नाकाबन्दी हटाउन भारतलाई संयुक्त राष्ट्रसंघको कडा दबाव
काठमाडौं, ५ मंसिर । संयुक्त राष्ट्रसंघले नेपालविरुद्ध भारतले गरेको नाकाबन्दीलाई लिएर चिन्ता व्यक्त गरेको छ । राष्ट्रसंघका महामसचिव बानकी मुनले नेपाल र भारतको सीमामा सामान ओसारपसारमा अबरोध भएको भन्दै चिन्ता जनाउनु भएको हो ।
‘उहाँ जीवन बचाउन आवश्यक औषधिको बढ्दो अबरोध र तोडफोडका घटना र मानवीय सहायताको काममा परिरहेको असरले चिन्तित हुनु भएको छ’, महासचिव बानको विज्ञप्तिमा उल्लेख छ ।
उहाँले सबै पक्षलाई यो अबरोध बिना बिलम्ब हटाउन आग्रह गर्नु भएको छ साथै नेपालको निर्वाध पारवहन अधिकार रहेकोमा जोड दिनु हुन्छ ।
वानले वार्ता, अहिंसा, भेला र प्रदर्शन गर्न पाउने स्वतन्त्रता तथा शान्तिपूर्ण बिरोधको सम्मानका लागि जोड दिनुभएको छ ।
राष्ट्रसंघले सबै पक्षलाई लचकता अपनाई आफ्ना असहमतिलाई शान्तिपूर्ण माध्यमबाट सुल्झाउन पनि आग्रह गरेको छ ।
dainiknepal
0 comments
Write Down Your Responses