जीरा, अदुवा र दालचिनीका यी फाइदाहरु
काठमाडौं । हामीले दैनिक खानामा प्रयोग गरिने सागशब्जी मात्रै होइन अन्न तथा मरमसला कत्तिको स्वास्थ्योबद्र्धक छ छैन ख्याल गर्दनौं । तर, ख्याल गर्ने र सही तरिकाले उपभोग गर्ने हो भने त्यसले औषधिको काम पनि गर्छ । आज हामीले चर्चा गर्न लागेको विषय हो – मसलामा प्रयोग गरिने जीरा, अदुवा अनि दालचिनी कत्तिको स्वास्थ्योवद्र्धक छ ? यिनीहरुमा मानव शरीरमा लाग्ने विभिन्न रोगलाई टाढै राख्ने क्षमता रहेको छ ।
जीराको सेवनले भोक नलाग्ने, पेट फुल्ने, अपच हुने, हाछ्यूँ लाग्ने समस्यालाई रोक्ने काम गर्छ । भोक नलाग्ने, पेट फुल्ने तथा अपच आदीको समाधानको लागि जीरा रामे मानिन्छ । अझ भुटेको जीरालाइ लगातार सुँघ्ने गर्नाले चिसोले गर्दा लागेको हाछ्यूँ पनि बन्द हुने गर्छ । यसले गर्भाशयको सफाइ अनि एसिडिटीलाइ पनि परै राख्न मद्दत गर्छ ।
घरमा नै सजिलै उपलब्ध हुने जीरा अलि अलि गरेर दिनमा ५–६ पटक थोरै खाने गर्नाले एसिडिटीमा कमी आउँछ ।
अदुवाको फाइदा
श्वास गन्हाउने समस्याले हिजोआज निकै जना पीडित भएका छन् । यस्तो समस्याबाट पीडित हुनुहुन्छ भने अदुवा खाने गर्नुहोस् श्वास गन्हाउने समस्याबाट छुटकरा पाउनुहोस् । साथै अदुवा खानाले हाडजोर्नीहरुमा आउने समस्या र कब्जियतबाट बचाउँछ ।
सुपको दाना २ चम्चा अनि ५ ग्राम अदुवालाइ १ ग्लास पानीमा राखेर १ चौथाइ पानी बाँकी हुने बेलासम्म उमाल्ने अनि दिनमा ३–४ पटक यस्तो पानी पिउनाले कब्जियतको समस्या कम हुने गर्छ ।
यस्तै राती सुत्ने बेला लगभग ४ ग्राम सुकेको अदुवा खाने गर्नाले जोर्नीहरुको समस्या कम हुने गर्छ ।
दालचिनीको फाइदा
जीरा, अदुवाको जस्तै दालचिनी पनि फाइदाजनक रहेको छ । यसले पिसाबको संक्रमण हुनबाट मात्रै बचाउँदैन कोलस्टोर कम गर्नमा उत्तिकै भूमिका निर्वाह गर्दछ । छाला धेरै चिलाइरहने समस्या हटाउने काम गर्ने दालचिनीको बाक्लो लेदो बनाएर निधारमा लगाउनाले चिसोको कारण टाउको दुखेको कम गर्छ ।
पिसाबमा संक्रमण देखिएको छ भने, १ गिलास मनतातो पानीमा १ चम्चा मह अनि २ चम्चा दालचिनीको धुलो मिलाएर खानाले आराम मिल्छ । यस्तै १ कप पानीमा २ ग्राम मह अनि ३ ग्राम दालचिनीको धुलो मिलाएर दिनमा ३ पटक सेवन गर्नाले कोलस्टोरमा पनि कमी आउँछ । छालाको रोगको लागि पनि दालचिनी राम्राो मानिन्छ । मह र दालचिनीको धुलो समानरुपामा मिलाएर पेस्ट बनाइ दाद तथा चिलाएको ठाँउमा लगाउनाले आराम मिल्छ ।
medianp.com
0 comments
Write Down Your Responses