भारतीय हस्तक्षेपविरुद्ध लड्ने विप्लब माओवादीको घोषणा, नाकामा एक लाख युवा परिचालन गर्ने
काठमाडौ, २२ भदौ । नेत्र विक्रम चन्द नेतृत्वको नेकपा माओवादीको युवा भातृ संगठन राष्ट्रिय युवा जनस्वयम् सेवकले नाकाबन्दीमार्फत भारतले नेपाली राजनीतिमा गर्न खोजिरहेको हस्तक्षेपको विरुद्धमा देशब्यापी रुपमा भण्डाफोर अभियानको घोषणा गरेको छ ।
सो संगठनले नेपाल भारत सीमा क्षेत्रमा सीमा सुरक्षा बल गठन गरेर परिचालन गर्दै त्यसको लागि सरकारले आवश्यक ठाने ६ महिनासम्मको लागि एक लाख युवा परिचालन गर्न समेत आफू तयार रहेको स्पष्ट पारेको छ ।
त्यसैगरी औषधी र पेट्रोलियम पदार्थको आपूर्ति सहज बनाउन सरकारसँग माग गर्दै कालाबजारी, माफियातन्त्र, दलालीकरण र भ्रष्टाचार विरुद्ध कडा कार्यक्रम गर्ने घोषणा गरेको छ ।
पत्रकार सम्मेलनमा बोल्दै संगठनका अध्यक्ष झकबहादुर मल्लले भारतीय विस्तारबादको कारण मुलुक संकटमा परेको भन्दै यस्तो बेलामा त्यसका विरुद्ध लड्न आफूहरु तयार भएको बताए ।
dainiknepal
0 comments
Write Down Your Responses