ओलीले अर्को चुनाव नलड्न सक्ने संकेत गरे, छोटो अवधीमा ठुला कामहरु शुरुवात गर्ने ओलीको सपना
आइतबार, २२ कार्तिककाठमाण्डौं । । सबैका कुनै न कुनै सपना हुन्छन्, लक्ष्य हुन्छन् । प्रधानमन्त्री केपी ओलीले पनि आफ्ना केही सपनाहरु एक कार्यक्रममा सार्वजनिक गरेकाछन् ।
उनले शायद आफ्नो स्वास्थ्य र पार्टी भित्र अरु नेताहरु संग आफुले गरेका सम्झौताहरुलाई ख्याल गरेर अर्को चुनावमा उठ्ने ईच्छा नभएको वताएको हुन सक्दछ र चुनावमा उठ्नै परे त्यसवेला राष्ट्रपति जस्तो निश्क्रिय पार्टी जीवन विताउन पर्ने मानार्थ पदको लागि मात्र आफूलाई अहिले देखि तयार पार्न थालेको हुन सक्दछ ।
तर अहिले ओली तरवारको धारमा हिंडिरहेकाछन् र देश गम्भीर संकटमा परेको बेला कार्यकारी प्रमुख बनेकाछन् । उनले त्यस कार्यक्रमलाई उपयोग गर्दै आफूले बुनेका नेपाली सपनाहरुको सूची पेश गरेकाछन् ।
उनले अर्को वर्षको तिहारमा नेपालवाट लोडशेडिङ मुक्त गर्ने सपना सुनाएकाछन् । उनलाई यो कठिन काम हो भनेछन् सरकारका अरु मन्त्री र कर्मचारीहरुले । तर उनले भनेछन् कि कठिन काम भएकोले नै गर्नु पर्दछ । यसको अर्थ हो उनलाई यो काम कठिन छ भन्ने थाहा छ तर यो नभई नहुने र नगरी नहुने काम हो भन्ने दिलै देखि लागेको छ ।
नेपालमा धेरै मन्त्री, सचीव, विज्ञहरु र पहिलेका प्रधानमन्त्रीहरुले पनि विभिन्न मितिहरु तोकेर लोडशेडिङ अन्त्य गर्ने कुरा गरेको धेरै भैसक्यो । तर काम भएन ।
अहिले ओलीले यो काम एक वर्ष भित्र गर्ने आँट गर्नु र सपना देख्नु राम्रो हो तर उनले सबै सरकारी सत्ता संयन्त्रलाई यस महान काममा लगाएर कसरी यो सपनालाई यथार्थ विपनामा रुपान्तरण गर्नेछन् भन्ने कुरा आगामी केही महिनामा उनले यसको शुरुवात कसरी गर्छन् भन्ने कुरावाट प्रष्ट हुनेछ ।
यत्ति काम मात्र ओलीले गर्न सकेपनि उनलाई नेपाली जनताले वास्तविक जननेताको सम्मान दिनेछन् भन्ने कुरा प्रधानमन्त्री ओलीले विर्सन हुदैन ।
उनको उत्तरी नाका सबै खुलाउने सपना कार्यान्वयन भएमा नेपाल केवल भारत माथि मात्र अति निर्भर बनेको अहिलेको विषम स्थितिको अन्त हुनेछ । यसले भारत माथिको आर्थिक निर्भरता संगै राजनैतिक निर्भरता पनि घटाउनेछ । यसको शुरुवात ओलीले आँट र साहसका साथ गरेका छन् ।
यसलाई आगामी दिनमा व्यवस्थित योजना सहित सम्पन्न गर्न चीन संग बृहत व्यापारिक र पारवहन सम्झौता गर्न पर्नेछ । यो पनि असम्भव काम होइन । ओलीले यो काम गर्न सके भने उनलाई नेपाली जनताले ठुलो सम्मान अवश्य पनि दिनेछन् ।
प्रधानमन्त्री ओलीले यसपटक भनेका सडक र मेट्रो रेल निर्माण तथा विद्युतीय गाडिहरुको व्यापक प्रयोग, विद्युतीय चुलोहरुको व्यापक प्रयोग र ट्रलिवसको पुनस्थापना पनि असम्भव काम हैनन् । यी कामहरुको व्यवस्थित योजना र नीति निर्माण तथा अहिले नै शुरुवात गर्न सके ओलीको ठुलो सफलता हुनेछ ।
सबभन्दा मुख्य कुरा प्रधानमन्त्रीले कृषि तथा पशुपालनको आधुनिकीकरण र नेपालको आत्मनिर्भर औद्योगीकरणको सपना सुनाएकाछन् । यो नै देशको आत्मनिर्भर अर्थतन्त्रको विकासको लागि मुख्य कुरा हो ।
यदि ओलीले यी कामको व्यवस्थित शुरुवात आफ्नो छोटो कार्यकालमा गर्न सके वा गराउन सके भने उनी नेपाली जनता माझ वास्तविक हिरो बन्नेछन् । तर सकेनन् भने उनको पनि इतिहास विगतका प्रधानमन्त्रीहरुको जस्तै केवल सिंहदरवारमा एक थान फोटो झुण्ड्याउने मात्र हुनेछ ।
यस्तो संकटको वेला पनि जनताले दुख सहेर सरकारले केही गर्नेछ भनेर वसेकाछन् र सरकारको अपीलमा दिनरात मेहनत गर्न पनि तयार भएर वसेकाछन् । आवश्यकता यो हो कि जनता र सरकार संग भएको धनशक्ति, जनशक्ति, प्राकृतिक शक्ति सबैको व्यवस्थित प्रयोगको सरकारी योजना र त्यसको कार्यान्वयनको शुरुवात ।
www.nepalsandesh.com
0 comments
Write Down Your Responses