बलिउडमा काम पाउन छाडेपछि नायिका मनिषा कोइराला पछिल्लो समय नेपालतिरै व्यस्त छिन् । व्यवसायी सम्राट उपाध्यायसँग बिहे गरेकी उनको सम्बन्ध एक वर्ष पनि टिक्न सकेन । पछिल्लो समय उनी एक्लो फिरन्ते जीवन बाँचिरहेकी छन् ।दृष्टि साप्ताहिकले खबर छापेको छ ।
वैशाख १२ को भूकम्पपछि नायिका कोइरालालाई सरकारले सम्मानित पद दियो, प्रधानमन्त्री राहत कोषको सद्भावना दूत बनाएर । तर, राहत जुटाउनभन्दा आफ्नो व्यक्तिगत काममै व्यस्त हुन थालेपछि धेरैले उनको खोजी गर्न थालेका छन् । बलिउडकी चर्चित नायिका भएकाले मनिषाले कम्तीमा बलिउडबाट सहयोग जुटाउने धेरैको अपेक्षा थियो । बलिउडका सबैजसो हस्तीसँग उनको दोस्ती छ । तर, मनिषाले बलिउडमा सहयोग जुटाउन कुनै प्रयास गरिनन् ।
बलिउडका नायक – नायिकाले नेपालका भूकम्पपीडितलाई सहयोग गर्ने हल्ला चलाए, तर सहयोग गरेनन् । अमिताभ बच्चनले जम्मा ११ लाख रुपैयाँ सहयोग गरेका थिए । सलमान खानले सहयोग गर्ने हल्ला चलाएर पछि सहयोग नगर्ने बताएका थिए । अरु कुनै पनि बलिउड कलाकारले नेपालको दुःखप्रति सद्भाव दर्साएनन् । सद्भावदूत मनिषाले पनि कुनै पहल गरिनन् ।

काठमाडौं, ५ साउन । आजकाल प्रविधि र इन्टरनेटको जमाना छ । सामाजिक सञ्जाल पनि थुप्रै छन् ।
जसमा अहिले सबै ठाउँमा प्रयोग हुने सामाजिक सञ्जाल भनेको फेसबुक हो । फेसबुकले एक अर्कासँग निरन्तर सम्पर्क गराउने गरिरहन्छ । जसका कारण आजकालका युवायुवतीमा फेसबुकले नै घनिष्ट सम्बन्ध बनाईदिन्छ ।
फेसबुकबाटै चिनजान, प्रेम र विहे सम्म भएका उदाहरण छन् । यी त भए सकारात्मक पक्ष । फेसबुकले सम्पर्क गराउने काम छ गरेको नै छ तर धेरै जिन्दगी विर्गाने काम पनि गरेको छ ।
फेसबुककै कारण दुबईमा एक महिलाको चरित्र हत्या भएको छ । फेसबुकमा बंगालादेशका नागरिकसँग इण्डोनेसियन महिलाको चिनजान भयो । त्यही चिनजानबाट उनीहरु यती घनिष्ट भए कि शारीरिक सम्पर्क पनि राख्न थाले ।
उनीहरुले लगभग एक महिनाजती यो सम्बन्धलाई कायम राखे । तर, त्यसपछि २८ बर्षिय बंगलादेशी नागरिक एम टीले ती इण्डोनेसियन महिलाको तस्वीर फेसबुक मार्फत राखेर यौनकर्मी महिलाको रुपमा चिनाउन थाले ।
दुबईको गल्फ न्यूजका अनुसार फेसबुक मार्फत नै चिनाजान भएकी ती महिलालाई उनले तीन हजार दिराममा बेच्न खोजेका थिए । दुबई अदालतले ती व्यक्तिलाई मानव तस्करी गरेको, यौन दुव्र्यवहार गरेको तथा ती महिलालाई यौन व्यवसायमा लगाउन खोेजेको ठहर गर्दै पाँच वर्षको जेल सजायँ सुनाएको छ । पीडित महिलालाई घर इण्डोनेसिया फर्काइएको छ ।
ती महिला दुबर्ईमा घरेलु कामदारका रुपमा कार्यरत थिईन् । अदालतद्धारा दोषी ठहर भएका ति व्यक्तिलाई ति महिलासँग यौन सम्वन्ध राखेको र यूएईमा भिषा अवधिभन्दा बढीसमयसम्म बसेको समेत अभियोग लागेको छ ।
dainiknepal.com

काठमाडौं: सुनको भाउ अन्तर्राष्ट्रिय बजारमा विगत पाँच वर्षयताकै सस्तो भएको छ। विश्व बजारमा भाउ घटेकाले यसको प्रत्यक्ष प्रभाव नेपाली बजारमा पनि पर्नेछ। सोमबार सरकारी विदा दिइएकाले नेपालको बजारमा नयाँ भाउ कायम भने गरिएको छैन।

चीनले सुनको मौज्यात घटाएपछि बजारमा आपूर्ति बढ्न गई भाउमा गिरावट आएको अन्तर्राष्ट्रिय सञ्चारमाध्यमले जनाएका छन्। यसैगरी, अमेरिकी डलर मजबुत बन्दै जाँदा सुनको भाउमा नकारात्मक असर पर्नुको अर्को मुख्य कारण देखिएको छ।


अन्तर्राष्ट्रिय बजारमा सोमबार प्रतिऔंस सुनको मूल्य एक हजार ७२ अमेरिकी डलरसम्म आइपुगेको छ। नयाँ बजेटमार्फत सरकारले भन्सार दर कम गरेकाले पनि स्थानीय बजारमा सुनको भाउ थप घट्न सक्ने सुन व्यवसायीले बताएका छन्।

नेपाली बजारमा सुनको भाउ प्रतितोला ४९ हजार पाँच सय रुपैयाँ आइपुगेको छ। विगत लामो समयदेखि नेपाली बजारमा सुनको भाउ ५० हजारदेखि ५२ हजार हाराहारीमा कारोबार हुँदै आएको छ।
www.annapurnapost.com

काठमाडौं, ५ साउन । नेपालमा मंगलबार भूकम्पको धक्का महसुस गरिएको छ ।
आज विहान दोलखालाई केन्द्रविन्दु बनाएर गएको भूकम्पको धक्का आसपासका क्षेत्रमा समेत महसुस गरिएको राष्ट्रिय भूकम्प मापन केन्द्रले जनाएको छ ।
दोलखालाई केन्द्रविन्दु बनाएर गएको भूकम्पको धक्का ४ दशमलब ३ रेक्टर स्केलको हो । केन्द्रका अनुसार आज विहान ८ बजेर ९ मिनेट जाँदा धक्का महसुस गरिएको थियो ।
केन्द्रअनुसार वैशाख १२ गतेको विनाशकारी भूकम्पपछि चार रेक्टरमाथि ४ सय धक्का महसुस गरिएका छन् । यसअघि शुक्रबार दोलखालाई केन्द्रविन्दु बनाएर भूकम्पको धक्का महसुस गरिएको थियो ।
dainiknepal.com

काठमाण्डु, ५ साउन– भाडाको आमाबाट सन्तान जन्माउने पद्धति(सेसोगेसी मदर)लाई वैद्यता दिन सरकारले तयारी गरेको छ । सेरोगेसी मदर कार्यक्रमलाई स्वीकृति दिँदा दुरुपयोग बढ्ने भन्दै सरोकारवालाहरुले विरोध जनाउँदै आएका छन् ।
काठमाण्डुका केही निजी अस्पतालले अवैध रुपमा सेरोगेसी सेवा दिइरहेको समाचार सार्वजनिक भएपछि मन्त्रिपरिषदले २ असोजको बैठकले कार्यविधि बनाएर त्यस्लाई व्यवस्थित गर्न स्वास्थ्य तथा जनसंख्या मन्त्रालयलाई निर्देशन दिएको थियो । तर, मन्त्रालयलेल कार्यविधि बनाउनुको सट्टा केही दिनअघि मात्रै सेवा दिने अस्पतालहरुका लागि मापदण्ड तयार गरेको छ ।
स्वास्थ्य मन्त्रालले बनाएको मापदण्डअनुसार सेरोगेसी सेवा लिने आमाबाबु र कोख भाडामा दिने महिला (सेरोगेट मदर)समेत विदेशी हुनुपर्ने र उनीहरुले सम्बन्धीत संस्थाहरुको मापदण्डअनुसार दस्तु तिरेपछि सेवा लिन पाउनेछन् ।
–नयाँ पत्रिकाबाट


भिडियो हेर्न तल क्लिक गर्नुहोस :

पुरातन हिन्दु मान्यता अनुसार चाण्क्य लाई महान् विद्वान मानिन्छ । उनले दिएका विचारहरुलाई हाम्रो संस्कारमा चाण्क्य नीतिका रुपमा मान्ने चलन रहिआएको छ ।धर्म र कूटनीतिको पाठ पढाउने आचार्य चाणक्यले विवाहको विषयमा पनि आफ्नो विचार संसारसामू प्रस्तुत गरेका छन् । चाण्क्यले दिएको उपदेशमा विवाह जीवनको एक महत्वपूर्ण अंग हो भनिएको छ ।विवाहपछि नै श्रीमान्–श्रीमती र उनको परिवारको जीवन परिवर्तन हुने गर्दछ । त्यसकारण विवाह गर्ने व्यक्तिसँग सावधानी राखिन्छ । आजको समयमा पुरुषहरु विवाहका लागि राम्रा महिलाहरुलाई छान्ने गर्दछन् । राम्रा महिलाहरु नै सर्वगुण सम्पन्न हुन्छन् भन्ने होइन ।त्यसकारण कस्तो प्रकारका महिलासँग विवाह गर्नुपर्छ भन्ने विषयमा चाण्क्यले आफ्ना केही धारणाहरु प्रस्तुत गरेका छन् ।
उच्चकुल अथवा संस्कारी परिवारमा जन्म लिएका कन्याहरु समझदार हुन्छन् त्यसकारण यस्तो परिवारमा जन्मिएका महिलाहरु नराम्रा भएपनि उनीहरुसँग विवाह गर्नुपर्छ भन्ने चाण्क्यको मान्यता । किनभने कन्याको गुणले नै परिवारलाई अगाडि बढाउँछ भन्ने उनको आधार थियो ।विवाहका लागि पुरुषले महिलाको बाहिरी आवरण हेर्न नुहने चाणक्य नीतिमा उल्लेख छ । यसको सट्टा महिलाको मनको सुन्दरता र संस्कार हेर्नुपर्छ । यदि कुनै सुन्दर कन्या संस्कारी, धार्मिक र चरित्र ठिक छैन भने उनीसँग कुनै पनि परिस्थितीमा विवाह गर्नुहुँदैन ।

विवाह सधैं समान कुलमा शुभ मानिन्छ । चाण्क्यले यो नीति पुरुषमा पनि ठिक यही प्रकारले लागू गरेका छन्। जुन पुरुषहरुमा यस्ता अवगुण छन् त्यस्ता पुरुषहरुसँग महिलाले विवाह गर्नुहुन्न ।चाण्क्यले कुल र परिवारको अवस्था नमील्ने महिलासँष् झुक्कीएर पनि विवाह गर्न नहुने उल्लेख गरेका छन् । यस्तो हुँदा अहंकार र आवेश बढ्ने र परिवार धरापमा पर्ने उनको उपदेशमा उल्लेख छ । नेपलसन्देश डटकम बाट साभार गरिएको । भिडियो हेर्न तलको बाकस थिच्नुहोस

आज वि.सं. २०७२ श्रावण ०५ गते मङ्गलबार तदनुसार ई. सं. २०१५ जुलाई २१ तारिख
आषाढ शुक्ल पञ्चमी, उत्तराफाल्गुनी नक्षत्र, सिंह राशिको चन्द्रमा, परिघ योग, बालब करण
आजको मूहुर्त : रुद्राभिषेक(रुद्रीपूजा),
भोलिको मूहुर्त : रुद्राभिषेक(रुद्रीपूजा), अग्निवास(होमादि), शिलान्यास(जग राख्ने), वस्त्राभरण(गुन्युचोलो), पुराणश्रवण,
आजको राशिफल
मेष (चु, चे, चो, ला, लि, लु, ले, लो, अ) –
बौद्धिक र चिन्तनमूलक काममा दिन गएको पत्तो पाउनुहुन्न । छोराछोरीबाट सन्तोष प्राप्त हुनेछ । इष्टमित्रले प्रशंसा गर्नेछन् । बेलुका तर्क, बहस र वादविवादको स्थिति सिर्जना हुन सक्छ, तर विजय प्राप्त हुनेछ । झैझगडा, किचलो र विवादमा सामञ्जस्यका लागि तपाईंको अहम् भूमिका रहने छ । आजका लागि शुभअङ्क ६ र शुभरङ्ग सेतो हो भने कुनै शुभकर्म गर्नु पूर्व वा यात्रामा जानु अघि आज ॐ गुरवे नमः यस मन्त्रको कम्तीमा २४ पटक जप गरी आरम्भ गर्दा लाभ प्राप्त हुनेछ ।

बृष (इ, उ, ए, ओ, बा, बि, बु, बे, बो) –
आजबाट पारिवारिक वातावरणमा सुधार आउने छ । पैसाको मामिलामा खासै फरक पर्ने देखिन्न । ज्ञान, बुद्धि र विवेकलाई प्रयोग गर्न सके लाभ हुनेछ । लेखन, प्रकाशन र ज्ञानगुनका क्षेत्रमा सक्रियता बढ्ने छ । बौद्धिक र सृजनात्मक काममा सफलता मिल्नेछ । समाजमा तपाईंको बुद्धिको प्रशंसा हुनेछ । आजका लागि शुभअङ्क २ र शुभरङ्ग सेतो वा घिउरङ्ग हो भने कुनै शुभकर्म गर्नु पूर्व वा यात्रामा जानु अघि आज ॐ नमः शिवाय यस मन्त्रको कम्तीमा २१ पटक जप गरी आरम्भ गर्दा लाभ प्राप्त हुनेछ ।

मिथुन (का, कि, कु, घ, ङ, छ, के, को, ह) –
दिनको सुरुवातमा सामाजिक र परोपकारका क्षेत्र केही समय व्यतीत हुनसक्छ । तर दिउँसोबाट असहज परिस्थिति सिर्जना हुनेछ । खर्च वृद्धि हुने समय छ । बन्दव्यापारमा भनेजस्तो सफलता प्राप्त हुँदैन । प्रेम र प्रणयसम्बन्धमा तिक्तता आउनसक्छ । मातापिता वा घरका ज्येष्ठसदस्यको स्वास्थ्यमा  समस्या देखापर्न सक्छ । आजका लागि शुभअङ्क ९ र शुभरङ्ग छिर्केमिर्के बुट्टे हो भने कुनै शुभकर्म गर्नु पूर्व वा यात्रामा जानु अघि आज ॐ कें केतवे नमः यस मन्त्रको कम्तीमा ७ पटक जप गरी आरम्भ गर्दा लाभ प्राप्त हुनेछ ।

कर्कट (हि, हु, हे, हो, डा, डि, डु, डे, डो) –
व्यवहारिक कठिनाइको सामना भए पनि घरपरिवारका समस्या हल गर्ने वातावरण प्राप्त हुनेछ । मेवामिष्ठान्न आदि खाने वातावरण मिल्नेछ । मानप्रतिष्ठा र सामाजिक मर्यादामा अभिवृद्धि हुनेछ । विशिष्ट व्यक्तिको सहयोग र सल्लाहले महत्वपूर्ण कार्य सम्पन्न हुनेछ । परोपकार र दानपुण्यका क्षेत्रमा मन जानेछ । आजका लागि शुभअङ्क ५ र शुभरङ्ग पहेंलो हो भने कुनै शुभकर्म गर्नु पूर्व वा यात्रामा जानु अघि आज ॐ बृं बृहस्पतये नमः यस मन्त्रको कम्तीमा १९ पटक जप गरी आरम्भ गर्दा लाभ प्राप्त हुनेछ ।

सिंह (मा, मि, मु, मे, मो, टा, टि, टु, टे) –
पारिवारिक समस्या र उल्झनमा समय दिनु पर्नेछ । आर्थिक पक्ष सबल छैन, यद्यपि केही लाभमूलक काम बन्नेछन् । गरेका काम ढिलो गरी सम्पन्न हुनेछन् । विभिन्न सामाग्री किनमेल गर्दा महँगोमा पर्न सकिन्छ, आजका लागि थाती राख्नु बेस हुनेछ । नातागोताभित्रका विपरीतलिङ्गी सदस्यहरूको काम र समस्यामा रुमल्लिनु पर्नेछ । आजका लागि शुभअङ्क ४ र शुभरङ्ग हरियो हो भने कुनै शुभकर्म गर्नु पूर्व वा यात्रामा जानु अघि आज ॐ बुं बुधाय नमः यस मन्त्रको कम्तीमा ८ पटक जप गरी आरम्भ गर्दा लाभ प्राप्त हुनेछ ।

कन्या (टो, प, पि, पु, ष, ण, ठ, पे, पो) –
मनमा देखिएका निराशा र खिन्नताको समाप्ति हुनेछ । दुःखसुख, आयव्यय, सफलता–असफलता उस्तैउस्तै होला । सोचे अनुसार विभिन्न ठाउँको यात्रा पनि हुनसक्छ । नयाँ व्यापार वा व्यवसायतर्फ मन आकर्षित हुनेछ । आफूले ताकेअनुरूप तुरुन्त काम नबने पनि अन्त्यमा सफलता प्राप्त गर्नु हुनेछ । आजका लागि शुभअङ्क ८ र शुभरङ्ग ध्वाँसे हो भने कुनै शुभकर्म गर्नु पूर्व वा यात्रामा जानु अघि आज ॐ रां राहवे नमः यस मन्त्रको कम्तीमा १८ पटक जप गरी आरम्भ गर्दा लाभ प्राप्त हुनेछ ।

तुला (र, रि, रु, रे, रो, ता, ति, तु, ते) –
मिश्रित प्रभाव प्राप्त हुने भए पनि आजको दिन सकारात्मक छैन । दिउँसो शत्रुपक्षका अनिष्ट व्यवहारको सन्देश प्राप्त हुने देखिन्छ । प्रतिशोधको भावना त्याग्नु राम्रो हुनेछ । कृषिजन्य व्यवसायमा गरिएको मिहिनेतबाट लाभ प्राप्त हुन नसक्दा दिक्क लाग्न सक्छ । सानातिना कामको झमेला आउनसक्छ । आजका लागि शुभअङ्क ९ र शुभरङ्ग हलुका रातो वा पहेंलो हो भने कुनै शुभकर्म गर्नु पूर्व वा यात्रामा जानु अघि आज ॐ कुलदेवताभ्यो नमः यस मन्त्रको कम्तीमा १९ पटक जप गरी आरम्भ गर्दा लाभ प्राप्त हुनेछ ।

बृश्चिक (तो, ना, नि, नु, ने, नो, या, यि, यु) –
सामाजिक क्षेत्रमा मानसम्मान र प्रतिष्ठामा प्राप्ति हुने सम्भावना छ, तर आफ्नै क्रियाकलापले नकारात्मक असर पर्न सक्छ । तपाईंले गर्नु भएको बाचा पूरा गर्न सङ्घर्ष गर्नुपर्छ । जोखिम हुने काममा हात नहाल्नु राम्रो हुन्छ । मातापिताको आशीर्वादले काम गर्छ, त्यसैले मान्यजनको इच्छा र चाहनालाई बेवास्ता गर्नुहुँदैन । आजका लागि शुभअङ्क ५ र शुभरङ्ग बैजनी वा पहेंलो हो भने कुनै शुभकर्म गर्नु पूर्व वा यात्रामा जानु अघि आज ॐ नमो भगवते वासुदेवाय यस मन्त्रको कम्तीमा ९ पटक जप गरी आरम्भ गर्दा लाभ प्राप्त हुनेछ ।

धनु (ये, यो, भ, भि, भु, ध, फा, ढ, भे) –
सामाजिक कामबाट प्रशंसा प्राप्त हुनेछ । वैदेशिक क्षेत्रमा काम गर्ने वा घरपरिवारबाट टाढा बस्नेका लागि राम्रो दिन छ । व्यापार गर्नेले सोचेजस्तै लाभ लिन सक्नेछन् । कर्मचारीले विवादमा रुमल्लिनु परे पनि विजय आफ्र्न पक्षमा रहने छ । परोपकार वा समाजसेवा गर्दा भाग्य चम्किने कर्मसिद्धिको समय छ । आजका लागि शुभअङ्क ७ र शुभरङ्ग नीलो हो भने कुनै शुभकर्म गर्नु पूर्व वा यात्रामा जानु अघि आज ॐ मृत्युञ्जयाय नमः यस मन्त्रको कम्तीमा २३ पटक जप गरी आरम्भ गर्दा लाभ प्राप्त हुनेछ ।

मकर (भो, ज, जि, खि, खु, खे, खो, गा, गि) –
आजको दिन मिश्रित फलदायी रहेको छ । उतारचढाव आएपनि व्यापारबाट राम्रै नाफा मिल्नेछ । दाम्पत्य जीवनमा उतारचढाव आउने भएकाले व्यवहारमा संयमता अपनाउनु बेस हुनेछ । गरेका प्रयासमा भाग्यले साथ दिनेछ, साँझपख अचानक हर्षित हुने समाचार मिल्नेछ, परोपकारी काममा खट्नु पर्नेछ । आजका लागि शुभअङ्क ३ र शुभरङ्ग सिन्दुरे रातो हो भने कुनै शुभकर्म गर्नु पूर्व वा यात्रामा जानु अघि आज ॐ हं हनुमते नमः यस मन्त्रको कम्तीमा २३ पटक जप गरी आरम्भ गर्दा लाभ प्राप्त हुनेछ ।

कुम्भ (गु, गे, गो, सा, सि, सु, से, सो, द) –
प्रत्येक काममा बाधाअडचन आउने र ढिलो गरी कार्यसम्पादन हुने दिन छ । आफूले भनेको कुराले विपरीत अर्थ प्रदान गर्न सक्छ । मित्र वा नातेदारले अपमानित तुल्याउन सक्छ । सामाजिक र परोपकारका मार्गमा अवरोध हुनेछ । प्रतिष्ठा प्राप्तिका लागि संघर्ष गर्नुपर्छ । स्वास्थ्यक्षेत्रमा समेत राम्रो छैन । आजका लागि शुभअङ्क १ र शुभरङ्ग कलेजी हो भने कुनै शुभकर्म गर्नु पूर्व वा यात्रामा जानु अघि आज ॐ घृणि सूर्याय नमः यस मन्त्रको कम्तीमा ७ पटक जप गरी आरम्भ गर्दा लाभ प्राप्त हुनेछ ।

मीन (दि, दु, थ, झ, ञ, दे, दो, च, चि) –
दिउँसोसम्म आनन्द र खुसीको वातावरण प्राप्त हुनेछ । त्यसपछि गरेका काममा ढिलोमात्र सफलता प्राप्त हुनेछ । बेलुकीपख मन आनन्दप्राप्तिका लागि आकर्षित बन्नेछ र विलासिताका भावनाहरू जागृत हुनेछन् । कुनै खुसीको खबर प्राप्त हुने सम्भावना छ । मावली वा आमाको आशीर्वाद प्राप्त हुनेछ । आजका लागि शुभअङ्क ६ र शुभरङ्ग सेतो हो भने कुनै शुभकर्म गर्नु पूर्व वा यात्रामा जानु अघि आज ॐ सरस्वत्यै नमः यस मन्त्रको कम्तीमा ११ पटक जप गरी आरम्भ गर्दा लाभ प्राप्त हुनेछ । (