुन्छ ।
“कूल इन्धनमध्ये ३० प्रतिशत पेट्रोल र ७० प्रतिशत डिजेल रहने गर्दछ” उहाँले भन्नुभयो । चितवन, मकवानपुर, धादिङ, काठमाडौँंसँगै धौलागिरि र गण्डकीका केही जिल्लामा यहीँको इन्धन पुग्ने गरेको उहाँको भनाइ छ । पर्साको ठोरीमा डिजेल प्रतिलिटर रु १५० र पेट्रोल रु १६० मा खरिद गर्ने गरेको जानकारी आएको कुँवरले बताउनुभयो । कतिपयले भारतीय पेट्रोल पम्पमै गएर इन्धन भर्ने गरेका छन् भने केहीले सीमा क्षेत्रमा सम्पर्कव्यक्तिमार्फत् इन्धन किन्दै आएका छन् ।
यसरी खरिद गरिएको इन्धन अधिकांशले आफ्नो प्रयोगको लागि खपत गर्ने गरेको भए पनि केहीले कालोबजारी गर्ने गरेको पाइएको छ । जिल्लामा पेट्रोल प्रतिलिटर रु २५० देखि रु ३०० सम्ममा बिक्री हुने गरेको छ । त्यही पेट्रोल काठमाडाँैं पुग्दा प्रतिलिटर रु ५०० सम्ममा बिक्री हुने गरेको पाइएकोे प्रहरी उपरीक्षक कुँवरले बताउनुभयो ।
सो बाटो हुँदै आउने तेल रोक्ने विषयमा छलफल गरिएको भए पनि अत्यावश्यक क्षेत्र समेत सञ्चालनका लागि कठिनाई हुने भन्दै स्थानीय दबाब बढेपछि प्रहरी प्रशासनले त्यसरी भित्रिएको इन्धनलाई अभाव टार्न भन्दै छाडेको उहाँ बताउनुहुन्छ । जसका कारण ठूलो मात्रामा राजस्वमा चुहावट हुँदै आएको छ ।
चितवनमा मात्रै सहज अवस्थामा दैनिक ४५ हजार लिटर पेट्रोल र एक लाख ८० हजार लिटर डिजेल खपत हुने गर्दछ । अहिले कुपन र पालो लगाएर सातामा एक पटक वितरण गरिंँदै आएको ६० हजार लिटर डिजेल र २४ हजार लिटर पेट्रोलसँगै माडी र नवलपरासीको त्रिवेणी नाकाबाट आउने इन्धनले बजार धानेको पेट्रोलियम डिलर्स एसोसिएसन चितवनका अध्यक्ष काशीराज पाठक बताउनुहुन्छ ।
“खेती किसानीको बेला अधिकांशले महंँगोमा ठोरी, त्रिवेणीलगायतका विभिन्न नाकाबाट इन्धन ल्याएर धानेका छन्” उहाँले भन्नुभयो । यसरी आएका इन्धनमा बढी मात्रामा मिसावट हुने हुँदा सर्वसाधारणले दुःख पाउने गरेका छन् । अर्काेतर्फ पश्चिम चितवनको गीतानगरबाट माडीको अयोध्यापुरीसम्मका धेरै घरमा इन्धन सङ्कलन गरेर राखिएकाले दुर्घटनाको जोखिम समेत बढेको प्रहरीको भनाइ छ ।
प्रहरी उपरीक्षक कुँवर इन्धन सङ्कलन नगर भन्ने अवस्था नरहेकाले सुरक्षित रुपमा राख्न आग्रह गर्नुहुन्छ । विभिन्न जिल्लामा सङ्कलन गरिएर राखिएको इन्धनकै कारण आगलागी भइरहँदा त्यस्ता घटना नहोस् भन्नका लागि जिल्लामा उच्च सतर्कता अपनाउन आग्रह गरिएको उहाँले बताउनुभयो ।
dainiknepal

काठमाडौं, २ मङ्सिर । नेपालमा बुधबार फेरि भूकम्प गएको छ ।
दार्चुलामा आज भूकम्पका धक्का महसुस गरिएको हो । दिउँसो २ः१० बजे धक्का महसुस गरिएको हो ।
भूकम्प मापन केन्द्र सुर्खेतले अनुसार दार्चुलाबाट १० किलोमिटर पश्चिम भारतमा ३ दशमलव ६ रेक्टर स्केलको भूकम्पको गएको जनाएको छ ।
यसअघि मंगलबार साँझ रसुवालाई केन्द्रविन्दु बनाएर भूकम्प गएको थियो ।
dainiknepal

लहान, २ मङ्सिर । सिरहाको दक्षिणी सीमावर्ती माडर गाउँसँग जोडिएको भारतीय जयनगर बजारमा किनमेल गरेर फर्किन लागेको समयमा मङ्गलबार अपराह्न बिजुलीको तार खसेर करेन्ट लाग्दा दुई नेपालीसहित ११ जनाको मृत्यु भएको छ ।
जिल्लाको दक्षिणी सीमावर्ती लगडी गदियानी गाविस–२ का करिब २५ वर्षीय सरोजकुमार यादवको मृत्यु भएको इलाका प्रहरी कार्यालय माडरका प्रहरी नायब निरीक्षक शङ्कर चौधरीले बताउनुभयो ।
यादवको खल्तीमा रहेको नेपाली रुपैयाँ र कागजातको आधारमा नेपाली रहेको भारतीय जयनगर प्रहरीले समेत पुष्टि गरेको प्रनानि चौधरीले उल्लेख गर्नुभयो । प्रहरीका अनुसार करेन्ट लागेर यादव चढेको मोटरसाइकलसमेत पूर्णरुपले जलेको थियो ।
एघार हजार भोल्टको विद्युत् प्रसारण लाइनको तार झरेर करेन्ट लाग्दा अर्का एक जनाको मृत्यु भएको बताइए पनि सनाखत हुन नसकेको प्रहरीले जनाएको छ । उनी सिरहाको गोलबजार क्षेत्रको हुनसक्ने आशङ्का गरिएको भएपनि पुष्टि हुन नसकेको माडर प्रहरीले जनाएको छ ।
नेपालमा मधेसी दलको आन्दोलनको कारणले लामो समयदेखि स्थानीय बजार बन्द हुँदा दैनिक उपभोग्य सामग्री महँगो भएकाले किनमेलका लागि जयनगर पुगेकामध्ये दुई जनाले ज्यान गुमाएका हुन् । किनमेल गरेर घर फर्किने तर्खर गरिरहेका बेला तार झरेपछि लागेको आगोमा जलेर १० जनाको घटनास्थलमै मृत्यु भएको र एक जनाको उपचारको क्रममा मृत्यु भएको प्रहरीले जनाएको छ ।
उक्त घटनामा अर्को मोटरसाइकल समेत जलेको छ । भारतीय प्रहरीका अनुसार विद्युतको तार खसेर भारतीय सीमावर्ती गाउँ कोरहियाका चारजना र बेलहीका चार जनाको मृत्यु भएको थियो । रासस
dainiknepal

काठमाडौं – प्रधानमन्त्री केपी शर्मा ओलीले राष्ट्रको नाममा गरेको सम्बोधनमा पहिलो पटक भारतले गरेको ‘अघोषित नाकाबन्दी’ को प्रसंग उठाएपछि भारतमा नै भारतीय प्रधानमन्त्री नरेन्द्र मोदीको आलोचना शुरु भएको छ । उनीहरुले मोदी सरकारको विदेश नीतिप्रति प्रश्न चिन्ह उठाएका हुन् ।
जनता दल युनाइडेटका राज्यसभा सदस्य केसी त्यागीले नेपाल मामिलामा मोदीको विदेश नीति पूर्णरुपमा असफल भएको आरोप लगाए । ‘नेपाल अहिले दिनानु चीन नजिक गइरहेको छ । मोदी सरकारको नेपालको हकमा विदेश नीति पूर्ण रुपमा असफल भएको छ । अहिले नेपाल त्यसको विरुद्ध उभिरहेको छ ।’ बीरगञ्जमा गत महिना भएको वीरगञ्ज घटनाबारे उल्लेख गर्दै दस्टेटमेनसँग कुरा गर्दै उनले भने, ‘इतिहासमा पहिलो पटक नेपाल प्रहरीबाट भारतीय नागरिक मारिएको छ, यो निकै दुःखद् घटना हो ।’ त्यस्तै राष्ट्रिय जनता दलका प्रवक्ता मनोज झाले पनि नेपाल नीतिको उदाहरण दिँदै मोदीको आलोचना गरेका छन् । ‘मोदीको असफल विदेश नीतिको उदाहरण भनेको नेपाल मामिला हो,’ उनले भने । ‘नेपालमा जसरी मधेशीको मुद्दा आएको छ, यसमा मोदी सरकारको रणनीति र विचारविमर्शको कमी देखिएको छ,’ झाले थपे । त्यस्तै कंग्रेस नेता रसिद अल्भीले पनि नेपाल मामिलामा मोदी असफल भएको कुरा उल्लेख गरे । ‘पछिल्ला ७० वर्षमा भारतसँग नेपालको ठूलो गुनासो थिएन । तर अहिले त्यो देखिएको छ । यो मोदीको विदेश नीतिको असफलता हो ।’ ‘प्रधानमन्त्रीले एकपटकभन्दा बढी नेपाल भ्रमण गर्नुभयो । तैपनि दुई देशबीच सम्बन्ध बिग्रिएको छ । योभन्दा अघि रहिआएको सुमधुर सम्बन्ध पनि रहेन,’ अल्भीले भने ।ratopati

काठमाडौं । पृथ्वीमा जीवन छ किनभने जीवन अनुकुल वायुमण्डल छ अनि पानी पनि छ । जीवनको लागि वायुमण्डल हुनु जरुरी छ । लामो समयदेखि मानिसले पृथ्वीबाहेक ब्रम्हाण्डका अन्य स्थानमा समेत जीवन भएको हुन सक्ने अनुमान गर्दै आएका छन् ।
१९ औं शताब्दीमा खगोलशास्त्रीहरुले पनि चन्द्रमामा बुद्धिमान प्राणीहरु हुनुपर्छ भन्ने सोच राखेका थिए । तर पछि भएका वैज्ञानिक अनुसन्धानहरुमा चन्द्रमामा बुद्धिमान प्राणी त के, कुनै पनि जीव छैन भन्ने भन्ने पत्ता लाग्यो । चन्द्रमामा वायुमण्डल नै छैन र पानी पनि छैन भन्ने प्रमाणित नै भयो । त्यति हुँदा हुँदै पनि एपोलो अन्तरिक्ष अभियानबाट चन्द्रमामा पुगी पृथ्वी फर्केका अन्तरिक्षयात्रीहरुलाई केही समयसम्म सुरक्षित क्षेत्रमा राखिएको थियो ताकि उनीहरुका साथमा अन्तरिक्षबाट कुनै खतरनाक जीवाणुहरु पनि आए नआएको निर्क्यौल गर्न सकियोस् ।
चन्द्रमामा जीवनको चिन्ह नभेटे पनि वैज्ञानिकहरु निराश भएका छैनन् । उनीहरुको पक्का विश्वास छ, ब्रम्हाण्डमा कुनै न कुनै क्षेत्रमा जीवन छ र त्यो जीवन हाम्रो जस्तो वा हाम्रोभन्दा पनि उन्नत हुन सम्भव छ । अझ वैज्ञानिकहरु त कतिसम्म विश्वास गर्छन् भने हाम्रै सौर्यमण्डलमा पनि पृथ्वीको जीवनको शुरुवातकालको जस्तो जीवन रहेको हुन सम्भव छ ।
यद्यपी अहिलेसम्म यसबारेमा कुनै ठोस प्रमाण र तथ्यहरु हासिल हुन सकेका छैनन् । सोही विश्वासको आधारमा वैज्ञानिकहरु निरन्तर रुपमा अध्ययन अनुसन्धानमा लागेका छन् । यसै क्रममा पृथ्वी बाहिर समेत जीवन हुन सक्ने एउटा सम्भाब्य स्थानको रुपमा हाम्रै सौर्यमण्डलको एक विशाल ग्रह शनिको उपग्रह टाइटन र बृहस्पतिको उपग्रह युरोपामाथि वैज्ञानिकहरुको दृष्टि परेको छ । ती मध्ये पनि बढी सम्भावनायुक्त रुपमा टाइटनलाई लिईएको छ । वैज्ञानिकहरुले टाइटनमा जीवनको सम्भावना देख्नुको प्रमुख कारण चाहिँ त्यहाँ पृथ्वीमा जीवनको शुरुवातमा रहेको जस्तो वायुमण्डल हुनु नै हो । त्यहाँ पृथ्वीमा अहिले विद्यमान रहेको जस्तो बिस्तृत र विकसित जीवनको सम्भावना न्युन छ । किनकि पृथ्वीको वर्तमान वायुमण्डल जस्तो प्रकृतिको वायुमण्डल हाल त्यहाँ विकसित भइसकेको छैन । तर वैज्ञानिकरुहरुको विश्वास छ कि पक्कै पनि टाइटनमा जीवन कुनै न कुनै रुपमा रहेको हुनुपर्छ । त्यहाँको जीवन हाम्रो पृथ्वीको जस्तो विकसित रुपमा नहुन सक्छ तर त्यहाँ ब्याक्टेरिया लगायत अति सुक्ष्म जीव जीवाणुको रुपमा जीवनको अस्तित्व पक्कै हुनुपर्छ ।
वर्तमान अवस्थामा टाइटनको वायुमण्डल पृथ्वीको हालको वायुमण्डल भन्दा नितान्त भिन्न छ । तर वैज्ञानिकहरुको विश्लेषणमा सृष्टिको प्रारम्भिक कालमा पृथ्वीमा रहेको र टाइटनको हालको वायुमण्डलको स्वरुप एकै किसिमको रहेको हुनुपर्छ । अझ पृथ्वीमा जीवको उत्पति हुँदा पनि पृथ्वी र टाइटनको वायुमण्डलमा खासै भिन्नता नरहेको वैज्ञानिकहरु बताउँछन् । टाइटनलाई सुन्तला रङको बाक्लो बादलले ढाकेको वैज्ञानिकरुहरुले बताएका छन् । यसको वायुमण्डल पृथ्वीको भन्दा दश गुना बढी बाक्लो छ । यस्तो बाक्लो वायुमण्डल भएको अहिलेसम्म थाहा भएकोमा सौर्यमण्डलभित्र यही एउटामात्र उपग्रह रहेको छ । बाक्लो सुन्तला रङको बादलले ढाकिएका कारण टाइटनको सतहमा के छ भन्ने थाहा पाउन त्यहाँ नै गई अनुसन्धान गर्नुको विकल्प छैन भन्छन् वैज्ञानिकहरु । पृथ्वीको जस्तो जीवको अस्तित्वको लागि भने टाइटन अहिले अत्यधिक चिसोको कारण अनुपयुक्त छ तर भविष्यमा यो अवस्था फेरिन पनि सक्छ भन्ने कुरामा वैज्ञानिकहरु आशावादी छन् । उनीहरुले के कुरा प्रमाणित गरिसकेका छन् भने हरेक ब्रम्हाण्डीय पिण्डहरुको निश्चित आयु हुन्छ र उर्जा सकिंदै गएपछि हरेकको अस्तित्व पनि समाप्त हुँदै जान्छ ।
हाम्रो सूर्यको पनि आयु निश्चित रहेको कुरा वैज्ञानिकहरुले पत्ता लगाइसकेका छन् । सूर्यमा रहेको उर्जा सकिंदै जाने क्रममा अरबौं वर्ष पछाडि सुर्यको आकार अहिलेको भन्दा ५० गुना ठूलो हुने र रातो तारामा परिणत हुने भविष्यवाणी वैज्ञानिहरुले गरेका छन् । उनीहरुको गणनामा त्यसबेलामा पृथ्वीको सतहको तापक्रम अति नै बढ्नेछ । जसले गर्दा यहाँको जीवको अस्तित्व नै समाप्त हुनेछ । तर ठीक त्यही समयमा नै टाइटनको तापक्रम भने जीवनका लागि अनुकुल हुनेछ । (एजेन्सी)
imagekhabar