E Dainik Nepali Khabar

काठमाडौँ, २ भदौ । अनिमेष हत्या काण्डको छानविन गर्न गृहमन्त्री बामदेव गौतमले लिखित आदेश दिएपछि हत्या अभियुक्त छोरा आयुषलाई बचाउन नेपाल प्रहरीका आईजीपी उपेन्द्रकान्त अर्यालले प्रधानमन्त्री सुशील कोइरालाको सहारा लिएका छन् । प्रधानमन्त्रीको आडमा गृहमन्त्री बामदेव गौतमसँग जुहारी खेल्दै आएका आइजीपी अर्यालले हत्या अभियुक्त छोरामाथी छानविन प्रक्रिया रोक्न पनि कोइरालाकै सहारा लिएका छन् ।

मृतक अनिमेषका बाबु आमाले छानविनको माग गर्दै गृहमन्त्री गौतमसंग आग्रह गरेका थिए । पीडित परिवारको गुनासो सुन्दै गृहमन्त्री गौतमले आइजीपी पुत्र आयुषबिरुद्ध जाहेरी लिन र छानविन प्रक्रिया अघि बढाउन मध्यमाञ्चल प्रहरी प्रमुखलाई लिखित आदेश दिएका थिए । आइजीपीलाई जानकारी नै नगरी गृहमन्त्रीले मध्यमाञ्चल प्रहरी प्रमुखलाई आदेश दिएपछि दुई साताअघि अर्याल प्रधानमन्त्री कोइरालाको सरकारी निवास बालुवाटार पुगेका थिए । ‘मलाई गृहमन्त्रीले सास्ती दिन थाल्नु भयो, नभएको दोष लगाएर मेरो परिवारलाई बद्नाम गराउँदै हुनुहुन्छ हजुर’, प्रधानमन्त्री कोइरालासँग आइजीपी अर्यालले भने ‘प्रहरीले उजुरी लिएर छानविन पनि गरिसक्यो तर पनि मलाई बद्नाम गर्न गृहमन्त्रीज्यूले पीडित परिवारलाई उचाल्दै हुनुहुन्छ ।’
अर्यालको आग्रहपछि प्रधानमन्त्री कोइरालाले छानविन भइसकेको बिषयलाई फेरी नदोहरयाउन मध्यमाञ्चल प्रहरी प्रमुखका नाममा अर्काे निर्दशन जारी गरेका छन् । प्रधानमन्त्री कोइरालाले छानविन भइ किनारा लागि सकेको बिषयलाई फेरी नउठाउन र त्यसबाट थप झण्झट नवाउन निर्देशनमा उल्लेख गरेका छन् ।
प्रधानमन्त्रीको निर्देशन पछि थप बलियो बनेका आइजीपी अर्यालले सार्वजनिकरुपमै आफु निकटका डीआइजीहरु परिचालित गरि गृहमन्त्रीबिरुद्ध बोल्न समेत लगाएका छन् । केही दिनअघि भएको एक प्रहरी कार्यक्रममा आइजीपी अर्यालबाट परिचालित डीआईजी नवराज सिलवालले गृहमन्त्रीको आलोचना गरे । ‘तपाईका कारण हाम्रो शिर झुकेको छ गृहमन्त्रीज्यू’ भन्दै आक्रोस समेत पोखेका थिए । नेपाल प्रहरीको अधिकार कटौति गरी सशस्त्र प्रहरीलाई दिएको भन्दै डीआइजी सिलवालले गृहमन्त्रीको आलोचना गरेका थिए । यसअघि गृहमन्त्रीले एक प्रहरी कार्यक्रममा दिएको अभिब्यक्तिलाई रेकर्ड गरी आइजीपी अर्यालले प्रधानमन्त्री कोइरालासँग पठाएका थिए । जसमा आइजीपीले आफुलाई प्रहरीबाटै डर लाग्ने गरेको अभिब्यक्ति दिएका थिए । भिडियो हेर्न तलको बाकस थिच्नुहोस

August 19, 2015
दानदास श्रेष्ठ
तीक्ष्ण बुद्धिका धनी युवराज दीपेन्द्र मुलुकमा शाहवंशीय पहिलो विद्यावारिधि (डा.) पदवीले सुसज्जित हुन करिब ६ महिना मात्रै बाँकी थियो, बीचैमा संसारभर सनसनी फैलिने गरी नेपालमा दरबार हत्याकाण्ड भयो । युवराजले पाउने डा.पदवीलाई कुन स्थानमा राख्ने भनेर पंक्तिकार पनि घोत्लिएको थियो । डा.श्री ५ युवराजधिराज दीपेन्द्र भन्ने कि श्री ५ युवराजधिराज डा.दीपेन्द्र भन्ने कि, श्री ५ डा.युवराजधिराज दीपेन्द्र भन्ने वा श्री ५ युवराजधिराज दीपेन्द्र वीरविक्रम शाहदेव (डा.) भन्ने अनेक विकल्प थिए ।

चारवटा विकल्प महाराजधिराज (वीरेन्द्र) लाई नजर लगाउन ठीक पारिएको थियो । त्रिभुवन विश्वविद्यालयअन्तर्गत नै भूगोल विषयमा विद्यावारिधिको अध्ययनको रफ्तार जारी थियो । युवराज दीपेन्द्रको विद्यावारिधिका लागि शोधनिर्देशनमा खटिनुभएका प्राडा बालकुमार केसीको नेतृत्वमा टिम नै खडा थियो । प्राडा. मंगलसिद्धि मानन्धर, प्रा.नन्दगोपाल रञ्जितलगायतका गुरुहरुबाट युवराज दीपेन्द्रको विद्यावारिधि पढाई चालू थियो । उहाँहरु दरबारमै पढाउनुहुन्थ्यो ।
युवराजको पढाई, जाँगर, गहिरो, जिज्ञासा, भित्री पिँधसम्म पुगेर उत्तर खोज्ने बानी, विलक्षणताप्रति सारा गुरु नतमस्तक बन्नुहुन्थ्यो । राजाको छोरा भएर मात्र होइन व्यक्तिगत रुपमा तीक्ष्ण प्रतिभाका धनी भएकैले परीक्षामा हरेकपटक टपर हुने दीपेन्द्रको विशेषता थियो । बुढानिलकन्ठ स्कुलबाट एसएलसी उत्तीर्ण दीपेन्द्रको उच्च शिक्षा बेलायतको इटन कलेजमा भए पनि स्नातक र स्नातकोत्तर तहहरु भने त्रिभुवन विश्वविद्यालयअन्तर्गत नै भएको थियो ।
इटन कलेजबाट फर्किनुभएका दीपेन्द्रको स्नातक तहको पढाई त्रिभुवन विश्वविद्यालयअन्तर्गत गर्ने दरबारकाृ निधोअनुसार स्नातक कक्षामा भर्नाका लागि फोटोसहितको फारम लिएर पंक्तिकार त्रिचन्द्र कलेज पुगेको क्षण ताजा छ । त्यहाँ पुग्दा त्यतिखेर भर्नाकै लागि लामबद्ध विद्यार्थीले फर्ममा टाँसिएको युवराज दीपेन्द्रको फोटो देख्नासाथ बाटो छोड्दै अगाडि पठाएका थिए ।
उपस्थित विद्यार्थीहरुले अभिभावक कोलममा महाराजधिराजको दरखास्त कस्तो होला भनेर हेर्न उत्सुक भएर पंक्तिकारलाई विस्तारै अनुरो गरेको पनि आजैजस्तो लाग्छ । देखाउन नहुने कुरै थिएन । देखाएँ । तर अभिभावक कोलममा भने राजाको नाम होइन तत्कालीन संवाद सचिव धनमणि आचार्यको नाम र दस्तखत थियो ।
संवाद सचिवलाई राजाबाट फारममा दस्तखत गर्ने अख्तियारी दिइएअनुसार गर्नुभएको भन्ने सबैले बुझे । फाराममा आम सर्वसाधारणको जस्तै दीपेन्द्रको पासपोर्ट साइजको फोटो टाँसेको देखेपछि सबै ट्वाल्ल परेर हेरेको हेर्‍यै भए । पंक्तिकार दौरा सुरुवालमै थियो । त्यत्रो लाममा बसेका विद्यार्थी भाइबहिनीले बाटो छोड्दै अगाडि पठाएर सम्मान गरेको भएपनि एक्लो अगाडि पंक्तिमा पुग्दा कस्तो अनुभूति भयो ।
तर के गर्नु त्यतिखेरको त्यस्तै चलन । भर्नाका लागि विद्यार्थी अध्यक्षले दस्तखत गर्नुपर्ने चलन थियो । त्यसबेलाका अध्यक्ष शंकर पोखरेलले फर्म देख्नासाथ सिफारिस गरिदिनुभयो । आवश्यक तस्तुर तिरेर युवराज दीपेन्द्रलाई स्नातक तहमा भर्ना गर्ने कार्य सम्पन्न भयो । परीक्षामा युवराज दीपेन्द्र टपर हुनुभयो ।
त्रिचन्द्र कलेजको प्रागणमै आयोजित विशेष समारोहमा प्रमुख अतिथि तत्कालीन श्री ५ वीरेन्द्र वीरविक्रम शाहदेवबाट पुत्र तत्कालीन श्री ५ युवराजधिराज दीपेन्द्रलाई पेडलसहित पुरस्कृत गरिँदाको क्षण पनि पंक्तिकारको मानसपटलमा घुमिरहेको छ । त्यस समयमा वर्तमान उपप्रधानमन्त्री प्रकाशमान सिंह पनि सो विशेष समारोहमा सहभागीका रुपमा दर्शकदीर्घामा बस्नुभएको थियो ।
स्नातक टपर भएपछि बुबाज्यु महाराजधिराजबाट मेडलसहित सम्मानित युवराज दीपेन्द्रको सफलताकै खुसियालीमा दरबारमा तत्कालीन श्री ५ बडामहारानी ऐश्वर्य राज्यलक्ष्मी देवी शाहबाट विशेष जलपान समारोहको आयोजना भएको थियो । सहभागीलाई बडामहारानीबाट प्लेटमा फरफूल सर्भ भएको दुर्लभ दृश्य देखिएको थियो ।
गत आइतबारको बन्दका क्रममा प्रहरीले नियन्त्रणमा दिएका संघीय समाजवादी फोरमका नेता राजेन्द्र श्रेष्ठ तत्कालीन मन्त्रीको हैसियतमा उपस्थित हुनुहुन्थ्यो । समयले कहाँको कहाँ पु¥याउदो रहेछ । अध्ययनका क्षेत्रमा गहिरो अभिरुची, एकाग्रता, बिहंगम ज्ञान, स्मरण शक्तिलगायत हरेक तत्व विद्यमान रहेका युवराज दीपेन्द्रको भूगोल विषयक विद्यावारिधिको भाइभा मात्र बाँकी थियो ।
२०५८ को मंसिर महिनासम्ममा युवराज दीपेन्द्रको पीएचडी डाक्टर हुने तय थियो । तर विडम्बना, जेठ १९ गतेको भयानक शाही हत्याकाण्डले ती सबै योजना पानीमा मिलाइदियो ।

भिडियो हेर्न तलको बाकस थिच्नुहोस

काठमाडौँ, २ भदौ । तपार्इलाई नियमित जसो नै रुघाखोकीले सताइरहन्छ ? यदी तपाईको नाकबाट प्राय पातलो पानी बगीरहने र सार्वजनिक ठाउँमा बोल्न वा बसेर काम गर्न गाह्रो भइरहेको छ भने तपाइका लागी खुशीको खबर छ । तर तपाइको समस्या समाधान गर्न औषधी सेवन गर्नुपर्ने भने होइन ।

तपाइले अपनाउने एक मात्र अस्त्र हो ।अमेरीकामा गरिएको एक अध्ययन अनुसार नियमित सम्भोग गर्ने मानिसहरुमा रुघाखोकीको समस्या कम हुने समाचार हालै प्रकाशनमा आएपछि यो समस्याका रोगीहरुलेलाई औषधी भन्दा पनि सहवासका लागी उनीहरुले सुझाएका छन् ।

उक्त अध्ययन अनुसार हप्तामा कम्तिमा एक वा दुइपटक सम्भोग गर्दा म्युनोग्लोबुलिनको मात्रा बढ्दछ । यो र्याल तथा नाकमा हुने महत्वपूर्ण एन्टीबडी हो । जसका कारण पटक पटकको चरम आनन्दले युवामा तापको मात्रा बढ्न पुग्छ र टाउको दुखाइ पनि निको पार्छ । चरम आनन्दका क्रममा उत्सर्जन हुने रिल्याक्सिङ हमोर्नले तनाव कम गर्ने तथा टाउको दुखाइ घटाउने शोधकर्ताहरु बताउँछन् ।

www.etajakhabar.com

Home