E Dainik Nepali Khabar

काठमाण्डु, २१ जेठ– गत १२ वैशाखमा गएको भूकम्प र त्यसयता पटकपटक आएको पराकम्पनबीच सबैका परिवार एकै ठाउँमा जम्मा भएर बसे ।
वर्षौंसम्म बोलचाल बन्द भएकाहरुको सम्बन्ध भूकम्पपछि नवीकरण भयो । तर, यति ठूलो विपत्तिका बेलासमेत पत्नि हिमानीले वास्ता नगरेपछि पूर्वयुवराज पारस साह तनावमा छन् । तवान मात्र होइन, पासरको मुटुको व्यवासमेत बल्झिएको छ ।

पारसले अहिले नियमित रुपमा नर्भिक अस्पतालमा मुटुको स्वास्थ्य परीक्षण गराउँदै आएका छन् । यसअघि हृयदघात भइसकेका पारसले ‘खानपानमा ख्याल गर्न’ चिकित्सकले दिएको सझुाव नमान्दा समस्या बल्झिएको हो । हिमानी भूकम्पपीडितका लागि राहत वितरण गर्न प्रभावित जिल्लाहरुमा पुगिन् ।
तर नन्द प्रेरणाको छाउनीस्थित घरमा रहेका पति पारसलाई भेट्न गएकी छैनन् । थाइल्याण्डले भिसा थप्न नमानेपछि दुई महिनाअघि नेपाल आएका पारस चण्डौलस्थित कुण्डलिनी रिसोर्टको सुधार गृहमा थिए । भूकम्पले उक्त भवन कोल्टिएपछि पारस बहिनीको घरमा बस्न थालेका हुन् ।
यसबीचमा छोरा छोरीले फुपुको घर पुगेर बाबुलाई भेटे । आफन्तको साथ लागेर उनीहरु कहिलेकाहीं पारस भेट्न जाने गरेका छन् । तर, पासरले पटकपटक आउन खबरपठाए पनि हिमानीले टेरेकी छैनन् । थाइल्याण्डबाट फर्केपछि पारस निर्मल निवास जान खोजेका थिए ।
तर दुव्र्यसनीमा फसेका छोरालाई घरमा राख्दा राजतन्त्र पुनस्र्थापनाको अभियानमा धक्का लाग्ने ठानेर ज्ञानेन्द्रले निर्मल निवासको ढोका बन्द गरिदिए । विपतका बेलासमेत परिवारको माया नपाएपछि पारस थप बिरिक्तिएको श्रोतले जनायो ।
ज्ञानेन्द्र पुत्री प्रेरणा र ज्वाईं राजबहादुृर सिंहले पारस–हिमानी सम्बन्ध सुधारको प्रयास जारी राखेका छन् । यद्यपि ज्ञानेन्द्र स्वयंले छोराबुहारीको सम्बन्ध सुधार्न चासो दिएका छैनन् ।
पारस बैंककबाट फर्केको केही दिनमै ज्ञानेन्द्र हिमानीलाई लिएर उपचारका लागि दिल्ली उडेका थिए । दिल्लीमा झण्डै एक महिना बिताएर उनी नेपाल फर्केका हुन् ।
kathmandutoday.com

काठमाडौं, २१ जेठ । महाभूकम्पपछिका परकम्पहरु पातलिएका छन् । छिटफुट आइरहेका साना धक्काले पनि सर्वसाधारण आतंकित हुने क्रम बढेको छ । वैशाख १२ गतेअघिका भूकम्प कमै थाहा पाउने सर्वसाधारण अहिले साना धक्काबाट समेत तर्सिरहेका छन् ।

तर, विगत दश वर्षमा नेपाल केन्द्र बिन्दु भएर गएका भूकम्पको तथ्यांक हेर्दा लाग्छ – साना चारदेखि ६ रेक्टर स्केलसम्मका भूकम्प वैशाख १२ अघि पनि हरेक महिना गइरहेकै थिए । यो भूकम्प वैशाख १२ गते पछि मात्रै जान थालेका होइनन्, वर्सौदेखि निरन्तर गइरहेका छन् ।
१० वर्षमा चार रेक्टर स्केलभन्दा माथिका मात्रै एक सय १ सय ८० वटा भूकम्प गइसकेका छन् । वैशाख १२ गतेको महाभूकम्पअघिका ११ दिनमा मात्रै चारवटा भूकम्प गइसकेका थिए । सर्वसाधारणबीच यसको कुनै चासो र चर्चै भएन ।
तीमध्ये एउटा ५.१ रेक्टर स्केलको थियो भने बाँकी ४ भन्दा बढीका थिए । त्यस्तै सन २०१४ भरिमा ११ वटा भूकम्प गए । आजको अन्नपूर्ण पोष्ट दैनिकमा खबर छ ।

काठमाडौं, जेष्ठ २१ - ‘उनी भान्सामा मेरै लागि केही परिकार बनाउँदै थिइन्। मचाहिँ आफ्नो रुममा थिएँ।

अचानक सामानहरू काम्न थाले। बिस्तारै भुइँ नै पिङझैं मच्चिन लाग्यो। अनि चाल पाएँ, धर्तीमाता पो हल्लिएकी रहिछन्।

‘भान्सामा परिकार बनाउँदै गरेकी पत्नी (मधु) को समेत ख्याल नगरी भागेर बाहिर खुला चौरमा पुगेछु। केही बेरमै मधु बच्चाजस्तै चिच्याउँदै बाहिर आइपुगिन्। पृथ्वीको भुइँचालो त एकैछिनमा गइहाल्यो तर पत्नीको भुइँचालो भने सुरु भयो। र, अहिलेसम्म पनि जारी छ।

‘नबोलाई भाग्ने? एक चोटि त सम्झिनुपर्छ नि?’ अभिनेता राजेश हमाल २९ गतेको भूकम्पपछि पत्नी मधुबाट यो गुनासो प्राय: सुनिरहेका हुन्छन्। राजेश दोस्रो भूकम्प आएका बेला नेपालमै थिए। त्यो पनि आफ्नै घरमा। धर्ती हल्लिन थालेपछि पत्नी मधुको पनि याद गर्न भ्याएनन उनले। उनको ठाउँमा अरू पुरुष या महिला हुन्थे भने पनि उस्तै हुन्थ्यो होला। ‘विपत्मा सबैभन्दा आफ्नै ध्यान हँुदो रहेछ,’ राजेशले खुलेर हाँस्दै भने, ‘यसको अर्थ उनको माया लाग्दैन भन्ने होइन नि।’

उसबेला यो घटना जति गम्भीर थियो, अहिले उति रमाइलो बनेको छ उनलाई। उनी र पत्नी मधु यिनै प्रसंग उठ्दा मज्जाले हाँस्ने पनि गर्छन्। ‘बितेका कुरा भुल्नुपर्छ र नयाँ बाटो पहिल्याउनुपर्छ,’ राजेश बुधबार वनस्थली ढुंगेधारास्थित कोरोना स्कुलमा अनुभवसँगै आत्मबल बढाउन बालबालिकालाई प्रेरणा दिँदै थिए।

उनले बाल्यकालदेखि भूकम्पको बारेमा सुनेको भए पनि प्रत्यक्ष अनुभव भने गर्न पाएका थिएनन्। वैशाख १२ गते विदेशमै थिए। २९ गते चाहिँ सामाखुसीस्थत घरमै राजेशले भूकम्पको राम्रै महसुस गरे। उनी यसबाट डराएका छैनन्, बरु जीवनकै पहिलो अनुभवका रूपमा स्विकारेका छन्। प्राकृतिक प्रकोपबाट नडराई सुरक्षा अपनाउनुपर्ने उनले बताए। ‘जब मान्छे सुरक्षित हुन्छ अनि जस्तोसुकै प्रकोपमा पनि इन्टरटेन्ट गर्न सकिन्छ,’ राजेशले भने, ‘पाठ सिकौं आफ्नो सुरक्षा आफैं गरौं।’

पत्नी मधु अहिले पनि पीडाबाट निस्किन नसकेको उनले बताए। जति बेला पनि आयो र हल्लियो भन्ने बानी नै भइसक्यो उनलाई। त्यही डरले गर्दा ‘तपाईं एक्लै छाडेर भाग्ने है मलाई’ भन्दै मधुले प्रसंग कोट्याउँदा राजेश मुस्कुराएर मौन जावफ दिने गर्छन्। राजेशले बुधबार नै कोरोना स्कुलको निर्माणको शिलान्यास पनि गरे।

जिरो फ्लोर प्रोजेक्ट अन्तर्गत एकतले कक्षाकोठाहरू बनाउन लागिएको कोरोना स्कुलका निर्देशक रञ्जनराज सुवेदीले बताए। स्कुल भवन भत्किएको वा चर्किएको छैन। तर, आगामी प्रकोपको रिक्स लिन नसकेर जिरो फ्लोर स्कुल निर्माण गर्न थालिएको सुवेदीले सुनाए।

‘शिक्षक, विद्यार्थी र अभिभावकको मनोभाव बुझेर यसो गर्न लागेका हौं,’ उनले भने, ‘त्रासमा बस्दा पढाइ डिस्टर्व हुन्छ।’ सुवेदीका अनुसार, एक महिनाभित्रमा करिब ४ रोपनी जग्गामा तीन ब्लगका ३० कोठा निर्माण गरिनेछन्। राजेश मंगलबार भने बिहान बौद्धनाथ स्तुपामा थिए, शान्तिका लागि दीप बाल्दै।www.ekantipur.com

काठमाडौं, जेठ २१ । विभिन्न ठाउँमा निर्माण गरिएका सयौं वर्ष पुरनाना चैत्यभित्र के होला ? सबैमा उत्सुकता हुन्छ तर त्यो रहस्यमै रहन्छ ।

वैशाख १२ को भूकम्पले भने स्वयम्भू क्षेत्रको मंगलद्धार चैत्यको रहस्य खोलिदिएको छ । भूकम्प गएको केही सेकेन्डमै भत्किएको स्वयम्भू महाचैत्यको दक्षिण–पश्चिमको मंगलद्धार चैत्य (तिब्बती भाषामा टासी गोर्मा) मा नयाँ तथ्य भेटिएको छ ।

विभिन्न कालखण्डमा गरी तीन पटकसम्म लेयर थपिएर निर्मित यो चैत्यभित्र धातुको बक्समा मान्छेको अस्तु भेटिएको पुरातत्व विभागका अधिकृत देवेन्द्र भट्टराईले बताए ।

सामान्य रुपमा ठूला धर्मगुरु (सिद्धपुरुष) को मृत्युपछि उनीहरुको अस्तु राखेर यस्ता चैत्य निर्माण गर्ने प्रचलन छ ।

‘भगवान बुद्धले पनि आफ्नो अस्तु राखेर यस्तै चैत्य बनाउन लगाएको इतिहासमा पढ्न पाइन्छ,’ उनले थपे,‘त्यस्तै स्वरुपमा कुनै सिद्धपुरुषको अस्तु भेटिएको छ ।’ आजको नागरिक दैनिकमा खबर छ ।

मृत्युको बिचार सबैका लागि निकै भयानक हुने गर्दछ । मानिसहरुको अन्तिम यथार्थ भनेको मृत्यु नै हो । जो जन्मन्छ उसको मृत्यु निश्चित छ । मृत्युको बारेमा सबैभन्दा तनावपूर्ण कुरा भनेको मृत्यु पछि के हुन्छ भन्ने विषय हो । यहि कारणहरुले गर्दा मानिसहरु मृत्युदेखि निकै डराउने गर्दछन् । तर यसो भन्दैमा मृत्युमाथि विजय पाउन सकिँदैन । मृत्यु कसैलाई पनि खबर नगरी आउँछ र जब तपाईंको मृत्यु हुन्छ, तपाईंलाई यसको बारेमा थाहा नै हुँदैन । तर हिन्दु धर्मग्रन्थहरुमा यस्ता थुप्रै संकेतहरुलाई सूचिबद्ध गरिएका छन् जसबाट मृत्युले ढोका ढक्ढकाइरहेको बारेमा थाहा हुन्छ ।

मृत्युको संकेतहरुको प्रथम उल्लेख शिव पुरााणमा पाइन्छ । शिव पुराणका अनुसार एकपटक देवी पार्वतीले भगवान शिवसँग कसैको मृत्यु हुँदै छ भन्ने कुरा कसरी थाहा पाउन सकिन्छ भनेर प्रश्न गरिन् । उनको प्रश्नको उत्तर दिँदै भगवान शिवले मृत्युका १० संकेतहरुको बारेमा बताएका छन् ।

१. मृत्युको संकेत नम्बर १
जब छालाको रङ पहेँलो अथाव सेतो हुन्छ जसमा हल्का रातो रङ देखिन्छ भने उक्त व्यक्तिको मृत्यु अघिल्लो ६ महिनामा हुनेछ ।
२. मृत्युको संकेत नम्बर २
जब व्यक्तिले आफ्नो प्रतिबिम्ब ऐना अथाव पानीमा देख्न छाड्छ उक्त व्यक्तिको मृत्यु ६ महिनाभित्र हुने बताइएको छ ।
३. मृत्युको संकेत नम्बर ३
जब कुनै व्यक्तिले सबै कुरा कालो देख्न थाल्छ यो संकेतलाई व्यक्तिको मृत्यु नजिक भइरहेको भन्ने बुझ्नुपर्छ ।
४. मृत्युको संकेत नम्बर ४
यदि व्यक्तिको बाँया हात एक हप्तासम्म लगातार फर्फराइरहेको छ भने यसको अर्थ उक्त व्यक्ति एक महिनाको पाहुना भन्ने बुझिन्छ ।
५. मृत्युको संकेत नम्बर ५
यदि कोही व्यक्तिको संवेदनशील अंग ढुङ्गाजस्ता कठोर हुने गरेको छ भने उक्त व्यक्ति ६ महिनाभित्र मर्दैछ भन्ने संकेत हो ।
६. मृत्युको संकेत नम्बर ६
जब कोही व्यक्तिले चन्द्र, सूर्य र आगोबाट निस्कने प्रकाश देख्न छाड्छ भने उसको मृत्यु निकट छ ।
७. मृत्युको संकेत नम्बर ७
यदि कुनै व्यक्तिको जिब्रो अचानक सुन्निन थाल्यो भने पनि त्यस्ता व्यक्तिहरु केहि दिनका लागि मात्र जीवित हुने बताइएको छ ।
८. मृत्युको संकेत नम्बर ८
यदि मानिसले आकाशमा ध्रुव तारा देख्न छाडेमा यसको अर्थ उक्त व्यक्तिको मृत्यु अघिल्लो ६ महिनामा हुने बताइएको छ ।
९. मृत्युको संकेत नम्बर ९
जब कुनै व्यक्तिले सूर्य, चन्द्र र आकाशलाई रातो देख्न थाल्छ भने उक्त व्यक्तिको मृत्यु चाँडै नै हुने बताइएको छ ।
१०. मृत्युको संकेत नम्बर १०
जब कसैले सपनामा उल्लु अथवा खाली वा नष्ट भएको गाउँ देख्छ भने उसको मृत्यु निकट छ भन्ने बुझ्नुपर्छ । (एजेन्सी)

Home