Featured, News » इन्डोनेसियामा ज्वालामुखी, तीन विमानस्थलमा सेवा अवरुद्ध

बाली (इन्डोनेसिया), १८ कात्तिक । इन्डोनेसियामा ज्वालामुखी विस्फोटपछि ज्वालामुखीबाट निस्केको खरानी र धुलो यहाँको ठूलो क्षेत्रमा फैलिएपछि तीन विमानस्थलमा सेवा अवरुद्ध भएको छ ।
लम्बक टापुको रिन्जानी पर्वतमा ज्वालामुखी विस्फोट हुँदा यसको अवशेष ३,५०० मिटर माथिसम्म पुगेको थियो । ज्वालामुखीबाट निस्केको खरानी र धुलोले टापु वरपरको १३५ किलोमिटर भूभाग आगटेको बताइएको छ ।
ज्वालामुखीका कारण आकाश क्षेत्र धुलो र धुवाँले भरिएपछि राजधानी बालीस्थित निगुराह राई अन्तर्राष्ट्रिय विमानस्थल, मप्टारमस्थित सेलापाराङ विमानस्थल र वान्युवाङगीस्थित ब्लिमविङसारी विमानस्थलका उडान सेवा अवरुद्ध भएको यहाँको यातायात मन्त्रालयले जनाएको छ ।
ज्वालामुखीका कारण अन्तर्राष्ट्रिय तथा घरेलु गरी जम्मा ६९२ उडान प्रभावित भएको मन्त्रालयले जनाएको छ ।
सरकारले स्वदेशी तथा विदेशी उडान गर्दा लम्बक टापु वरपरको पर्वतीय हवाई बाटोलाई प्रयोग नगर्न सम्बन्धित सबैलाई निर्देशन दिएको र प्रभावित क्षेत्रमा पुनः उडान सुरु गर्ने नगर्ने सम्बन्धमा बिहीबार बिहानसम्ममा सूचना जारी गर्ने बताइएको छ ।
रिन्जानी इलाका इन्डोनेसियाको १३० सक्रिय ज्वालामुखीका तरङ्ग उत्पादन हुने पहाडमध्येको एक हो ।
dainiknepal.com

0 comments

Write Down Your Responses