शनिबार, २६ भदौ
काठमाडौ । चुरेभावर राष्ट्रिय एकता पार्टीका अध्यक्षसहित करिब आधा दर्जन पदाधिकारीहरु सवारी दुर्घटनामा परि भम्भिर घाईते भएका छन ।
सर्लाहीमा आयोजित सभालाई सम्बोधन गर्न काठमाडौबाट त्यतातर्फ जाने क्रममा शनिवार दिउँसो बर्दिबासमा उनीहरु सवार ना ३ च २६२३ नम्बरको बोलेरो जिप सडक भन्दा दुई सय मिटर परसम्म गुल्टीदै दुर्घटनाग्रस्त भएको थियो ।
घटनामा अध्यक्ष बद्रीप्रसाद न्यौपाने सामान्य घाईते भएका छन भने सहअध्यक्ष कृष्णगोपाल श्रेष्ठको खुट्टा भाँचिएको छ ।
त्यस्तै प्रवक्ता केदार प्रसाद निरौलाको हात, सर्लाही जिल्ला अध्यक्ष तुलसीप्रसाद हुमागाईको हात भाच्चिएको छ भने चाल बिमल विक सख्त घाईते भएका छन । उनीहरु बर्दिवासको जनसेवा अस्पतालमा उपचार भईरहेको छ ।
www.nepalsandesh.com

जोसो सिटी,  जापानको राजधानी टोकियोबाट उत्तरतर्फ पर्ने जोसो नगरमा बाढीका कारण जनधनको ठूलो क्षति पु¥याएपछि जापानी प्रधानमन्त्री सिन्जो आबे सो प्रभावित क्षेत्रको भ्रमणमा पुग्नुभएको समाचार छ ।

उनी शनिबार बिहान सो क्षेत्रमा पुगेकोराजधानी टोकियोबाट प्राप्त समाचारमा जनाइएको छ । सो बाढीका कारण कम्तीमा पनि तीन जनाको ज्यान गएको छ भने अरु कयौँ व्यक्ति हराइरहेका छन् ।
उक्त नगरको किनुगावा नदीमा पानीको मात्रा बढ्दै गएपछि सरकारले ठूलो सङ्ख्याका उद्वारकर्मी खटाएको छ । १ दर्जनभन्दा बढी नागरिक अझैपनि हराइरहेको बताइएको छ ।

उक्त नगरका ६५ हजार जना व्यक्ति त्यहाँबट बिस्थापित भएका छन् । उनीहरुलाई अन्यत्रै सारिएको छ भने उक्त क्षेत्रमा बाढीको थप खतरा रहेको भन्दै सतर्कता अपनाइएको छ ।

बाढीका कारण उक्त नगरमा पूर्ण रुपमा क्षति पुगेको छ भने अरु पनि कयौँ संरचनाहरु ध्वस्त भएका छन् । उक्त नगरको पुनर्निर्माणको आवश्यकता रहेको स्थानीयहरुले जनाएका छन् ।

उनीहरुले आफूहरुले जीवनमा यस्तो विपत्ती कहिल्यै पनि नदेखेको जनाएका छन् । यस्तो बाढी सो क्षेत्रमा यसअघि कहिल्यै पनि नआएको उनीहरुको अनुभव छ ।

शुक्रबारबाट भने सो क्षेत्रमा पानीको मात्रा घट्दै गएको समाचारमा जनाइएको छ ।
टोकियोमा भूकम्प

यसैबीच अर्को एक समाचारअनुसार जापानको राजधानी टोकियोमा एउटा सानो भूकम्पको धक्का महसुश भएको समाचार छ । शनिबार बिहान टोकियोमा ५।४ रेक्टर स्केलको भूकम्प आएको हो । तर भूकम्पबाट त्यस्तो कुनै क्षति पुगेको विवरण तत्कालका लागि नआएको टोकियो अग्नि नियन्त्रण विभागका एकजना अधिकारीले जनाएका छन् ।

उनका अनुसार सो भूकम्पबाट ११ जना घाइते भएका प्रारम्भिक एक सूचनामा जनाइएको छ । भूकम्पको धक्काले टोकियोका घरहरु निकै हल्लाएको स्थानीय नागरिकले जनाएका छन् ।

www.ratopati.com

हेटौंडाः बहुमूल्य बुद्धिष्ट पत्थर लुटेर काठमाडौंबाट फरार ५ जना विदेशी नागरिकलाई प्रहरीले मकवानपुरको भीमफेदीबाट पक्राउ गरेको छ ।

पक्राउ पर्नेमा तीन जना नेपालीमूलका भारतीय र भुटानी रहेका छन् भने दुई भारतीय नागरिक रहेको प्रहरीले बताएको छ ।

सि माला भनिने प्राचीन बहुमूल्य बुद्धिष्ट पत्थर लुटपाट गरी काठमाडौंको बौद्धबाट फरार ५ जनालाई मकवानपुरको भीमफेदीबाट पक्राउ गरिएको जिल्ला प्रहरी कार्यालय मकवानपुरले जनाएको छ ।

काठमाडौंबाट हेटौंडा आउँदै गरेको ना१ज ३५०७ टाटासुमोमा सवार रहेको अवस्थामा शुक्रबार साँझ पक्राउ गरिएको प्रहरीले बताएको छ ।

उनीहरु ५ जनालाई शनिबार थप अनुसन्धानका लागि अपराध महाशाखामा पठाइएको प्रहरीले बताएको छ ।

महानगरीय अपराध महाशाखा टेकुले जिप्रका मकवानपुरसँग समन्वय गरेपछि टाटा सुमोमा हेटौंडा आउँदै गरेका ५ जना लुटेरालाई भीमफेदीबाट पक्राउ गरिएको मकवानपुरका प्रहरी प्रबक्ता डीएस्पी शिशु शर्माले बताए ।

सि माला पत्थर एउटैलाई अन्तर्राष्ट्रिय बजार १८ हजार डलर भन्दा बढी पर्ने बताइएको छ ।

भुटानको फुन्टसोलिङका ३५ वर्षीय डी दोर्जे लामा, भारतको पश्चिम बंगालको जोगाउँ बस्ने ३२ वर्षीय छिरिङ लामा, पश्चिम बंगालको जलपाइगुढी बस्ने ३० वर्षीय सरोज गुरुङ, ३८ वर्षीय अहिर अली र सिलगुढी प्रधाननगरका ३१ वर्षीय असिद सैबो पक्राउ परेको प्रहरी प्रबक्ता शर्माले बताए ।

उनीहरुको साथबाट २४ थान सि माला बरामद गरिएको प्रवक्ता शर्माले बताए । भीमफेदी ईप्रका प्रमुख प्रहरी निरीक्षक अशोककुमार झाको टोलीले भीमफेदीबाट पक्राउ गरी आवश्यक काठमाडौं पठाइएको प्रवक्ता शर्माले बताए ।

सक्कली पत्थर सि माला एउटैको करोडौं मूल्य पर्ने बुझिएको प्रहरी प्रवक्ता डीएसपी शर्माले बताए । अपराध महाशाखाले नै यस बिषयमा अनुसन्धान गरिरहेको छ ।annapurnapost.com

एजेन्सी । भारतीय प्रधानमन्त्री नरेन्द्र मोदीको गृहनगर गुजरातमा एक अनौठो घटना सार्वजनिक भएको छ ।
गुजरातको जेतपुरमा चितामा राखिएको शवले मलामी गएका एक मानिसको हातको औला समातेको घटना सार्वजनिक भएको हो । यो घटनाले मसानघाटमा हलचल मच्चिएको छ ।
आधा जति मलामी भागेका थिए ।
भारतीय सञ्चारमाध्यमले जनाएअनुसार जेतपुरमा बस्दै आएका २५ वर्षीय पुरुष देवेन्द्र पंड्या मुटुरोगी थिए । धेरै ठाउँमा उपचार गराउने क्रममा बुधवार विहान उनको मृत्यु भयो । डाक्टरले उनलाई मृत घोषित गरे ।
death-bodyत्यसपछि अस्पतालबाट उनको शवलाई अन्तिम संस्कारका लागि अपराह्न जेतपुर मसान घाट लगियो । जहां चितामाथि राखिएको देवेन्दको शवले नजिकै रहेका आफ्ना साथीको हातको औला समाते । यो दृश्यलाई देखेर त्यहाँ उभिएका मलामीको होसै उड्यो । त्यसपछि मलामीहरुले तत्कालै मसान घाटमा डाक्टरलाई बोलाए । डाक्टर आएको १० मिनेटपछि देवेन्द्रको मुटुको चाल आफै बन्द भयो । त्यसपछि उनलाई मृत घोषित गरियो ।
डाक्टरका अनुसार मसान घाटसम्म पुग्दा देवेन्द्र जिउँदै थिए । ती डाक्टरले उनलाई १० मिनेटको चेकजांचमा मुटुको धड्कन विस्तारै चलिरहेको पाएका थिए । डाक्टरले मृत घोषित गरेपछि शवको अन्तिम संस्कार गरियो । यो घटना अहिले चर्चाको विषय बनेको छ ।
dainiknepal.com

एजेन्सी । काम सिलसिलामा बाहिर गएका एक पुरुषले मध्यराति घर फर्किदा आफ्नी श्रीमतीलाई यस्तो अवस्थामा फेला पारेकी जो उनले कल्पना पनि गरेका थिएनन् ।
मध्यराति उनी आउँदा उनकी श्रीमती खाटमा पल्टिएकी थिईन् । जब उनले श्रीमतीलाई आवाज दिए तब बोलिनन्, त्यसपछि हल्लाएर हात समाते तब उनलाई थाहा भयो श्रीमतीले आत्महत्या गरेकी रहेछिन् ।
जयपुर माणक चौक थाना क्षेत्रमा १९ वर्षीय शिल्पादास नामकी विवाहित महिलाले फाँसी लगाएर आत्महत्या गरेकी हुन् । करिब एक वर्ष पहिला उनको विवाह विद्युतदास नामका युवकसँग भएको थियो । विद्युतदास जौहरी बजारका जागिरे हुन् ।
श्रीमतीलाई मृत अवस्थामा भेटेपछि उनको होशै उडेको छ । श्रीमतीलाई मृत भट्टाएपछि उनले तत्कालै पुलिसलाई खबर गरेका थिए । पुलिसले शिल्पादासको शवलाई पोस्टमार्टमका लागि अस्पताल पठाएको छ । आत्महत्याको कारण खुल्न सकेको छैन् । घटनाको गम्भीर अनुसन्धानमा प्रहरी लागेको छ । उता विद्युतदास पत्नि वियोगमा छन्
dainiknepal.com

काठमाडौं : संविधानसभाको चौथो शक्तिको रुपमा रहेको राप्रपा नेपाल संविधान निर्माणको बाँकी प्रक्रियामा सहभागी हुने भएको छ।

राप्रपा नेपालको केन्द्रिय समितिको शनिबार बसेको बैठकले यस्तो निर्णय गरेको हो। अध्यक्ष कमल थापाले संविधान निर्माण प्रक्रियामा सहभागी हुने भन्दै राखेको प्रस्ताव सर्वसम्मतिले पारित गरेको जानकारी राप्रपा नेपालका सहप्रवक्ता मोहन श्रेष्ठले जानकारी दिएका छन् ।


श्रेष्ठले भने, राप्रपा नेपाल प्रजातन्त्रको मुल्य र मान्यता अनुसार विधि र प्रकृयाबाट अघि बढ्छ,आफ्नो एजेन्डा रक्षाका लागि अन्तिमसम्म संविधानसभालाई उपयोग गर्छ।'


राप्रपाले आफ्ना एजेन्डालाई सुरक्षित राख्दै संविधान निर्माण प्रक्रियामा बाधक नबन्ने निश्कर्ष निकालेको हो । केही दिन अघि मात्र राप्रपा नेपालले आफ्ना मुद्दा र मागलाई तीन दलले सम्बोधन नगरेको आरोप लगाउँदै प्रक्रियाबाट बाहिरिने निर्णय गरेको थियो ।

तीन दलले राप्रपालाई औपचारिक रुपमा पत्रचार गरेर प्रक्रियामा सहभागी हुन अनुरोध गरेका थिए। राप्रपा नेपालको नेतृत्व र तीन दलबीच वार्ता पनि भएको थियो । राप्रपा नेपालले सुरुदेखि नै हिन्दु राज्य कायम हुनुपर्ने र राजसंस्था संविधानमा उल्लेख गर्नुपर्ने माग राख्दै आएको छ।

चौथो शक्तिका रुपमा रहेको राप्रपा नेपालको यो निर्णयले प्रकियाबाट बाहिर रहेका अन्य दल र पक्षहरुलाई संविधान निर्माणमा सहभागी हुन सकारात्मक दबाब पुगेको छ।

annapurnapost.com

काठमाडौं, २६ भदौ । एकीकृत नेकपा माओवादी वरिष्ठ नेता डा बाबुराम भट्टराईले संविधान निर्माणमा हतारो नगर्न शीर्ष नेतृत्वलाई आग्रह गरेका छन् । उनले आन्दोलनमा रहेका मधेसी नेताहरुलाई पनि आफ्नो अडान त्यागेर वार्तामा आउन आग्रह गरेका छन् ।
शीर्ष नेताहरु तर्फ संकेत गर्दै बाबुरामले चेतावनीको भाषामा सामाजिक सञ्जाल फेसबुकमा लेखेका छन्-‘खासगरी पूर्वदेखि पश्चिमसम्मको तराईर मधेसमा झण्डै एक महिनादेखि असन्तुष्टि र विग्रहको ज्वालामुखी पुत्पुताइरहेको र दिनहुँ मान्छेको ज्यान गुमेर स्थिति विष्फोटक बन्दै गएको अवस्थामा त्यसलाई सम्बोधन नगरी अघि बढ्ने हठ कसैले गर्नुहुँदैन ।’
यस्तो बाबुरामको भनाई :
सुगौली-सन्धीको यो २०० औं बर्ष हो! आजको २४ घण्टाले पुर्खाले आर्जित गरेको र हामीले २०० बर्षसम्म भोग्दै आएको मातृभूमि नेपालको अखण्डता युगयुगसम्म जोगाउन सक्छौं कि सक्दैनौं भन्ने कुराको शायद फैसला गर्नेछ!
‘नेपाल’ भनेको हिमाल, पहाड, तराईमा वसोवास गर्ने विविध वर्ग/जाति/लिंग/भाषा/धर्म/संस्कृति/पेशाका जनताको अनेकता वीचको एकताको सामुहिक अभिव्यक्ति/पहिचान हो। एउटा जाति/क्षेत्र/समुदायले मात्र आफुलाई ‘नेपाली’ र अरुलाई अनेपाली ठान्ने प्रवृत्तिले अखण्ड नेपाल कायम राख्न सक्दैन!
नेपाल मात्र अखण्ड हो र त्यसभित्रका अरु सबै इलाका संघीय ढाँचामा पुनर्संरचना हुनसक्छन् भन्ने विर्सेर वा वुझ पचाएर पुरानो राज्यले बनाएको आफ्नो चुनावी क्षेत्र/ जिल्ला/अंचल/विकास क्षेत्रलाई ‘अखण्ड’ राख्ने हठले पुर्खाले छोडेर गएको नेपालको अखण्डता धरापमा पर्दैछ!
सार्वभौम संविधानसभाले संघीय लोकतान्त्रिक गणतन्त्र नेपालको नयाँ संविधान छिटो जारी गर्नुपर्छ र कुनै पनि वहानामा यो संसदलाई असफल पार्ने दुष्प्रयत्नलाई परास्त गर्नैपर्छ ! यसमा कुनै विवाद छैन र हुनुहुँदैन !
तर देशको अखण्डतामाथि आउन सक्ने अनिष्ठ रोक्न र धेरै भन्दा धेरै राजनीतिक शक्ति र समुदायको स्वामित्व/अपनत्व रहेको संविधान निर्माण गर्न २/४ दिन अघिपछि हुन्छ भने त्यसलाई कसैले पनि प्रतिष्ठाको विषय बनाइनुहुन्न!
खाशगरी पूर्वदेखि पश्चिमसम्मको तराई/ मधेसमा झण्डै एक महिनादेखि असन्तुष्टि र विग्रहको ज्वालामुखी पुत्पुताइरहेको र दिनहुँ मान्छेको ज्यान गुमेर स्थिति विष्फोटक बन्दै गएको अवस्थामा त्यसलाई संवोधन नगरी अघि बढ्ने हठ कसैले गर्नुहुँदैन ! राजनीतिक समस्यालाई फौजी दमनले हल गरेको इतिहास कतै छैन !
त्यसैले आजै वार्तामा बस्ने वातावरण बनाऊँ! संवाद बाटै समाधान खोजौं! देशको अखण्डतालाई धरापमा नपारौं! २/४ दिन ढिलोछिटोले कुनै आकाश खस्दैन!!
dainiknepal.com