तिहार विधिवत रुपमा शुरु, आज काग तिहार
काठमाडौ । हिन्दू नेपालीहरुको दोस्रो ठूलो चाड तिहार आजबाट शुरु विधिवत रुपमा शुरु भएको छ ।नेपाल पञ्चाङ्ग निर्णायक समितिका अनुसार कात्तिक कृष्णपक्ष त्रयोदशीदेखि कात्तिक शुक्ल द्वितीयासम्म पाँच दिन मनाइने तिहार अन्तर्गत सोमबार पहिलो दिन काग तिहार मनाउन लागिएको हो ।
उज्यालो पर्वका रुपमा मनाइने तिहारको पहिलो दिन सोमबार काग तिहार मनाइदैछ ।कागलाई दैत्यराज यमराजको दूतको रुपमा पूजा गरी विभिन्न खानेकुरा खान दिने गरिन्छ । शुभ–अशुभ दुबै सन्देश बाहकको रुपमा कागलाई लिने गरिन्छ ।
यसैगरी २६ गते गोवर्धन पूजा र म्हपूजा तथा २७ गते भाइ टीका परेको छ । यसैबीच, नेपाल पञ्चाङ्ग निर्णायक समितिले यस वर्षको तिहारको भाई टिकाको शुभ साइत मध्याह्न ११ बजेर ५५ मिनेटमा रहेको बताएको छ ।
समितिका अध्यक्ष प्रा डा रामचन्द्र गौतमका अनुसार, यसअघि कालबेला पर्ने भएकाले यस वर्ष मध्याह्न ११ः५५ मा शुभ बेलाको साइत उत्तम छ र त्यसपछि दिनभर भाइटीका लगाउन सकिन्छ । उज्यालो, पशुपक्षी पूजा, भ्रातृभगिनी प्रेम, मिठाइ र सेलरोटी सेवन, फूल तथा मुलुकको मौलिक नेपाल संवत्को प्रारम्भ, महाकवि जयन्ती जस्ता विशेषता बोकेको पर्व यमपञ्चक हो ।
0 comments
Write Down Your Responses